ແຂວງຫລວງພະບາງ ມອບເງິນຊ່ວຍເຫລືອ ຜູ້ປະສົບໄພນໍ້າຖ້ວມ ຢູ່ ສສ ຫວຽດນາມ 1 ຕື້ດົງ

ວັນທີ 18 ກັນຍາ 2024 ທີ່ສະຖານກົງສູນໃຫຍ່ ສສ ຫວຽດນາມ ປະຈໍາພາກເໜືອປະຈໍາແຂວງຫລວງພະບາງ ໄດ້ມີພິທີມອບຮັບເງິນຊ່ວຍເຫລືອຈາກ ອົງການປົກຄອງແຂວງຫລວງພະບາງ ສປປ ລາວ ຈຳນວນ 1,000,000,000 ດົງ (ໜຶ່ງຕື້ດົງ) ເພື່ອນຳໄປຊ່ວຍເຫລືອປະຊາຊົນ 5 ແຂວງ ຂອງ ສສ ຫວຽດນາມ ຖືກຜົນກະທົບ ຈາກພາຍຸໄຕ້ຝຸ່ນຢາກິ ຜັດຜ່ານ ໃນນັ້ນ ໄດ້ມອບໃຫ້ອົງການປົກຄອງແຂວງກວາງນິ່ງ 300,000,000 ດົ່ງ, ແຂວງເຊີນລາ 200,000,000 ດົ່ງ, ແຂວງທ້າຍຫງວຽນ 200,000,000 ດົ່ງ, ແຂວງລາວກ່າຍ 200,000,000 ດົ່ງ ແລະແຂວງອຽນບ້າຍ 100,000,000 ດົ່ງ ເພື່ອແບ່ງເບົາຄວາມທຸກໂສກຂອງປະຊາຊົນຜູ້ຖືກຜົນກະທົບ.

ມອບໂດຍ ທ່ານ ຄໍາຂັນ ຈັນທະວີສຸກ ເຈົ້າແຂວງຫລວງພະບາງ ແລະຕາງໜ້າກ່າວຮັບໂດຍ ທ່ານ ນາງ ກຽວທິຮັງຟຸກ ກົງສູນໃຫຍ່ ສສ ຫວຽດນາມ ປະຈໍາພາກເໜືອ ປະຈໍາແຂວງຫລວງພະບາງ.