ທ້າຍ​ເດືອນ​ພະ​ຈິກນີ້ຈະ​ຈັດ​ງານ​ວາງສະ​ແດງ Lao ICT EXPO 2018

- Lao ict - ທ້າຍ​ເດືອນ​ພະ​ຈິກນີ້ຈະ​ຈັດ​ງານ​ວາງສະ​ແດງ Lao ICT EXPO 2018
- advert banner 728 90 728x90 - ທ້າຍ​ເດືອນ​ພະ​ຈິກນີ້ຈະ​ຈັດ​ງານ​ວາງສະ​ແດງ Lao ICT EXPO 2018

ກະຊວງ​ໄປສະນີ, ​ໂທລະ​ຄົມມະນາຄົມ ​ແລະ ການ​ສື່ສານ, ​ໄດ້​ຈັດ​ພິທີ​ຖະ​ແຫລ​ງຂ່າວຂຶ້ນທີ່​ໂຮງ​ແຮມດອນ​ຈັນ​ພາ​ເລດນະຄອນຫລວງ​ວຽງຈັນ​ໃນ​ວັນ​ທີ 8 ພະຈິກນີ້, ເພື່ອຊີ້ແຈງເຖິງການກະກຽມຈັດງານວາງສະແດງ Lao ICT Expo 2018 ​ເປັນ​ຄັ້ງ​ທີ 2 ພາຍ​ໃຕ້​ຫົວ​ຂໍ້ “ການ​ຫັນ​ໄປ​ສູ່​ການ​ປະຕິ​ຮູບດີ​ຈິ​ຕອນ’’ ​ຂຶ້ນໃນລະຫວ່າງ​ວັນ​ທີ 24-28 ມັງກອນ​ນີ້ທີ່ຢູ່​ສູນ​ການ​ຄ້າ​ລາວ​ໄອ​ເຕັກ, ​ເພື່ອ​ເປັນ​​ເງື່ອນ​ໄຂ ​ແລະ ​ໂອກາດ​ໃຫ້​ຜູ້​ປະກອບ​ການ​ດ້ານ​ໄອ​ຊີ​ທີ​ໄດ້​ແລກປ່ຽນບົດຮຽນ ​ແລະ ຮ່ວມ​ມື​ພັດທະນາການ​ນຳ​ໃຊ້​ຂໍ້​ມູນ​ຂ່າວສານ​ເຕັກ​ໂນ​ໂລ​ຊີ ICT ຈາກ​ພາກພຶ້ນ ​ແລະ ສາກົນ.

- lattana 1 - ທ້າຍ​ເດືອນ​ພະ​ຈິກນີ້ຈະ​ຈັດ​ງານ​ວາງສະ​ແດງ Lao ICT EXPO 2018
- Wave100S AD to Website 2020 0 - ທ້າຍ​ເດືອນ​ພະ​ຈິກນີ້ຈະ​ຈັດ​ງານ​ວາງສະ​ແດງ Lao ICT EXPO 2018

ທ່ານລັດຖະມົນຕີກະຊວງດັ່ງກ່າວ ທັນສະໄໝ ກົມມະສິດ ​ໃຫ້​ຮູ້​ວ່າ: ສປປ ລາວ ​ເປັນ​ປະ​ເທດໜຶ່ງທີ່​ມີ​ການ​ພັດທະນາ ​ແລະ ມີ​ການ​ຂະຫຍາຍຕົວ​ໄວ​ທາງ​ດ້ານເຕັກ​ໂນ​ໂລ​ຊີສື່ສານ, ຂໍ້​ມູນ​ຂ່າວສານ ​ແລະ ນັບ​ມື້ມີ​ບົດບາດ​ສຳຄັນ​ໃນ​ການ​ດຳລົງ​ຊີວິດ​ຂອງ​ຄົນ​ເຮົາ ​ເຊັ່ນ: ອຳນວຍ​ຄວາມ​ສະດວກ​​ໃຫ້​ແກ່​ການ​ປົກຄອງ, ການ​ຜະລິດ, ການ​ສຶກສາ, ການ​ສື່ສານ ​ແລະ ສາທາລະນະ​ສຸກ, ປັດຈຸບັນມີ​ການ​ເຕີບ​ໃຫຍ່ຊຶ່ງ​ນັບ​ແຕ່​ປີ 2000 ຈາກ​ຜູ້​ຊົມ​ໃຊ້ພຽງ 36% ​ເພີ່ມ​ຂຶ້ນ 120% ​ໃນ​ປີ 2017. ນອກຈາກ​ນີ້, ທົ່ວ​ປະ​ເທດ​ຍັງ​ສາມາດ​ນຳ​ໃຊ້​ອິນ​ເຕີ​ເນັດ 2G, 3G ກວມ 86% ​ແລະ 4G ກວມ 36% ຂອງ​ຈໍານວນ​ບ້ານ, ຂະນະ​ດຽວກັນ ສປປ ລາວ ຍັງ​ມີ​ດາວ​ທຽມ​ເປັນ​ຂອງ​ຕົນ​ເອງ, ​ເຮັດ​ໃຫ້​ສາມາດ​ພັດທະນາ​ທຽບ​ເທົ່າ​ກັບ​ສາກົນໄດ້.

error: Alert: Content is protected !!