ທະນາຄານ ແຫ່ງ ສປປ ລາວ ແລະ ສສ. ຫວຽດນາມຫາລື ການນຳໃຊ້ເງິນກີບ-ດົງ ໃນການຊື້-ຂາຍຕາມຊາຍແດນ

ວັນທີ 16 ສິງຫາ 2024 ຜ່ານມານີ້  ທະນາຄານແຫ່ງ ສປປ ລາວ ແລະ ທະນາຄານແຫ່ງລັດ ສສ. ຫວຽດນາມ ໄດ້ຮ່ວມກັນ ສຳມະນາ ແລກປ່ຽນວິຊາການພາຍໃຕ້ຫົວຂໍ້: “ການສົ່ງເສີມການນໍາໃຊ້ເງິນສະກຸນທ້ອງຖິ່ນ ລະຫວ່າງ ສປປ ລາວ ແລະ ສສ. ຫວຽດນາມ” ໂດຍການເປັນປະທານກອງປະຊຸມຂອງທ່ານ ນາງ ຂັນແກ້ວ ຫຼ້າມະນີເງົາ, ຮອງຜູ້ວ່າການ ທຫລ, ພ້ອມດ້ວຍການເຂົ້າຮ່ວມຂອງຄະນະກົມ, ຄະນະພະແນກ ແລະ ວິຊາການທີ່ກ່ຽວຂ້ອງ; ທະນາຄານທຸລະກິດຈາກ ສປປ ລາວ ແລະ ສສ.ຫວຽດນາມ ທີ່ດໍາເນີນການເຄື່ອນໄຫວຢູ່ ສປປ ລາວ; ແລະ ຜູ້ຄວບຄຸມລະບົບການຊໍາລະເງິນທົ່ວໄປຂອງທັງສອງປະເທດເຂົ້າຮ່ວມ ກໍຄື ບໍລິສັດ LAPNet (Lao National Payment Network) ແລະ ບໍລິສັດ NAPAS (National Payment Corporation of Vietnam).

ໃນປັດຈຸບັນ, ບັນດາປະເທດໃນອາຊຽນ ລວມທັງ ສປປ ລາວ ໄດ້ຫັນທິດທາງໄປສູ່ການນໍາໃຊ້ສະກຸນເງິນທ້ອງຖິ່ນ ເພື່ອປ້ອງກັນຄວາມສ່ຽງຈາກການປ່ຽນແປງທາງດ້ານການເມືອງ, ພູມີລັດຖະສາດ, ເສດຖະກິດ ແລະ ການເງິນ. ນອກຈາກນີ້, ຍັງເປັນການສົ່ງເສີມການຮ່ວມມືລະຫວ່າງພາກພື້ນ ແລະ ສາກົນ. ອີງຕາມຂໍ້ມູນທາງດ້ານການຄ້າ ແລະ ການລົງທຶນ, ສສ. ຫວຽດນາມ ແມ່ນເປັນປະເທດຄູ່ຄ້າອັນດັບທີ 3 ຂອງ ສປປ ລາວ ແລະ ທັງສອງຝ່າຍກໍໄດ້ມີການຮ່ວມມືກັນທາງດ້ານການຄ້າ ແລະ ການລົງທຶນ ມາເປັນເວລາດົນນານ ຊຶ່ງເປັນບ່ອນອີງທີ່ສໍາຄັນໃນການຮ່ວມມື ແລະ ສົ່ງເສີມການນໍາໃຊ້ສະກຸນເງິນທ້ອງຖິ່ນ ກີບ-ດົງ ລະຫວ່າງກັນໃຫ້ເປັນຮູບປະທໍາໃນຕໍ່ໜ້າ.

ສຳລັບລະບົບການເຊື່ອມຕໍ່ການຊຳລະຍ່ອຍຂ້າມແດນ ລາວ-ຫວຽດນາມ ໃນຮູບແບບ QR Code ນີ້ ແມ່ນກຳລັງຢູ່ໃນໄລຍະກະກຽມ ແລະ ຈະເລີ່ມດຳເນີນໂຄງການໄລຍະທີ່ 01 (ຫວຽດນາມ ສະແກນ ລາວ) ໃນເດືອນ ກັນຍາ 2024 ເຊິ່ງມີ 09 ທະນາຄານຂອງ ສສ. ຫວຽດນາມ