ສປປ ລາວ ຈະເປັນເຈົ້າພາບຈັດກອງປະຊຸມສຸດຍອດທຸລະກິດ ແລະ ການລົງທຶນອາຊຽນ 2024 ທີ່ຈະຈັດຂຶ້ນ 8-11 ຕຸລາ 2024
ວັນທີ 20 ກັນຍາ 2024 ນີ້, ສະພາການຄ້າ ແລະ ອຸດສາຫະກໍາແຫ່ງຊາດລາວ ໄດ້ຖະແຫລງຂ່າວຕໍ່ສື່ມວນຊົນ ກ່ຽວກັບງານກອງປະຊຸມສຸດຍອດທຸລະກິດ ແລະ ການລົງທຶນອາຊຽນ 2024 (ASEAN Business and Investment Summit 2024) ທີ່ ສປປ ລາວ ໄດ້ເປັນເຈົ້າພາບຈັດຂຶ້ນໃນວັນທີ 8-11 ຕຸລາ 2024 ຢູ່ໂຮງແຮມເເລນມາກ, ນະຄອນຫລວງວຽງຈັນ.
ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກໍາແຫ່ງຊາດ, ປະທານສະພາທີ່ປຶກສາທຸລະກິດອາຊຽນ 2024 ກ່າວວ່າ: ກອງປະຊຸມສຸດຍອດທຸລະກິດ ແລະ ການລົງທຶນອາຊຽນ 2024 ນີ້ ແມ່ນຈະໄດ້ສຸມໃສ່ ປຶກສາຫາລື ໃນ 6 ຂະແໜງ ບູລິມະສິດ ຄື: ການຫັນເປັນດິຈິຕອລ, ການພັດທະນາເເບບຍືນຍົງ, ການຟື້ນຟູດ້ານຂະແໜງການສາທາລະນະສຸກ, ການຄ້ຳປະກັນສະບຽງອາຫານ, ການເອື້ອອຳນວຍຄວາມສະດວກດ້ານການຄ້າ-ການລົງທຶນ, ການເຊື່ອມໂຍງເຊື່ອຈອດ ແລະ ຕ່ອງໂສ້ການສະໜອງຕ່າງໆ.
ນອກນີ້, ຍັງຈະມີ 4 ກອງປະຊຸມປິ່ນອ້ອມຂອງພາກທຸລະກິດ ເຊິ່ງຈະຈັດຂຶ້ນວັນທີ 3-11 ຕຸລາ 2024 ງານມອບລາງວັນທຸລະກິດອາຊຽນດີເດັ່ນ 2024 ເຊັ່ນ:
1. ກອງປະຊຸມນັກທຸລະກິດໜຸ່ມອາຊຽນ ຄັ້ງ 9 ASEAN Young Entrepreneur Council (AYEC) Carnival and AGM (Side event);
2. ASEAN Women Entrepreneurs Conference 2024 and AWEN Special Awards Ceremony. ໃນຫົວຂໍ້ “ສ້າງອານາຄົດແບບຍືນຍົງ, ທົ່ວເຖິງ ແລະ ຢືດຢຸ່ນກວ່າ: ປົດລັອກທ່າແຮງວິສາຫະກິດແມ່ຍິງໃນອາຊຽນ” ;
3. ASEAN Investment Forum (AIF) ກອງປະຊຸມການລົງທຶນອາຊຽນ:ໃນຫົວຂໍ້: “ການລົງທືນສໍາລັບການປັບປຸງການເຊື່ອມຕໍ່ ແລະ ສ້າງຄວາມເຂັ້ມເເຂງ”;
4. International Logistics Symposium ຈະປຶກສາຫາລື ແລະ ສົ່ງເສີມທຸລະກິດຂະແໜງການຂົນສົ່ງທັງພາຍໃນ, ພາກພື້ນອາຊຽນ, ສາກົນ;
5. ງານມອບລາງວັນທຸລະກິດອາຊຽນ 2024 ASEAN Business Award-ABA 2024).
