ສະເໜີຮ່າງກົດໝາຍວ່າດ້ວຍການຄຸ້ມຄອງໜີ້ສາທາລະນະ

- MO finance - ສະເໜີຮ່າງກົດໝາຍວ່າດ້ວຍການຄຸ້ມຄອງໜີ້ສາທາລະນະ
- AGL banner - ສະເໜີຮ່າງກົດໝາຍວ່າດ້ວຍການຄຸ້ມຄອງໜີ້ສາທາລະນະ

ໃນວາລະການດຳເນີນກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII ໃນວັນທີ 6 ພະຈິກນີ້,  ໂດຍການເປັນປະທານທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ມີບັນດາທ່ານສະມາຊິກສະພາແຫ່ງຊາດ ໄດ້ພ້ອມກັນປະກອບຄຳຄິດເຫັນຢ່າງກົງໄປກົງມາໃສ່ຮ່າງກົດໝາຍວ່າດ້ວຍການຄຸ້ມຄອງໜີ້ສາທາລະນະ ສະບັບປັບປຸງໃໝ່ ເພື່ອເຮັດໃຫ້ຮ່າງກົດໝາຍດັ່ງກ່າວຄົບຖ້ວນສົມບູນ ແລະ ຮັດກຸມແທດເໝາະກັບສະພາບຕົວຈິງຂອງປະເທດ.

ທ່ານ ສົມດີ ດວງດີ ລັດຖະມົນຕີກະຊວງການເງິນ ໄດ້ລາຍງານວ່າ ໃນໄລຍະຜ່ານມາວຽກງານຄຸ້ມຄອງໜີ້ສາທາລະນະຂອງລາວເຮົາ, ຊຶ່ງມີໜີ້ສິນທີ່ເກີດຂຶ້ນຈາກການກູ້ຢືມ, ການອອກພັນທະບັດ, ການຄ້ຳປະກັນການກູ້ຢືມ ແລະ ການຄ້ຳປະກັນການສຳລະຂອງລັດຖະບານ ຍັງບໍ່ທັນມີນິຕິກຳສະເພາະຄຸ້ມຄອງ ຊຶ່ງໄດ້ອີງໃສ່ພຽງແຕ່ບາງມາດຕາຂອງກົດໝາຍວ່າດ້ວຍງົບປະມານແຫ່ງລັດ ສະບັບເລກທີ 71/ສພຊ ລົງວັນທີ 16 ທັນວາ 2015 ກົດໝາຍວ່າດ້ວຍການລົງທຶນຂອງລັດ (ສະບັບປັບປຸງ) ສະບັບເລກທີ 72/ສພຊ ລົງວັນທີ 15 ທັນວາ 2015 ແລະດຳລັດສະບັບເລກທີ 75/ນຍ ລົງວັນທີ 20 ມີນາ 2009 ວ່າດ້ວຍການຄຸ້ມຄອງນຳໃຊ້ທຶນຊ່ວຍເຫຼືອທາງການເພື່ອການພັດທະນາ ການຈັດຕັ້ງປະບັດວຽກງານຄຸ້ມຄອງໜີ້ໃນໄລຍະຜ່ານມາ ໂດຍອີງໃສ່ບັນດານິຕິກຳກ່າວມານັ້ນເຫັນວ່າຍັງບໍ່ທັນພຽງພໍໃນການຮັບປະກັນການຄຸ້ມຄອງໜີ້ສາທາລະນະໃຫ້ມີຄວາມປອດໄພໃນຕໍ່ໜ້າ ແລະ ການບໍ່ມີນິຕະກຳສະເພາະດັ່ງກ່າວນີ້ຈະເກີດຄວາມສ່ຽງຕາມມາ.

ສະນັ້ນ, ເພື່ອແນ່ໃສ່ເຮັດໃຫ້ວຽກງານຄຸ້ມຄອງໜີ້ສາທາລະນະ ມີນິຕິກໍາເປັນບ່ອນອີງໜັກແໜ້ນຕາມຫຼັກລະບຽບການ ແລະ ການຄຸ້ມຄອງກັບການພັດທະນາເສດຖະກິດ-ສັງຄົມ, ກວດກາໜີ້ທີ່ເກີດຈາກການກູ້ຢືມ ແລະ ຄ້ຳປະກັນການກູ້ຢືມຂອງລັດຖະບານໃຫ້ເປັນລະບົບຂຶ້ນກວ່າເກົ່າ ເພື່ອເຮັດໃຫ້ກົດໝາຍດັ່ງກ່າວ ກາຍເປັນເຄື່ອງມືທີ່ສຳຄັນຕົ້ນຕໍໃນການຄຸ້ມຄອງການເງິນພາກລັດ, ຮັບປະກັນສະຖຽນລະພາບທາງດ້ານເສດຖະກິດການເງິນມະຫາພາກ, ການເຕີບໂຕທາງດ້ານເສດຖະກິດ ແລະ ຄວາມເຊື້ອຖືຂອງສາກົນ, ຜູ້ໃຫ້ທຶນ ແລະ ນັກລົງທຶນກ່ຽວກັບຖານະໜີ້ຂອງລາວ ຈຶ່ງມີຄວາມຈຳເປັນຕ້ອງໄດ້ຄົ້ນຄວ້າສ້າງຮ່າງກົດໝາຍວ່າດ້ວຍການຄຸ້ມ ຄອງໜີ້ສາທາລະນະ, ຊຶ່ງປະກອບມີ 14 ພາກ, 10 ໝວດ ແລະ 70 ມາດຕາ.

+ນະຄອນຫລວງຍອມຮັບມີໜີ້ຈາກການກໍ່ສ້າງເສັ້ນທາງຈໍານວນຫລາຍ.

ຫລາຍທ້ອງຖິ່ນທາບທາມຮ່າງກົດໝາຍວ່າດ້ວຍຈັດຊື້ຂອງລັດ ແລະ ວ່າດ້ວຍການຄຸ້ມຄອງໜີ້ສາທາລະນະ

- lattana banner - ສະເໜີຮ່າງກົດໝາຍວ່າດ້ວຍການຄຸ້ມຄອງໜີ້ສາທາລະນະ
- lattana banner 1 - ສະເໜີຮ່າງກົດໝາຍວ່າດ້ວຍການຄຸ້ມຄອງໜີ້ສາທາລະນະ
-    AD conten website - ສະເໜີຮ່າງກົດໝາຍວ່າດ້ວຍການຄຸ້ມຄອງໜີ້ສາທາລະນະ
error: Alert: ເນື້ອຫາຂ່າວມີລິຂະສິດ !!