ຫາກໄຟເຕືອນນ້ຳມັນຂຶ້ນຈະຂັບຕໍ່ໄປໄດ້ອີກຈັກກິໂລ?

- 020611 2017 - ຫາກໄຟເຕືອນນ້ຳມັນຂຶ້ນຈະຂັບຕໍ່ໄປໄດ້ອີກຈັກກິໂລ?
- advert banner 728 90 728x90 - ຫາກໄຟເຕືອນນ້ຳມັນຂຶ້ນຈະຂັບຕໍ່ໄປໄດ້ອີກຈັກກິໂລ?

ໂດຍປົກກະຕິແລ້ວຄົນທົ່ວໄປ ມັກຈະຕື່ມນຳ້ມັນເມື່ອເຂັມນຳ້ມັນຫລຸດລົງເຫລືອປະມານ 1 ໃນ 4 ຂອງຖົງ (ຫລາຍຄົນກໍປ່ອຍໃຫ້ລົງຫລາຍກ່ວານັ້ນ) ແຕ່ບາງເທື່ອເຮົາກໍຂັບໄປໃນເສັ້ນທາງທີ່ບໍ່ລຶ້ງ ນຳ້ມັນກໍກຳລັງຈະໝົດ ແລະ ຍັງຊອກປຳ້ນຳ້ມັນຂ້າງໜ້າບໍ່ພົບ ໄຟເຕືອນນຳ້ມັນກໍແຈ້ງເຕືອນຂຶ້ນມາ, ແຕ່ຄວາມຈິງແລ້ວ ລົດຂອງທ່ານຍັງສາມາດແລ່ນໄປຕໍ່ໄດ້ເກືອບ 100 ກິໂລແມັດ.

- Wave100S AD to Website 2020 0 - ຫາກໄຟເຕືອນນ້ຳມັນຂຶ້ນຈະຂັບຕໍ່ໄປໄດ້ອີກຈັກກິໂລ?
- lattana 1 - ຫາກໄຟເຕືອນນ້ຳມັນຂຶ້ນຈະຂັບຕໍ່ໄປໄດ້ອີກຈັກກິໂລ?

ຖ້າເປັນລົດຮຸ່ນໃໝ່ໆທີ່ຕິດຕັ້ງຈໍໍສະແດງຂໍ້ມູນການຂັບຂີ່ ມັກຈະມີລະບົບແຈ້ງເຕືອນໄລຍະທາງຄົງເຫລືອຈາກປະລິມານນຳ້ມັນໃນຖັງມາໃຫ້ ເຊິ່ງໂຕເລກທີ່ສະແດງໃຫ້ເຫັນດັ່ງກ່າວມັນຈະອອກແບບເຜື່ອໄວ້ໃຫ້ຜູ້ຂັບຂີ່ສະເໝີ ດັ່ງນັ້ນ ເຖິງວ່າໂຕເລກຈະກາຍເປັນ 0 ລົດ ກໍຍັງສາມາດແລ່ນໄດ້ຕໍ່ໄປອີກໄລຍະໜຶ່ງເພື່ອໃຫ້ທ່ານຊອກປຳ້ນຳ້ມັນເຊື້ອໄຟທີ່ໃກ້ທີ່ສຸດໄດ້.

ເຖິງວ່າເຂັມສະແດງປະລິມານນຳ້ມັນຈະແຈ້ງວ່ານຳ້ມັນລົດຂອງທ່ານກ້ຽງຖັງໄປແລ້ວ, ແຕ່ຄວາມຈິງຍັງມີຄົງມີນຳ້ມັນເຫລືອຢູ່ ປະມານ 4 – 6 ລິດ ຂຶ້ນກັບຮຸ່ນລົດ. ດັ່ງນັ້ນ, ຫາກຄຳນວນຢ່າງຄ່າວໆວ່າຖ້າລົດທ່ານກິນນຳ້ມັນປະມານ 15 ກິໂລແມັດຕໍ່ລິດ ກໍຈະສາມາດແລ່ນໄດ້ເປັນໄລຍະທາງປະມານ 15X6 = 90 ກິໂລແມັດ, ແຕ່ຫາກເປັນການຂັບຂີ່ໃນເມື່ອງທີ່ ຕ້ອງຂັບຈອດຢູ່ຕະຫລອດ ໂຕເລກໄລຍະທາງທີ່ແລ່ນໄດ້ຈະຫລຸດລົງກ່ວານັ້ນຫລາຍ.

ດັ່ງນັ້ນ ຫາກໄຟເຕືອນນຳ້ມັນໃກ້ໝົດສະແດງຂຶ້ນ ຫລື ໜ້າຈໍສະແດງໄລຍະທາງທີ່ແລ່ນໄດ້ເປັນ 0 ແຕ່ທ່ານກໍຍັງສາມາດຂັບຕໍ່ໄປໄດ້ອີກຢູ່ ເພື່ອໃຫ້ຫາປຳ້ນຳ້ມັນທີ່ໃກ້ທີ່ສຸດໄດ້ໂດຍບໍ່ຕ້ອງກັງວົນ, ແຕ່ຖ້າຕ້ອງລຸ້ນແທ້ໆຍ້ອນຫາປຳ້ນຳ້ມັນບໍ່ພົບ ກໍໃຫ້ໃຊ້ວິທີປິດແອລົດໄປນຳ ຈະຊ່ວຍຫລຸດການກິນນຳ້ມັນລົງໄດ້, ແຕ່ທາງທີ່ດີບໍ່ຄວນປ່ອຍໃຫ້ນຳ້ມັນກ້ຽງຖັງເລື້ອຍໆ ເພາະອາດມີບັນຫາກ່ຽວກັບລະບົບປຳ້ເຊື້ອໄຟໃນອະນາຄົດໄດ້.

error: Alert: Content is protected !!