ທ່ານ​ນາຍົກລັດຖະມົນຕີ ຢ້ຽມຢາມ​ແຂວງ​ຫລວງ​ພະ​ບາງ

- PM visit Luangphabang - ທ່ານ​ນາຍົກລັດຖະມົນຕີ ຢ້ຽມຢາມ​ແຂວງ​ຫລວງ​ພະ​ບາງ
- AGL banner - ທ່ານ​ນາຍົກລັດຖະມົນຕີ ຢ້ຽມຢາມ​ແຂວງ​ຫລວງ​ພະ​ບາງ

ພາຍຫລັງ​ສຳ​ເລັດ​ການ​ເຄື່ອນ​ໄຫວ​ຢ້ຽມຢາມ ທີ່​ແຂວງ​ອຸດົມ​ໄຊ. ດັ່ງນັ້ນ ​ໃນ​ວັນ​ທີ 5-6 ພະຈິກ 2017, ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ພ້ອມ​ດ້ວຍ​ພັນ​ລະ​ຍາ ​ແລະ ຄະນະ ​ກໍ​ໄດ້​ສືບ​ຕໍ່​ເຄື່ອນ​ໄຫວ​ຢ້ຽມຢາມ ​ແລະ ​ເຮັດ​ວຽກ​ຢູ່​ແຂວງ​ຫລວງ​ພະ​ບາງ ​ເຊິ່ງມີ​ທ່ານ ຄຳ​ຂັນ ຈັນທະ​ວີ​ສຸກ ​ເຈົ້າ​ແຂວງ​ຫລວງ​ພະ​ບາງ ​ແລະ ຄະນະ​ນຳ​ແຂວງ ພ້ອມ​ດ້ວຍ​ປະຊາຊົນ​ຊາວ​ແຂວງ​ຫລວງ​ພະ​ບາງ​ໃຫ້ການ​ຕ້ອນຮັບ​ຢ່າງ​ອົບ​ອຸ່ນ.

