ກະຊວງ ປກສ ຫວຽດນາມ ມອບລົດໃຫຍ່ 5 ຄັນ ແລະ ອຸປະກອນ ໃຫ້ກະຊວງ ປກສ ລາວ ເພື່ອນຳໃຊ້ກອງປະຊຸມສຸດຍອດອາຊຽນ
August 28, 2024 - 5:26 PM
ວັນທີ 27 ສິງຫາ 2024, ກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ ມອບລົດໃຫຍ່ 5 ຄັນ ແລະ ອຸປະກອນຮັບໃຊ້ວິຊາສະເພາະຈຳນວນໜຶ່ງ ໃຫ້ກະຊວງປ້ອງກັນຄວາມສະຫງົບ ເພື່ອຮັບໃຊ້ເຂົ້າໃນການປະຕິບັດວຽກປ້ອງກັນກອງປະຊຸມສຸດຍອດອາຊຽນ ຄັ້ງທີ 44- 45 ແລະ ກອງປະຊຸມອື່ນໆ ທີ່ ສປປ ລາວ ຮັບກຽດເປັນເຈົ້າພາບ ໃນ ປີ 2024.
ກ່າວມອບໂດຍ ພົນໂທ ເລືອງ ຕາມ ກວາງ ກຳມະການກົມການເມືອງສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ, ກ່າວຮັບໂດຍ ພົນເອກ ວິໄລ ຫລ້າຄຳຟອງ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສປປ ລາວ.
ຂ່າວ: ຄວາມສະຫງົບ
