ໂຮງຮຽນ 50 ແຫ່ງ ພ້ອມຄູອາຈານ ແລະ ນັກຮຽນ ເກືອນ 6 ພັນຄົນ ແຂວງຫລວງນໍ້າທາ ໄດ້ຮັບຜົນກະທົບຈາກໄພພິບັດ
ຂະແໜງການສຶກສາ ແລະ ກິລາ ແຂວງຫລວງນໍ້າທາ ລາຍງານ ວັນທີ 12 ກັນຍາ 2024 ຜ່ານມານີ້ວ່າ: ໃນວັນທີ 9 ກັນຍາ 2024 ໄດ້ເກີດສະພາບອາກາດປ່ຽນແປງ ມີພະຍຸລົມແຮງເຮັດໃຫ້ເກີດມີຝົນຕົກຫລາຍຈົນເກີດຄວາມເສຍຫາຍພໍສົມຄວນຕໍ່ອາຄານໂຮງຮຽນ ທີ່ຕັ້ງຢູ່ພາຍໃນເມືອງຫລວງນໍ້າທາ ແຂວງຫລວງນໍ້າທາ, ຜ່ານການເກັບກຳຂໍ້ມູນຕົວຈິງໃນເບິ່ງຕົ້ນຂອງພະແນກສຶກສາທິການ ແລະ ກິລາແຂວງ ໂດຍສົມທົບກັບຫ້ອງການສຶກສາທິການ ແລະ ກິລາ ເມືອງຫລວງນໍ້າທາ ສັງລວມບັນດາໂຮງຮຽນທີ່ຖືກຜົນກະທົບໄພພິບັດນໍ້າຖ້ວມ ມີຈຳນວນ 50 ແຫ່ງ ໃນນີ້ ປະກອບມີ ໂຮງຮຽນມັດທະຍົມສົມບູນ 3 ແຫ່ງ, ໂຮງຮຽນມັດທະຍົມຕອນຕົ້ນ 7 ແຫ່ງ, ໂຮງຮຽນປະຖົມ 23 ແຫ່ງ ແລະ ໂຮງຮຽນອະນຸບານ 17 ແຫ່ງ. ຜົນຂອງການເສຍຫາຍໃນເບື້ອງຕົ້ນຂອງແຕ່ລະໂຮງຮຽນ ປະກອບມີ ອຸປະກອນການຮຽນການສອນໃນໂຮງຮຽນ ເປັນຕົ້ນແມ່ນ ປຶ້ມແບບຮຽນ, ປຶ້ມຄູ່ມືຄູ ແລະ ອຸປະກອນອື່ນໆ; ປະເພດເຟີນີເຈີພາຍໃນໂຮງຮຽນ ແລະ ອາຄານຮຽນບາງໂຮງຮຽນເປເພ.
ນອກຈາກນີ້, ຍັງມີຄູອາຈານ ແລະ ນັກຮຽນ ເກືອບ 6 ພັນຄົນໄດ້ຮັບຜົນກະທົບຈາກໄພພິບັດນໍ້າຖ້ວມດັ່ງກ່າວ ໃນນີ້ ມີຄູອາຈານ ຈໍານວນ 362 ຄົນ ແລະ ນັກຮຽນ 5.611 ຄົນ.