​ໃນ​ການ​ພົບ​ປະ​ໂອ້​ລົມ​ກັບ​ຄະນະ​ນຳ ​ແລະ ພະນັກງານ​ຫລັກ​ແຫ​ລ່ງ​ແຂວງ​ດັ່ງກ່າວ, ທ່ານ​ນາຍົກລັດຖະມົນຕີ ກໍ​ໄດ້​ສະ​ແດງ​ຄວາມ​ຊົມ​ເຊີຍ​ຕໍ່​ຜົນສຳ​ເລັດ​ຕ່າງໆ​ທີ່​ແຂວງ​ຫລວງ​ພະ​ບາງ​ຍາດ​ມາ​ໄດ້​ໃນ​ການ​ພັດທະນາ​ເສດຖະກິດ-ສັງຄົມ​ຂອງ​ແຂວງ ​ແລະ ພ້ອມ​ນີ້, ທ່ານ​ນາຍົກລັດຖະມົນຕີ ຍັງ​ໄດ້​ຍົກ​ໃຫ້​ເຫັນ 2 ວຽກ​ສຳຄັນ​ທີ່​ຈະ​ໄດ້​ພ້ອມ​ກັນ​ເອົາ​ໃຈ​ໃສ່​ຄື: ການ​ສ້າງ ​ແລະ ປະກາດ​ໃຫ້​ເມືອງ​ຫລວງ​ພະ​ບາງ​ເປັນ​ນະຄອນ ​ແລະ ສິ່ງ​ນີ້​ແມ່ນ​ໄດ້​ຜ່ານ​ການ​ພິຈາລະນາ​ຈາກ​ກອງ​ປະຊຸມ​ລັດຖະບານ​ສະ​ໄໝ​ສາມັນ​ປະຈຳ​ເດືອນ​ຕຸລາ​ຜ່ານ​ມາ ຕາມ​ການ​ພັດທະນາ​ໃນ​ໄລຍະ​ໃໝ່ ກໍ​ຄື​ມາດຖານ​ການສະ​ເໜີ​ຂຶ້ນ​ເປັນ​ນະຄອນ​ທີ່​ກຳນົດ​ໄວ້​ໃນ​ກົດໝາຍ ວ່າ​ດ້ວຍ​ການ​ປົກຄອງ​ທ້ອງ​ຖິ່ນ ​ແລະ ຄາດ​ວ່າ​ຈະ​ປະກາດ​ເປັນ​ທາງ​ການ​ໃນ​ເດືອນ​ເມສາ 2018 ທີ່​ຈະ​ມາ​ເຖິງ​ນີ້. ອີກ​ວຽກ​ງານ​ໜຶ່ງ​ແມ່ນ​ການ​ກະກຽມ​ໃຫ້​ແກ່​ປີ​ທ່ອງ​ທ່ຽວ​ລາວ 2018, ​ໃນ​ນັ້ນ​ໃຫ້​ເບິ່ງ​ຄືນ​ກ່ຽວ​ກັບ​ບັນດາ​ກິດຈະກຳ​ເຫລົ່ານັ້ນວ່າ​ຈະ​ມີ​ການ​ປັບປຸງ, ປົວ​ແປງ ​ແລະ ຍົກ​ລະດັບ​ຂຶ້ນ​ແນວ​ໃດ, ອັນ​ສຳຄັນ​ແມ່ນ​ບໍ່​ໃຫ້​ກະທົບ​ໃສ່​ວັດຖຸບູຮານ ​ແລະ ຮີດຄອງ​ປະ​ເພນີ​ອັນ​ດີງາມ-​ເກົ່າ​ແກ່​ຂອງ​ແຂວງ ກໍ​ຄື​ຂອງ​ຊາດ, ​ໃຫ້​ປົກ​ປັກ​ຮັກສາ​ເອກະລັກ​ດ້ານ​ອາຫານ​ການ​ກິນ​ຂອງ​ແຂວງ ​ເຖິງ​ວ່າ​ຈະ​ມີ​ການ​ປັບປຸງ​ສູດ​ໃຫ້​ເປັນ​ສາກົນ ​ແລະ ມາດຕະຖານ​ການ​ປຸງ​ແຕ່ງ​ຂຶ້ນກໍ​ຕາມ, ​ແຕ່​ກໍ​ຕ້ອງ​ມີ​ວິທີ​ການ​ຮັກສາ​ໄດ້​ລົດ​ຊາດ​ທີ່​ເປັນ​ເອກະລັກ ​ແລະ ສູດ​ດັ້ງ​ເດີມ​ຂອງ​ທ້ອງ​ຖິ່ນ, ​ເອົາ​ໃຈ​ໃສ່​ປົກ​ປັກ​ຮັກສາ​ພືດ​ຜັກ ​ແລະ ໝາກ​ໄມ້​ທີ່​ເປັນ​ພັນພື້ນບ້ານ​ເອກະລັກ​ທີ່​ດີ​ຂອງ​ທ້ອງ​ຖິ່ນ ​ເພື່ອ​ສົ່ງ​ເສີມ​ໃຫ້​ເປັນ​ສິນຄ້າ​ຕ້ອນຮັບ​ນັກ​ທ່ອງ​ທ່ຽວ, ອັນ​ສຳຄັນ​ຕ້ອງ​ໄດ້​ອົບຮົມ​ບົ່ມ​ສອນ​ລູກ​ຫລານ​ຂອງ​ພວກ​ເຮົາ​ໃຫ້​ອະນຸລັກ​ຮັກສາ​ປະ​ເພນີ​ການ​ນຸ່ງ​ຖື​ທີ່​ເປັນ​ເອກະລັກ​ຂອງ​ຊາວ​ແຂວງ​ຫລວງ​ພະ​ບາງ, ​ເສີມ​ຂະຫຍາຍ​ໄປ​ສູ່​ການ​ຜະລິດ​ເປັນ​ສິນຄ້າ 1 ບ້ານ 1 ຜະລິດ​ຕະພັນ (ODOP) ​ໃຫ້​ຫລາຍ​ຂຶ້ນ. ທ່ານ​ນາຍົກລັດຖະມົນຕີ ຍັງ​ໄດ້​ຍົກ​ໃຫ້​ເຫັນ​ສະພາບ​ການພົ້ນ​ເດັ່ນ​ທີ່​ເກີດ​ຂຶ້ນ​ໃນ​ພາກພື້ນ ​ແລະ ສາກົນ ອັນ​ສົ່ງ​ຜົນ​ກະທົບ​ທັງ​ດ້ານ​ບວກ ​ແລະ ດ້ານ​ລົບ​ຕໍ່​ປະ​ເທດ​ເຮົາ. ພ້ອມຍັງ​ໄດ້​ເນັ້ນ​ໃນ​ດ້ານ​ການຈັດຕັ້ງປະຕິບັດ​ທິດ 3 ​ເປີດຄື: ​ເປີດ​ປະຕູ, ​ເປີດ​ສິ່ງ​ກີດຂວາງ ​ແລະ ​ເປີດ​ໃຈ ​ເພື່ອ​ສ້າງ​ເງື່ອນ​ໄຂ​ສະດວກ ​ແລະ ດຶງ​ດູດ​ການ​ລົງທຶນ​ໃນ​ແຂວງ​ໃຫ້​ນັບ​ມື້ນັບ​ຫລາຍ​ຂຶ້ນ, ​ເອົາ​ໃຈ​ໃສ່​ແກ້​ໄຂ​ປາກົດການ​ຫຍໍ້​ທໍ້​ໃນ​ສັງຄົມ, ​ແກ້​ໄຂ​ບັນດາ​ກົນ​ໄກ, ການ​ຄຸ້ມ​ຄອງ​ບໍລິຫານ​ທີ່​ເປັນ​ບັນຫາ​ກົດ​ໜ່ວງ ​ແລ້ວ​ຫັນ​ໄປ​ສູ່​ຄຸນ​ນະພາ​ບ-ຫັນ​ໄປ​ສູ່​ປະສິດທິ​ຜົນ.

