ພິທີອວ່າຍນ້ຳເພື່ອດຳເນີນການກໍ່ສ້າງເຂື່ອນໄຟຟ້ານ້ຳອູ 1 ໄລຍະ 2

- advert banner 728 90 728x90 - ພິທີອວ່າຍນ້ຳເພື່ອດຳເນີນການກໍ່ສ້າງເຂື່ອນໄຟຟ້ານ້ຳອູ 1 ໄລຍະ 2

ພິທີອວ່າຍນ້ຳເພື່ອກໍ່ສ້າງເຂື່ອນໄຟຟ້ານ້ຳອູ 1 ຢູ່ເມືອງປາກອູ ໄດ້ຈັດຂຶ້ນໃນວັນທີ 8 ພະຈິກນີ້ ໂດຍມີທ່ານ ສອນໄຊ ສິພັນດອນ ຮອງນາຍົກລັດຖະມົນຕີ ພ້ອມດ້ວຍຄະນະນຳຂອງກະຊວງກ່ຽວຂ້ອງ, ແຂກຮັບເຊີນຈາກຝ່າຍລາວ ແລະ ຈີນເຂົ້າຮ່ວມນຳ​ດ້ວຍ. ​ໃນພິທີ ຜູ້ຕາງໜ້າບໍລິສັດຊາຍນາພາວເວີ, ຫົວໜ້າສະຖານກົງສູນໃຫຍ່ ສປ ຈີນ ປະຈຳພາກເໜືອ, ທ່ານເຈົ້າແຂວງຫຼວງພະບາງ ແລະ ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ ໄດ້ຜັດປ່ຽນກັນມີຄຳເຫັນກ່າວສະແດງຄວາມດີໃຈທີ່ການກໍ່ສ້າງເຂື່ອນໄຟຟ້ານ້ຳອູໃນໄລຍະທີ 2 ຈະໄດ້ດຳເນີນຂຶ້ນ ຈະເປັນການປະກອບສ່ວນສຳຄັນ​ເຂົ້າ​ໃນການພັດທະນາເສດຖະກິດ-ສັງຄົມຂອງປະເທດລາວ ກໍຄືການພັດທະນາການລົງທືນຂອງຝ່າຍຈີນ ທີ່ຕ່າງຝ່າຍຕ່າງມີຜົນປະໂຫຍດ.

- new3 - ພິທີອວ່າຍນ້ຳເພື່ອດຳເນີນການກໍ່ສ້າງເຂື່ອນໄຟຟ້ານ້ຳອູ 1 ໄລຍະ 2

ທ່ານ ຄຳມະນີ ອີນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ມີຄຳເຫັນວ່າ: ຂະ​ແໜງພະລັງງານໄຟຟ້າຂອງລາວນັບມື້ໄດ້ຮັບການພັດທະນາດ້ວຍບາດກ້າວທີ່ດີ, ຮັບປະກັນຄວາມໝັ້ນທ່ຽງ ແລະ ກ້າວກະໂດດ, ປະຊາຊົນພາຍໃນປະເທດໄດ້ຊົມໃຊ້ໄຟຟ້າຖາວອນໂດຍພື້ນຖານ ທັງມີການສົ່ງອອກ ເພື່ອນຳເງິນຕາເຂົ້າປະເທດ ເຮັດໃຫ້ພື້ນຖານເສດຖະກິດຂອງຊາດນັບມື້ເຕີບໃຫຍ່ເຂັ້ມແຂງເປັນກ້າວໆ.
ໂອກາດນີ້, ທ່ານຮອງນາຍົກລັດຖະມົນຕີ ໄດ້ໃຫ້ກຽດຂຶ້ນລັ່ນຄ້ອງ 9 ບາດ ເພື່ອເປັນສີລິມຸງຄຸນໃຫ້ພິທີອວ່າຍນ້ຳ ແລະ ຊົມການຕັນແລວນ້ຳ ເພື່ອກະກຽມການກໍ່ສ້າງເຂື່ອນໄຟຟ້ານ້ຳອູໄລຍະສອງ. ເຂື່ອນໄຟຟ້ານ້ຳອູ 1 ຕັ້ງຢູ່ເຂດບ້ານຄອນຄຳ ເມືອງປາກອູ ແຂວງຫຼວງພະບາງ ມີກຳລັງຕິດຕັ້ງ 180 ເມກາວັດ, ເປັນລະບົບເຂື່ອນນ້ຳລົ້ນ ເຊິ່ງໄດ້ເລີ່ມລົງມືກໍ່ສ້າງມາແຕ່ເດືອນເມສາປີ 2016 ຄາດວ່າການກໍ່ສ້າງຈະສຳເລັດໃນປີ 2019. ສຳລັບເຂື່ອນໄຟຟ້ານ້ຳອູຢູ່ເຂດແຂວງຫຼວງພະບາງມີທັງໝົດ 3 ເຂື່ອນ, ປັດຈຸບັນສຳເລັດການກໍ່ສ້າງແລ້ວ 1 ເຂື່ອນ ຄືເຂື່ອນໄຟຟ້ານ້ຳອູ 2.

 

error: Content is protected !!