ກິນຢາປາຣາເຊຕາໂມນຫລາຍອັນຕະລາຍແນວໃດ?

ຄົນປ່ວຍທ່ານໜຶ່ງເປັນໄຂ້ມາ 7 ມື້ ກິນຢາຫລຸດໄຂ້ພາຣາເຊຕາໂມນເທື່ອລະ 2 ເມັດ, ທຸກ 4 ຊົ່ວໂມງທຸກມື້ ຕິດຕໍ່ກັນມາຕະຫລອດ 7 ມື້ ເມື່ອມາຮັບການປິ່ນປົວຢູ່ໂຮງໝໍພົບວ່າ : ຄົນປ່ວຍທ່ານນີ້ມີອາການຕັບອັກເສບຈາກການກິນຢາພາຣາເຊຕາໂມນເກີນຂະໜາດຕິດຕໍ່ກັນເປັນເວລາດົນ ເຊິ່ງເປັນອາການແຊກຊ້ອນທີ່ເກີດຂຶ້ນຈາກຄວາມຮູ້ເທົ່າບໍ່ເຖິງການ ເຊິ່ງເຮົາສາມາດປ້ອງກັນໄດ້ຈາກການສຶກສາໃຫ້ເຂົ້າໃຈເລື່ອງການໃຊ້ຢາພາຣາເຊໂມນດັ່ງນີ້ :

ຢາພາຣາເຊຕາໂມນປົກກະຕິເປັນຢາທີ່ມີຜົນຂ້າງຄຽງໜ້ອຍ ຖ້າໃຊ້ຢ່າງຖືກຕ້ອງ ແລະ ເໝາະສົມປະຈຸບັນເຮົາໃຊ້ຢາພາຣາເຊຕາໂມນກັນຢ່າງແຜ່ຫລາຍ ທັງໃນເດັກ ແລະ ຜູ້ໃຫຍ່ ບາງເທື່ອກິນກັນຫລາຍເກີນຂະໜາດກໍອາດເປັນອັນຕະລາຍໄດ້ ເພາະການກິນຢາພາຣາເຊຕາໂມນເກີນຂະໜາດສາມາດເຮັດໃຫ້ຕັບສູນເສຍການເຮັດວຽກ ຫລື ຕັບວາຍໄດ້ ເຊິ່ງຫາກໄດ້ຮັບຢາຕ້ານພິດບໍ່ທັນເວລາກໍຈະເຮັດໃຫ້ເສຍຊີວິດໄດ້. ດັ່ງນັ້ນໃນ 1 ມື້ບໍ່ຄວນກິນເກີນ 8 ເມັດ.

ຫາກຢາກປ້ອງກັນອັນຕະລາຍຈາກຢາພາຣາເຊຕາໂມນສຳລັບແມ່ຍິງແມ່ນ 1 ເມັດ ກິນຫລາຍທີ່ສຸດທຸກ 6 ຊົ່ວໂມງ. ສ່ວນຜູ້ຊາຍແມ່ນໃຫ້ພິຈາລະນາເປັນກໍລະນີໄປ ເນື່ອງຈາກຄົນປ່ວຍຊາຍບາງຄົນທີ່ດື່ມອານກໍຮໍເປັນປະຈຳອາດມີພະຍາດຕັບອັກເສບຈາກອານກໍຮໍຢູ່ແລ້ວ ຈຶ່ງສາມາດກິນຢາໄດ້ໃນປະລິມານທີ່ໜ້ອຍກ່ວາ ແລະ ຫ້າມໃຊ້ຢາພາຣາເຊຕາໂມນເກີນມື້ລະ 8 ເມັດ ເພາະຈະເປັນພິດຕໍ່ຕັບ.

ຜູ້ໃຫຍ່ໄຂ້ບໍ່ຄວນກິນຢາພາຣາເຊຕາໂມນຫລາຍກ່ວາເທື່ອລະ 1 ເມັດ ແລະ ບໍ່ຄວນກິນຕິດຕໍ່ກັນເກີນ 5 ມື້ ຫາກມີອາການໄຂ້ຕິດຕໍ່ກັນດົນເກີນກ່ວານັ້ນ ຄວນໄປໂຮງໝໍເພື່ອຫາສາເຫດຂອງໄຂ້ ແລະ ຮັບການປິ່ນປົວຢ່າງຖືກຕ້ອງ.

  • 1093 Posts
  • 0 Comments
iLike/LPN/20
error: Alert: Content is protected !!