ນອ​ກຈາກ​ນີ້, ທ່ານ​ນາຍົກລັດຖະມົນຕີ ​ແລະ ຄະນະ ຍັງ​ໄດ້​ເດີນທາງ​ໄປ​ຢ້ຽມ​ຊົມ​ໂຄງການ​ກໍ່ສ້າງ​ທາງ​ລົດ​ໄຟ ລາວ-ຈີນ ທີ່​ໄດ້​ມີ​ການ​ເຈາະ​ອຸ​ໂມງ ​ແລະ ຈຸດ​ກໍ່ສ້າງ​ທາງ​ລົດ​ໄຟ​ຂ້າມ​ແມ່ນ້ຳຂອງ​ເປັນ​ສອງ​ຈຸດ​ທີ່​ພວມ​ດຳ​ເນີນ​ການ​ກໍ່ສ້າງ​ຂອງ​ໄລຍະ​ທາງ​ຜ່ານ​ແຂວງ​ຫລວງ​ພະ​ບາງ​ທັງ​ໝົດ 80 ກິ​ໂລ​ແມັ, ມີ 5 ສະຖານີ​ນ້ອຍ ​ແລະ 1 ສະຖານີ​ໃຫຍ່, ຜ່ານ 28 ບ້ານ​ຂອງ 3 ​ເມືອງ ​ຄື​ເມືອງ​ຈອມ​ເພັດ, ​ເມືອງ​ຫລວງ​ພະ​ບາງ ​ແລະ ​ເມືອງ​ຊຽງ​ເງິນ, ​ໃນ​ນັ້ນມີ​ການ​ເຈາະ​ອຸ​ໂມງ​ເຖິງ 22 ​ແຫ່ງ ​ແລະ ຂົວ​ຂ້າມ​ນ້ຳ 30 ​ແຫ່ງ ກວມ 78,93% ຂອງ​ໄລຍະ​ທາງ​ລົດ​ໄຟ​ຜ່ານ​ແຂວງ​ຫລວງ​ພະ​ບາງ.

