ສະຫລອງປີໃໝ່ໃຫ້ມີສະຕິ

- Untitled design - ສະຫລອງປີໃໝ່ໃຫ້ມີສະຕິ

- pimailao 1 300x167 - ສະຫລອງປີໃໝ່ໃຫ້ມີສະຕິ

ຄືດັ່ງພວກເຮົາຮູ້ນໍາກັນວ່າອີກບໍ່ທໍ່ໃດມື້ຂ້າງໜ້າບຸນປີໃໝ່ ລາວ ພສ 2560 ກໍຈະໝູນວຽນ ມາບັນຈົບຄົບຮອບອີກວາລະ ໜຶ່ງ,ຊຶ່ງປະຊາຊົນລາວພວກເຮົາ ຕ່າງກໍຕັ້ງໜ້າລໍຄອຍເພື່ອຈະໄດ້ ພ້ອມພາກັນສະຫລອງວັນດັ່ງ ກ່າວດ້ວຍບັນຍາກາດຟົດຟື້ນ ມ່ວນຊື່ນຕາມຮີດຄອງປະເພນີ ອັນດີງາມຂອງຊາດທີ່ເຄີຍປະຕິ ບັດມາ,ສໍາລັບປີນີ້ຈະມີການພັກ ຍາວຫຼາຍວັນຄື:ແຕ່ວັນທີ 13 – 17 ເມສາ,ເພາະກົງກັບວັນເສົາ- ວັນອາທິດ,ຈຶ່ງໄດ້ພັກຊົດເຊີນຕື່ມອີກ 2 ວັນ,ອັນເປັນເງື່ອນໄຂ ເໝາະສົມໃຫ້ຜູ້ຕ້ອງການໄປທ່ອງ ທ່ຽວຢ້ຽມຢາມຍາດພີ່ນ້ອງໃນ ທ້ອງຖິ່ນຕ່າງໆ,ຊຶ່ງອາດມີບາງ ຄົນ,ບາງຄອບຄົວຕ້ອງໄດ້ປະ ເຮືອນຊານຫລາຍວັນ ແລະ ອາດ ເປັນຊ່ອງຫວ່າງໃຫ້ຄົນບໍ່ດີສວຍໂອກາດ ຂີ້ລັກງັດແງະ ຫຼື ບັນຫາອັກຄີໄພ, ດັ່ງນັ້ນເພື່ອຮັບປະກັນຄວາມປອດໄພໃນຊ່ວງ ໄລຍະບູນປີໃໝ່ນີ້, ພວກເຮົາຈະ ຕ້ອງໄດ້ພ້ອມກັນເພີ່ມທະວີປະຕິບັດຄໍາສັ່ງ ແນະນຳຂອງອໍານາດການປົກຄອງ ແລະ ເຈົ້າໜ້າທີ່ກ່ຽວໃຫ້ເຂັ້ມ ງວດ,ຍົກສູງສະຕິລະວັງຕົວປົກປັກຮັກສາຊັບສົມບັດຂອງຕົນໃຫ້ດີ,ກ່ອນຈະອອກຈາກເຮືອນຊານບ້ານຊ່ອງ     ຕ້ອງເອົາໃຈໃສ່ກວດກາ ແລະ ອັດປະ ຕູໃຫ້ດີ,ປິດກົງເຕີ້ໄຟຟ້າ,ນ້ຳປະ ປາ ແລະ ບັນຫາຄວາມປອດໄພອື່ນໆ, ພ້ອມແຈ້ງເຈົ້າໜ້າທີ່ຢູ່ໃກ້ ບ້ານຊ່ວຍສອດສ່ອງຕິດຕາມ, ການໃຊ້ລົດໃຊ້ຖະໜົນຕ້ອງມີສະຕິເຄົາລົບ ລະບຽບຈາລະຈອນຢ່າງເຂັ້ມງວດ,ມີມາລະຍາດ,ຮູ້ໃຫ້ກຽດອະໄພເຊິ່ງກັນ ແລະ ກັນ, ເມົາແລ້ວບໍ່ຂັບ,ເພື່ອ ຫລີກລ້ຽງການເກີດອຸປະຕິເຫດສ່ວນການຊຸມແຊວຫລີ້ນກິນ ກໍໃຫ້ຢູ່ບົນຈິດໃຈປະຢັດມັດທະ ຍັດ,ບໍ່ຟູມເຟືອຍ, ການຫົດສົງ ກໍໃຫ້ໃຊ້ນໍ້າທີ່ສະອາດ,ບໍ່ຄວນ ເອົານໍ້າເປື້ອນ,ນໍ້າກ້ອນດຶກ ແກ່ວງໃສ່ກັນ, ສ່ວນການນຸ່ງຖືກໍໃຫ້ ມີຄວາມຈົບງາມ,ໂດຍສະ ເພາະແມ່ຍິງບໍ່ຄວນແຕ່ງກາຍ ນຸ່ງຖືຍົ້ວະຍວນ,ສັ້ນເຂີນ ແລະ ປະພືດຕົນແບບລາ ມົກອານາຈານຕ່າງໆ, ຖ້າພວກເຮົາພ້ອມກັນປະຕິບັດລະບຽບໄດ້ຄືແນວນີ້ກໍຈະຊ່ວຍໃຫ້, ການສະເຫລີມສະຫລອງ ບຸນປີໃໝ່ລາວປີນີ້ ມີແຕ່ຄວາມມ່ວນຊື່ນ,ມີຄວາມ ເປັນລະບຽບຮຽບຮ້ອຍ, ສະ ຫງົບປອດໄພ ແລະ ຮັກສາໄດ້ ຮີດຄອງປະເພນີອັນດີງາມຂອງ ຊາດລາວເຮົາຢ່າງແທ້ຈິງ.

- Wave100S AD to Website 2020 0 - ສະຫລອງປີໃໝ່ໃຫ້ມີສະຕິ
- WhatsApp Image 2020 05 27 at 5 - ສະຫລອງປີໃໝ່ໃຫ້ມີສະຕິ
- WhatsApp Image 2020 05 27 at 5 - ສະຫລອງປີໃໝ່ໃຫ້ມີສະຕິ
error: Alert: ເນື້ອຫາຂ່າວມີລິຂະສິດ !!