ເຕັກນິກຫລຸດຮອຍສິວແບບທຳມະຊາດ

- Untitled design -     ເຕັກນິກຫລຸດຮອຍສິວແບບທຳມະຊາດ
  1. ຫົວຜັກບົ່ວແດງ : ມີສານໃນການຕໍ່ຕ້ານເຊື້ອແບັກທີເຣຍ ເຊິ່ງເປັນສາເຫດຂອງສິວ ແລະ ມີສານຕໍ່ຕ້ານອະນຸມູນອິດສະ ລະ. ວິທີໃຊ້ : ເອົາຫົວຜັກບົ່ວແດງມາປອກເປືອກ, ຊອຍເປັນແຜ່ນບາງໆ, ທຸບຄ່ອຍໆ ຫລື ສັບໃຊ້ມຸ່ນ ແລ້ວເອົານ້ຳຂອງຫົວຜັກບົ່ວແດງທີ່ຊຶມອອກມານັ້ນທາໃສ່ບໍລິເວນທີ່ເປັນສິວ ຫລື ຈຸດດ່າງດຳ ປະໄວ້ປະມານ 15 ນາທີ ແລ້ວລ້າງອອກ ເຮັດເປັນປະຈຳທຸກມື້ ຮອຍສິວກໍຈະຄ່ອຍໆຈາງລົງ ແລະ ຜິວໜັງທີ່ເປັນສີດຳກໍຈະກາຍເປັນສີແດງ ແລະ ກາຍເປັນສີຜິວໜັງຕາມປົກ ກະຕິ, ແຕ່ເວລາທາອາດຈະຮູ້ສຶກແສບ ເພາະຈະຊ່ວຍຟື້ນຟູຜິວໜັງຊັ້ນນອກ ແລະ ຊ່ວຍຫລຸດການສ້າງສານເມລານິນທີ່ຄ້າງຢູ່ໃນຮອຍດຳ.
  2. ໝາກຫຸ່ງສຸກ : ມີເອັນໄຊປາເປນ (enzyme papain) ແລະ ຄີໂມປາເປນ (Chymo papain) ເຊິ່ງຊ່ວຍໃນການຍ່ອຍໂປຣຕິນ ແລະ ຫລຸດການອັກເສບຂອງຜິວໜັງ ຈຶ່ງສາມາດກະຕຸ້ນໃຫ້ເກີດການສະໝານບາດແຜໃຫ້ຜິວໜັງ ແລະ ຫລຸດຮອຍຫ່ຽວທີ່ເກີດຂຶ້ນຈາກສິວໄດ້. ວິທີໃຊ້ : ເອົາໝາກຫຸ່ງສຸກມາປອກເປືອກ ແລະ ລ້າງຢາງອອກໃຫ້ສະອາດ ເພາະຢາງອາດຈະກັດໃບໜ້າໄດ້. ຈາກນັ້ນ, ໃຫ້ເອົາໝາກຫຸ່ງມາບົດຈົນແຫລວ ພອກໜ້າປະໄວ້ 10 – 15 ນາທີ ແລ້ວລ້າງອອກ ຮອຍດຳ ຈາກສິວຈະຫລຸດລົງ ແລະ ໜ້າຈະນຸ້ມຫລາຍຂຶ້ນ.
  3. ໝາກເລັ່ນ : ອຸດົມໄປດ້ວຍວິຕາມິນເຊ ຊ່ວຍກຳຈັດບັນຫາເລື່ອງສິວ ແລະ ເຮັດໃຫ້ຜິວສົດໃສຂຶ້ນ ແລະ ໃນນ້ຳໝາກເລັ່ນມີສານ Licopersioin ຊ່ວຍຂ້າເຊື້ອລາ ແລະ ແບັກທີເຣຍ ຈຶ່ງຊ່ວຍປິ່ນປົວສິວ ແລະ ສະໝານບາດແຜໄດ້ດີ ລວມເຖິງວິຕາມິນອາ ເຊິ່ງຊ່ວຍເຮັດໃຫ້ຜິວສຸຂະພາບດີ ແລະ ຊ່ວຍທຳລາຍນ້ຳມັນສ່ວນເກີນອອກໄປ. ສິ່ງສຳຄັນສານຕ້ານອະນຸມູນອິດ ສະລະໃນໝາກເລັ່ນຍັງຊ່ວຍຕໍ່ສູ້ກັບອະນຸມູນອິດສະລະຕ່າງໆ ໂດຍສະເພາະໃນເລື່ອງຂອງຜິວໜັງ ເຊັ່ນ : ຊ່ວຍປິ່ນປົວສິວ. ວິທີໃຊ້ : ຝານໝາກເລັ່ນເປັນແຜ່ນບາງໆ ແລ້ວເອົາໄປວາງໄວ້ເທິງບໍລິເວນທີ່ເປັນບາດແຜ ຫລື ປັ່ນໝາກເລັ່ນໃຫ້ແຫລວ ຈາກນັ້ນເອົາມາພອກໜ້າປະໄວ້ 20 ນາທີ ແລ້ວລ້າງອອກໂດຍນ້ຳສະອາດ.
  4. ໃບຜັກໜອກ : ມີສານກລູໂຄໄຊ (Glucosides) ເຊິ່ງຈະຊ່ວຍຕໍ່ຕ້ານອະນຸມູນອິດສະລະ ແລະ ສ້າງຄໍລາເຈັນໃຫ້ແກ່ຜິວໜັງ ເຮັດໃຫ້ຮອຍດຳຈາກສິວຈາງລົງ ລວມທັງເຮັດໃຫ້ສະພາບຜິວດີຂຶ້ນນຳອີກ. ວິທີໃຊ້ : ເອົາໃບຜັກໜອກມາປັ່ນ ຫລື ຕຳໂດຍຄົກ ແລ້ວເອົາມາທາພອກໜ້າ ປະໄວ້ປະມານ 10 – 15 ນາທີ ແລ້ວລ້າງອອກ ໂດຍນ້ຳສະອາດ.
- Wave100S AD to Website 2020 0 -     ເຕັກນິກຫລຸດຮອຍສິວແບບທຳມະຊາດ
- WhatsApp Image 2020 05 27 at 5 -     ເຕັກນິກຫລຸດຮອຍສິວແບບທຳມະຊາດ
- WhatsApp Image 2020 05 27 at 5 -     ເຕັກນິກຫລຸດຮອຍສິວແບບທຳມະຊາດ
error: Alert: ເນື້ອຫາຂ່າວມີລິຂະສິດ !!