6 ວິທີຍືດອາຍຸການໃຊ້ງານໃຫ້ຢາງລົດ

- advert banner 728 90 728x90 - 6 ວິທີຍືດອາຍຸການໃຊ້ງານໃຫ້ຢາງລົດ

ນອກຈາກການເບິ່ງແຍງເຄື່ອງຈັກໃຫ້ພ້ອມເຮັດໜ້າທີ່ພ້ອມໃຊ້ງານຢູ່ຕະຫລອດເວລາແລ້ວ  ການເບິ່ງແຍງພາກສ່ວນອື່ນໆກໍຖື ວ່າສຳຄັນບໍ່ໜ້ອຍ ເຊິ່ງຊິ້ນສ່ວນບາງອັນທີ່ເປັນອາໄຫລ່ສິ້ນເປືອງກໍມີບາງອັນທີ່ສຳຄັນຫລາຍ ໜຶ່ງໃນນັ້ນກໍແມ່ນຢາງລົດ.

- new3 - 6 ວິທີຍືດອາຍຸການໃຊ້ງານໃຫ້ຢາງລົດ

ຢາງລົດຖືເປັນຊິ້ນສ່ວນທີ່ຕ້ອງປ່ຽນຕະຫລອດ ເຊິ່ງໄລຍະເວລາໃນການປ່ຽນກໍຂຶ້ນຢູ່ກັບຫລາຍປັດໄຈ ທັງໄລຍະການໃຊ້ງານ, ໄລຍະເວລາ ແລະ ອື່ນໆ, ແຕ່ສ່ວນຫລາຍຈະໃຊ້ກັນປະມານ 2 ປີ ຫລື ປະມານ 40.000 ກິໂລແມັດ ແຕ່ທັງນີ້ທ່ານສາມາດຍືດ ອາຍຸການໃຊ້ງານຂອງຢາງລົດໄດ້ງ່າຍໆດ້ວຍວິທີການເຫລົ່ານີ້.

  1. Run In ຫາກຫາກໍປ່ຽນຢາງມາໃໝ່ໃນໄລຍະເລີ່ມຕົ້ນ 100 – 200 ກິໂລແມັດ ທ່ານບໍ່ຄວນໃຊ້ຄວາມໄວເກີນ 100 ກິ ໂລແມັດຕໍ່ຊົ່ວໂມງ ເນື່ອງຈາກໂຄງສ້າງຂອງແກ້ມຢາງ ແລະ ໜ້າຢາງຍັງບໍ່ເຂົ້າທີ່ ດັ່ງນັ້ນ ທ່ານຈຶ່ງຄວນໃຫ້ເວລາຢາງລົດປັບສະ ພາບໃຫ້ເຂົ້າທີ່ກ່ອນ.
  2. ກວດເຊັກລົມຢາງສະໝໍ່າສະເໝີ : ໂດຍສະເພາະຢາງເກົ່າທາງທີ່ີດີຄວນກວດເຊັກຢ່າງໜ້ອຍອາທິດລະ 1 ເທື່ອ ເພາະຫາກມັນເກີດບັນຫາຂຶ້ນມາຈະໄດ້ແກ້ໄຂໄດ້ທັນເວລາ. ນອກຈາກນີ້ ຄວນຕື່ມລົມຢາງໃຫ້ເໝາະສົມ ຢ່າຕື່ມລົມໜ້ອຍ ຫລື ຫລາຍເກີນກ່ວາຄ່າທີ່ກຳນົດ ບໍ່ດັ່ງນັ້ນອາດເຮັດໃຫ້ອາຍຸຂອງຢາງສັ້ນລົງ, ຢາງບໍ່ຄ່ອຍຈັບພື້ນຖະໜົນ ແລະ ລົດກິນນຳ້ມັນຫລາຍຂຶ້ນ.
  3. ກວດເຊັກດອກຢາງ : ຫາກດອກຢາງທາງນອກຫ້ຽນ ສະແດງວ່າຢາງອາດເກີດການຮົ່ວຊຶມ ຫລື ທ່ານອາດຕື່ມລົມຢາງ ອ່ອນເກີນໄປ, ແຕ່ຖ້າດອກຢາງທາງກາງຫ້ຽນ ສະແດງວ່າທ່ານຕື່ມລົມຢາງຫລາຍເກີນໄປ ເຊິ່ງມັນມີຄວາມສ່ຽງທີ່ຈະເຮັດໃຫ້ ຢາງລະເບີດໄດ້ ຫາກຂັບເປັນເວລາດົນ.
  4. ຕັ້ງສູນລໍ້ : ວິທີນີ້ຊ່ວຍປັບໜ້າຢາງ ເຮັດໃຫ້ໜ້າຢາງມີການສຳຜັດກັບພື້ນຖະໜົນ ລວມໄປເຖິງກະຈາຍຄວາມຫ້ຽນຂອງໜ້າ ຢາງເທົ່າໆກັນທັງ 4 ລໍ້. ນອກຈາກນີ້, ຍັງຊ່ວຍໃຫ້ມີຄວາມດຸ່ນດ່ຽງໃນລະຫ່ວາງການຂັບຂີ່ ເຖິງວ່າເຮົາຈະປ່ອຍມືຈາກພວງມະໄລ ລົດກໍຍັງແລ່ນຊື່ ບໍ່ເຈີດອອກຊ້າຍ – ຂວາ.
  5. ຖ່ວງລໍ້ : ແມ່ນການເພີ່ມນຳ້ໜັກເຂົ້າໄປໃສ່ລໍ້ ເພື່ອເພີ່ມຄວາມດຸ່ນດ່ຽງໃຫ້ກັບລໍ້ທັງ 4 ແລະ ເມື່ອລໍ້ທັງໝົດມີຄວາມດຸ່ນດ່ຽງກັນດີແລ້ວ ດອກຢາງກໍຈະຫ້ຽນເທົ່າໆກັນ. ນອກຈາກນີ້ມັນຍັງຊ່ວຍໃຫ້ລົດຈັບພື້ນຖະໜົນດີຂຶ້ນນຳ.
  6. ສະຫລັບຢາງ : ຊ່ວຍເຮັດໃຫ້ເກີດການຫ້ຽນຂອງຢາງເທົ່າໆກັນທັງ 4 ເສັ້ນ ທັງຍັງຊ່ວຍໃຫ້ການຄວບຄຸມລົດ ແລະ ການບັງຄັບລົດດີຂຶ້ນ ດັ່ງນັ້ນ ທ່ານຈຶ່ງຄວນຈະສະຫລັບຢາງລົດທຸກໆ 10.000 ກິໂລແມັດ ຫລື ທຸກໆ 6 ເດືອນ.

ເຖິງວ່າເລື່ອງທີ່ກ່າວມາອາດເບິ່ງຫຍຸ້ງຍາກ, ວຸ້ນວາຍ ຫລື ເບິ່ງບໍ່ສຳຄັນ ແຕ່ເຊື່ອໄດ້ວ່າມັນສາມາດຊ່ວຍຍືດອາຍຸການໃຊ້ງານ ຂອງຢາງລົດໄດ້ດີ ດັ່ງນັ້ນຈົ່ງຢ່າເບິ່ງຂ້າມເລື່ອງນ້ອຍໆເຫລົ່ານີ້ ລວມໄປເຖິງການເບິ່ງແຍງຮັກສາລົດໃນພາກສ່ວນອື່ນໆນຳ.

error: Content is protected !!