ຈີນກຽມສະໜັບສະໜູນເງິນທຶນປະມານ 3.6 ແສນລ້ານຢວນ ພ້ອມໃຫ້ຄໍາໝັ້ນສ້າງວຽກ 1 ລ້ານຕໍາແໜ່ງ
ປະທານປະເທດ ສີຈິ້ນຜິງ ຂອງຈີນ ເຂົ້າຮ່ວມປະຊຸມຫາລືກັບບັນດາຜູ້ນໍາ ແລະ ຜູ້ແທນລະດັບສູງຂອງ 50 ກວ່າປະເທດຈາກທະວີບອາຟຣິກາ ໃນກອງປະຊຸມສຸດຍອດການຮ່ວມມື ຈີນ-ອາຟຣິກາ (FOCAC) ປີ 2024 ທີ່ຈັດຂຶ້ນລະຫວ່າງວັນທີ 4-6 ກັນຍາ ຢູ່ນະຄອນຫລວງປັກກິ່ງຂອງຈີນ.
ໂດຍຜູ້ນໍາຈີນປະກາດກຽມສະໜັບສະໜູນເງິນລົງທຶນປະມານ 3.6 ແສນລ້ານຢວນ ໃນເມກະໂປເຈັກດ້ານໂຄງລ່າງຂັ້ນພື້ນຖານກວ່າ 30 ໂຄງການທົ່ວທະວີບອາຟຣິກາ, ພ້ອມໃຫ້ຄໍາໝັ້ນກຽມສ້າງວຽກຢ່າງໜ້ອຍ 1 ລ້ານຕໍາແໜ່ງ.
ຈີນຍັງກຽມຈະຊຸກຍູ້ໂຄງການທີ່ເຊື່ອມຕໍ່ເຄືອຂ່າຍທາງບົກ ແລະ ທາງທະເລລະຫວ່າງຈີນກັບບັນດາປະເທດຕ່າງໆໃນອາຟຣິການໍາອີກ ໂດຍທ່ານ ສີຈິ້ນຜິງ ເນັ້ນເຖິງຄວາມພ້ອມທີ່ຈີນຈະຊ່ວຍເຫລືອ ແລະ ສະໜັບສະໜູນການພັດທະນາເຂດການຄ້າເສລີທະວີບອາຟຣິກາ (African Continental Free Trade Area: ACFTA) ແລະ ຮັດແໜ້ນການຮ່ວມມືດ້ານໂລຈິສຕິກ ແລະ ການເງິນ ເພື່ອຜົນປະໂຫຍດຂອງການພັດທະນາຂ້າມພາກພື້ນໃນທະວີບອາຟຣິກາ.
ອ້າງອີງ:
- https://www.reuters.com/world/china-deepen-industrial-agricultural-trade-investment-ties-with-africa-2024-09-05/
- https://www.rfi.fr/en/international/20240905-china-pledges-to-give-africa-51-bn-in-fresh-funding-over-next-three-years
- https://www.channelnewsasia.com/east-asia/china-offers-africa-billions-fresh-financing-promises-1-million-jobs-4587761
