ເຈົ້າໜ້າທີ່ພວມເລັ່ງກວດຫາສານພິດທີ່ເຮັດໃຫ້ເດັກນ້ອຍ 3 ຄົນເສຍຊີວິດຢູ່ເມືອງໝື່

- advert banner 728 90 728x90 - ເຈົ້າໜ້າທີ່ພວມເລັ່ງກວດຫາສານພິດທີ່ເຮັດໃຫ້ເດັກນ້ອຍ 3 ຄົນເສຍຊີວິດຢູ່ເມືອງໝື່

ທ່ານພັນຕີ ​ແສງ​ເພັດ ສຸ​ທຳ​ມະ​ວົງ ຮອງ​ຫົວໜ້າ​ພະ​ແນ​ກຕຳຫລວດ​ສືບສວນ-ສອບ​ສວນ ປກສ ​ແຂວງ​ວຽງ​ຈັນ, ​ໄດ້ລາຍງານໃຫ້ຮູ້ກ່ຽວກັບ​ຄວາມ​ຄືບ​ໜ້າຂອງການສືບສວນໃນກໍລະນີເດັກນ້ອຍ 3 ຄົນເສຍຊີວິດຍ້ອນສານພິດຢູ່ ບ້ານ​ປ່າ​ໄຜ​ເມືອງ​ໝື່ນ​ແຂວງ​ວຽງ​ຈັນເມື່ອທ້າຍເດືອນຕຸລາຜ່ານມານີ້ວ່າ:ເຫດການອັນໜ້າເສົ້ານີ້, ແມ່ນ​ໃນ​​ວັນ​ທີ 24 ຕຸລາ 2017 ທ້າວ ຟືຢ່າງ ອາຍຸ 32 ປີຊຶ່ງເປັນພໍ່​ຂອງ​ເດັກ​ທັງ​ສາມ, ​ໄດ້​ເດີນທາງ​ລົງມາ​ນະຄອນຫລວງ​ວຽງ​ຈັນ ​ເພື່ອ​ເຮັດວຽກນໍາໝູ່ຢູ່​ເຂດບ້ານ​ສີ​ເກີດ​ເມືອງ​ນາ​ຊາຍ​ທອງ, ​ແຕ່​ບໍ່​ທັນ​ໄດ້​ເຮັດ​ວຽກ, ມື້ຕໍ່​ມາ​ຜູ້ກ່ຽວ​ຈຶ່ງ​ໄປ​ເລາະຕະຫລາດ​ເຊົ້າ​ແລ້ວ​ໄດ້​ຈ້າງ​ລົດ​ໂດຍສານ​ກັບເມື່ອ​ບ້ານ ພໍນັ່ງລົດ​ມາ​ຮອດ​ຕະຫລາດ​ສີ​ໄຄ ​ຈຶ່ງໄດ້​ບອກ​ໃຫ້ຄົນຂັບລົດໂດຍສານ​ຈອດ​ລົດ​ເພື່ອ​ຊື້​ເຂົ້າຈີ່​ປາ​ເຕ້ໜຶ່ງກ້ອນແລ້ວເກັບ​ໄວ້​ໃນ​ຖົງເຄື່ອງ, ພໍ​ມາ​ຮອດ​ບ້ານ​ໃນ​ເວລາ ປະມານ 16:00 ​ໂມງກໍ​ໄດ້​ວາງ​ກະ​ເປົາ​ໄວ້​ແລ້ວ​ໄປ​ອຸ້ມ​ລູກ​ຊາຍອາຍຸພຽງ 6 ​ເດືອນ. ຈາກ​ນັ້ນລູກ​ສາວ​ກົກ​ຊື່​ນາງ ​ແກ້ວ​ວ່າງ ອາຍຸ 8 ປີ​ໄດ້​ໄປ​ຄົ້ນກະ​ເປົາ​ເຄື່ອງ​ຂອງ​ພໍ່​ແລ້ວເຫັນ​ເຂົ້າຈີ່​ ຈຶ່ງໄດ້​ເອົາ​ໄປ​ໃຫ້​ແມ່​ຊື່​ນາງ ນູວ່າງ ອາຍຸ 24 ປີ ທີ່​ພວມ​ແຕ່ງກິນ​ຢູ່​ເຮືອນຄົວ, ຈາກນັ້ນ​ຜູ້​ເປັນ​ແມ່ກໍ​ໄດ້​ແບ່ງ​ເຂົ້າຈີ່​ເປັນ​ສາມ​ສ່ວນ​ໃຫ້​ນາງ ​ແກ້ວ​ວ່າງ, ນາງ ນິຢ່າງ ອາຍຸ 5 ປີ ​ແລະ ນາງ ຫລ້າ​ນ້ອຍ ອາຍຸ 3 ປີ ແລະ ພາຍຫລັງ​ລູກ​ທັງ​ສາມ​ໄດ້​ກິນ​ເຂົ້າຈີ່​ໝົດ​ແລ້ວ ກໍພ້ອມ​ກິນ​ເຂົ້າຮ່ວມ​ກັນ​ອີກ, ຈາກ​ນັ້ນສອງຜົວ​ເມຍ​ໄດ້​ພາກັນ​ໄປ​ອາບນ້ຳຢູ່​ຫ່າງ​ຈາກ​ເຮື​ອນປະມານ 25 ​ແມັດ, ​ໃນ​ຂະນະ​ນັ້ນຜູ້​ເປັນ​ແມ່​ກັບ​ຄືນ​ມາ​ເອົາ​ສະ​ບູຢູ່​ເຮືອນ​ຈຶ່ງພົບ​ເຫັນ​ລູກ​ທັງ​ສາມ​ຄົນ​ນອນ​ໝົດ​ສະຕິ​ຢູ່​ກາງ​ເຮືອນ​ ​ແລະ ມີ​ຟອດສີຂາວ​ໄຫລ​ອອກ​ຈາກ​ປາກ ຈຶ່ງ​ໄດ້​ຮ້ອງ​ໃຫ້​ຜົວ​ມາ​ຊ່ວຍ​ເອົາລູກນຳ​ສົ່ງ​ໂຮງໝໍ​ເມືອງ​ໝື່ນ, ​ເມື່ອ​ໄປ​ຮອດໂຮງໝໍ​ນາງ ​ແກ້ວ​ຢ່າງ ​ໄດ້​ເສຍ​ຊີວິດ​ແລ້ວ ແລະ ອີກ​ສອງ​ຄົນແມ່ນ​ເສຍ​ຊີວິດ​ໃນ​ເວລາ​ຕໍ່​ມາ.

