ກັກຕົວໄວໜຸ່ມຊື້ຂາຍໃບກະທ່ອມ 7 ຄົນ ພ້ອມທັງຢຶດຂອງກາງໃບກະທ່ອມ 28 ກິໂລກຣາມ ມາສຶກສາອົບຮົມ

ເຈົ້າໜ້າທີ່ ປກສ ແຂວງຄຳມ່ວນ ລາຍງານວ່າ: ເວລາປະມານ 22:00 ໂມງ ຂອງວັນທີ 16 ກັນຍາ 2024 ໄດ້ພົບເຫັນເປົ້າໝາຍ ກຳລັງ ຄ້າ-ຂາຍ ໃບກະທ່ອມ ແລະ ນໍ້າຢາດາທິດຊີນ ຈຳນວນ 7 ຄົນ ຢູ່ເຂດບ້ານໂພນພິມ ເມືອງທ່າແຂກ. ເຈົ້າໜ້າທີ່ຈຶ່ງໄດ້ເຂົ້າຈັບກຸມພວກກ່ຽວທັງໝົດມາສືບສວນ-ສອບສວນ ພ້ອມຢຶດເຄື່ອງຂອງກາງປະເພດໃບກະທ່ອມຈຳນວນ 28 ກິໂລກຣາມ, ນໍ້າຢາດາທິດຊິນ 445 ແກ້ວ.

ວັນທີ 18 ກັນຍາ 2024 ເຈົ້າໜ້າທີ່ຈຶ່ງໄດ້ນຳເອົາຕົວພວກກ່ຽວທັງ 7 ຄົນ ມາສຶກສາອົບຮົມກ່າວເຕືອນ ພ້ອມທັງໄດ້ຍົກໃຫ້ເຫັນກ່ຽວກັບກົດໝາຍ ແລະ ຜົນຮ້າຍຂອງໃບກະທ່ອມ ເພື່ອໃຫ້ພວກກ່ຽວມີການປ່ຽນແປງພຶດຕິກຳຂອງຕົນເອງ ຖ້າຫາກພວກກ່ຽວຍັງສືບຕໍ່ກະທຳຜິດ, ເຈົ້າໜ້າທີ່ຈະນຳຕົວມາດຳເນີນຄະດີຕາມກົດໝາຍຢ່າງເຂັ້ມງວດ.