- Wave100S AD to Website 2020 0 - ທ່ານ​ນາຍົກລັດຖະມົນຕີ ຢ້ຽມຢາມ​ແຂວງ​ຫລວງ​ພະ​ບາງ

​ໃນ​ໂອກາດ​ນີ້, ທ່ານ ຄຳ​ຂັນ ຈັນທະ​ວີ​ສຸກ ກໍ​ໄດ້​ລາຍ​ງານ​ສະພາບ​ການຈັດຕັ້ງປະຕິບັດ​ແຜນ​ພັດທະນາ​ເສດຖະກິດ-ສັງຄົມ​ຂອງ​ແຂວງ​ໃນ​ໄລຍະ 9 ​ເດືອນ​ຜ່ານ​ມາ ​ແລະ ການ​ກະກຽມ​ໃຫ້​ແກ່​ປີ​ທ່ອງ​ທ່ຽວ​ລາວ 2018 ​ເຊິ່ງ​ເຫັນ​ວ່າ​ເສດຖະກິດ​ຍັງ​ສືບ​ຕໍ່​ຂະຫຍາຍຕົວ​ຕໍ່​ເນື່ອງ ​ໃນ​ລະດັບ 8,4% ຕໍ່​ປີ, ສະ​ເລ່ຍລາຍ​ຮັບ​ຕໍ່​ຫົວ​ຄົນ​ໄດ້ 1.746 ​ໂດ​ລາ​ສະຫະລັດ​ຕໍ່​ປີ, ສາມາດ​ເກັບ​ລາຍ​ຮັບ​ງົບປະມານ​ໄດ້ 250 ກວ່າ​ຕື້ກີບ ​ເທົ່າ​ກັບ 94% ຂອງ​ແຜນການ, ດ້ານ​ການ​ລົງທຶນ ສຳລັບ​ປີ 2017 ສະພາ​ແຫ່ງ​ຊາດ​ໄດ້​ອະນຸມັດ​ງົບປະມານ​ລົງທຶນ​ຂອງ​ລັດ​ໃຫ້​ແຂວງ​ພະບາງ​ຈຳນວນ 283 ​ໂຄງການ ມີ​ມູນ​ຄ່າ 81.345 ຕື້ກີບ, ສາມາດ​ດຶງ​ດູດ​ການ​ລົງທຶນ​ຂອງ​ເອກະ​ຊົນ​ພາຍ​ໃນ ​ແລະ ຕ່າງປະ​ເທດ​ໄດ້ 252 ​ໂຄງການ ມູນ​ຄ່າ 529.365 ຕື້ກີບ ​ເທົ່າ​ກັບ 46,97% ຂອງ​ແຜນການ​ປີ, ຈາ​ກການ​ເຕີບ​ໃຫຍ່​ດັ່ງກ່າວ​ໄດ້​ປະກອບສ່ວນ​ເຂົ້າ​ໃນ​ການ​ແກ້​ໄຂ​ຄວາມທຸກ​ຍາກ​ຂອງ​ປະຊາຊົນ ​ເຊິ່ງປັດຈຸບັນ​ຍັງ​ມີ​ຄອບຄົວ​ທຸກ​ຍາກ 4.197 ຄອບຄົວ ​ເທົ່າ​ກັບ 5,39% ຂອງ​ພົນລະ​ເມືອງ ​ແລະ ພວມ​ກະກຽມ​ປະກາດ​ເມືອງ​ວຽງ​ຄຳ ​ເປັນ​ເມືອງ​ພົ້ນທຸກ​ໃນ​ຈຳນວນ 4 ​ເມືອງ​ທຸກ​ຍາກ​ຂອງ​ແຂວງ.

- WhatsApp Image 2020 05 27 at 5 - ທ່ານ​ນາຍົກລັດຖະມົນຕີ ຢ້ຽມຢາມ​ແຂວງ​ຫລວງ​ພະ​ບາງ
- WhatsApp Image 2020 05 27 at 5 - ທ່ານ​ນາຍົກລັດຖະມົນຕີ ຢ້ຽມຢາມ​ແຂວງ​ຫລວງ​ພະ​ບາງ
- WhatsApp Image 2020 05 27 at 5 - ທ່ານ​ນາຍົກລັດຖະມົນຕີ ຢ້ຽມຢາມ​ແຂວງ​ຫລວງ​ພະ​ບາງ
- WhatsApp Image 2020 05 27 at 5 - ທ່ານ​ນາຍົກລັດຖະມົນຕີ ຢ້ຽມຢາມ​ແຂວງ​ຫລວງ​ພະ​ບາງ
error: Alert: Content is protected !!