7 ວັນຂອງການຄົບງັນບຸນ​ທາດ​ຫລວງສາມາດສະກັດກັ້ນສິ່ງຫຍໍ້ທໍ້ຫລຸດລົງຫລາຍທຽບກັບປີຜ່ານມາ

- advert banner 728 90 728x90 - 7 ວັນຂອງການຄົບງັນບຸນ​ທາດ​ຫລວງສາມາດສະກັດກັ້ນສິ່ງຫຍໍ້ທໍ້ຫລຸດລົງຫລາຍທຽບກັບປີຜ່ານມາ

ຕາມການເປີດເຜີຍຂອງທ່ານຫົວໜ້າ​ກອງ​ບັນຊາ​ການ ປກສ ນະຄອນຫລວງວຽງຈັນ ພົນຈັດຕະວາ ບຸບຜາ ສີຜົມມາ ໃຫ້ຮູ້ວ່າ: ຕະຫລອດໄລຍະ 7 ວັນຂອງການຄົບງັນບຸນນະມັດສະການພະທາດຫລວງວຽງຈັນ (ແຕ່ວັນທີ 28 ຕຸລາຫາວັນທີ 3 ພະຈິກ) ເຫັນວ່າມີປະກົດການຫຍໍ້ທໍ້ຕ່າງໆເກີດຂຶ້ນໃນບໍລິເວນ ງານບຸນດັ່ງກ່າວທັງໝົດ 32 ເລື່ອງ, ທຽບໃສ່ປີຜ່ານມາເຫັນວ່າຫລຸດລົງຫລາຍສົມຄວນ. ໃນນີ້​ລ່ວງ​ກະ​ເປົາມີ 24 ​ເລື່ອງ, ​ແຫກກະ​ເປົາ 5 ​ເລື່ອງ ​ແລະ ລັກ​ຊັບ​ພົນລະ​ເມືອງ 3 ​ເລື່ອງ, ມີຜົນເສຍຫາຍຫລາຍກວ່າ 10 ລ້ານ​ກີບ, ເຊິ່ງປາກົດການບໍ່ດີດັ່ງກ່າວນີ້ເກີດຂຶ້ນໃນໄລຍະສາມມື້ສຸດທ້າຍຂອງງານບຸນ, ເນື່ອງຈາກໄດ້ມີມວນຊົນເຂົ້າມາທ່ຽວບຸນດັ່ງກ່າວເປັນຈໍານວນຫລາຍ, ຈຶ່ງເປັນຊ່ອງຫວ່າງໃຫ້ກຸ່ມຄົນບໍ່ດີສາມາດສວຍໂອກາດລົງມືກໍ່ເຫດໄດ້ງ່າຍ, ໂດຍພວກເຂົາເຮັດເປັນ​ຂະ​ບວນການມີປະມານ 3-5 ຄົນ ແລະ ມີ​ການວາງ​ແຜນ​ເລືອກ​ເປົ້າໝາຍ​ກ່ອນ​​ລົງມື​ກໍ່​ເຫດແຕ່ລະຄັ້ງ ແລະ ​ຜູ້​ຕ້ອງ​ຫາກໍ່ເຫດ​ທີ່ເຈົ້າໜ້າທີ່​ຈັບສາມາດຈັບຕົວ​ມາດໍາເນີນຄະດີໄດ້ຈໍານວນໜຶ່ງ​ນັ້ນ, ສ່ວນ​ໃຫຍ່​ແມ່ນເປັນຊາວ​ຕ່າງດ້າວທີ່ມາອອກແຮງງານຢູ່ລາວ.

- new3 - 7 ວັນຂອງການຄົບງັນບຸນ​ທາດ​ຫລວງສາມາດສະກັດກັ້ນສິ່ງຫຍໍ້ທໍ້ຫລຸດລົງຫລາຍທຽບກັບປີຜ່ານມາ
error: Content is protected !!