ບໍລິສັດ ພັດທະນາຫີນປະເສີດລາວ-ຈີນ ມອບເງິນຊຸກຍູ້ກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ມູນຄ່າ 100  ລ້ານກີບ

ໃນວັນທີ 8 ພະຈິກນີ້, ບໍລິສັດ ພັດທະນາຫີນປະເສີດລາວ-ຈີນ ຈໍາກັດ, ໄດ້ເຂົ້າມອບເງິນປະກອບສ່ວນຊຸກຍູ້ກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ VIII, ຈໍານວນ 100 ລ້ານກີບ, ມອບໂດຍທ່ານ ວິພະກອນ ສິດທິປັນຍາ ຮອງຜູ້ອໍານວຍການໃຫຍ່ ບໍລິສັດດັ່ງກ່າວ ຮັບໂດຍທ່ານ ນາງ ສວນສະຫວັນ ວິຍະເກດ ເລຂາທິການສະພາແຫ່ງຊາດ.

ໃນໂອກາດດຽວກັນ ຄະນະປະຈໍາສະພາແຫ່ງຊາດ ໄດ້ມອບໃບຍ້ອງຍໍໃຫ້ບໍລິສັດດັ່ງກ່າວ ທີ່ໄດ້ປະກອບສ່ວນ ສະໜັບສະໜູນອັນສໍາຄັນດັ່ງກ່າວ ເພື່ອໃຫ້ການດໍາເນີນກອງປະຊຸມສະພາແຫ່ງຊາດຄັ້ງສໍາຄັນນີ້ ປະສົບຜົນສໍາເລັດຈົບງາມ.