- new3 - ເຈົ້າໜ້າທີ່ພວມເລັ່ງກວດຫາສານພິດທີ່ເຮັດໃຫ້ເດັກນ້ອຍ 3 ຄົນເສຍຊີວິດຢູ່ເມືອງໝື່

ຕາມການສັນນະສູດ, ເດັກນ້ອຍ​ທັງ​ສາມ​ຄົນແມ່ນ​ເສຍ​ຊີວິດ​ຍ້ອນສານພິດ, ​ແຕ່​ຍັງ​ບໍ່​ສາມາດ​ລະບຸເປັນສານພິດ​ຊະນິດໃດ ແລະ ​​ຜົນ​ພິສູດ​ຂອງ​ກົມ​ຕຳຫລວດ​ນິຕິ​ວິທະຍາ ກະຊວງປ້ອງກັນຄວາມສະຫງົບພົບ​ວ່າ: ​ອະ​ໄວ​ຍະພາຍ​ໃນ​ພົບ​ເຫັນ​ປອດ​ເປັນ​ສີ​ມ້ວງ, ຫົວ​ໃຈ​ແຮ່​ວ​ເປັນ​ສີ​ບົວ, ຕັບ​, ມ້າມ, ໝາກ​ໄຂ່ຫລັງ ​ແລະ ກະ​ເພາະ​ອາຫານ​ມີ​ສີ​ບົວ. ​ປັດຈຸບັນ​ເຈົ້າໜ້າ​ທີ່​ ປກສ ​ແຂວງໄດ້ສົມທົບ​ກັບ​ກົມ​ຕຳຫລວດ​ນິຕິ​ວິທະຍາ​ກຳລັງ​ເລັ່ງ​ພິສູດ​ຫາ​ສານພິດ​ດັ່ງກ່າວ ແລະ ຄາດ​ວ່າ​ຈະ​ຮູ້​ໃນ​ໄວໆ​ນີ້. ສ່ວນ​ຜູ້​ເປັນ​ພໍ່​ຂອງ​ເດັກ​​ທີ່ມີ​ຂ່າວ​ວ່າຖືກ​ເຈົ້າໜ້າທີ່ກັກ​ຕົວນັ້ນ, ແມ່ນ​ບໍ່​ເປັນ​ຄວາມ​ຈິງຄືດັ່ງສື່ອອນລາຍໄດ້ເຜີຍແຜ່ໃນກ່ອນໜ້ານີ້.

error: Content is protected !!