Windows 10 ເວີຊັນຫີນແດງ 4 ທີ່ຈະປ່ອຍໃນປີໜ້າ

- AGL banner - Windows 10 ເວີຊັນຫີນແດງ 4 ທີ່ຈະປ່ອຍໃນປີໜ້າ

Windows 10 Redstone 4  ທີ່ມີກໍານົດເປີດໃຫ້ອັບເດດກັນໃນໄລຍະປະມານເດືອນມີນາ-ພຶດສະພາປີໜ້າ ກັບຊື່ທີ່ບໍ່ເປັນທາງການ Windows 10 Redstone 4   ໂດຍທາງ Microsoft ຈະເພີ່ມຟັງຊັນ ຫຼື ຟີເຈີຫຍັງໃໝ່ໆມາໃຫ້ໄດ້ໃຊ້ກັນ.

ຫຼາຍຄົນອາດບໍ່ຮູ້ຈັກ Windows Shell ກໍຄືສ່ວນຂອງກຣາບຟິກສະແດງຜົນເທິງໜ້າຕາການໃຊ້ງານ (Graphical user interface) ທີ່ເຮົາເຫັນຢູ່ທຸກໆວັນ ​ເຊິ່ງໃນການອັບເດດເທື່ອໜ້າ (Redstone 4) ຈະມີການປັບປ່ຽນເລັກໜ້ອຍ, ໃນສ່ວນຂອງ Start menu, ລະບົບແຈ້ງເຕືອນ Action Center, ພາບໜ້າຈໍ Lock Screen  ແລະ ແຖບ Taskbar ໂດຍບາງສ່ວນກໍຈະນໍາ Fluent Design reveal effects ທີ່ເຮົາເຫັນໃນ Fall Creators (Redstone 3) ມາໃຊ້ກັບບາງສ່ວນອີກ. ປັບປ່ຽນເອຟເຟັກຂອງ Fluent Design Reveal ໃຫ້ເບິ່ງນຸ່ມນວນຫຼາຍຂຶ້ນ, Start menu ໃນສ່ວນຂອງ tiles ແລະ apps list ຈະໃຊ້ເອຟເຟັກຂອງ Fluent Design Reveal ເລືອກປ່ຽນສີຕົວອັກສອນຕ່າງໆໃນ Action Center ເຊັ່ນ: clear all, expand, collapse ແລະ see more ໄດ້ຕາມຕ້ອງການ, ໃຊ້ສອງນິ້ວປັດໄປທາງຂ້າງ ເພື່ອລົບຂໍ້ຄວາມແຈ້ງເຕືອນ (Notifications) ໃນ Action Center ພາບໜ້າຈໍ Lock Screen ຈະປ່ຽນຕາມບັນຊີຜູ້ໃຊ້, ປະຕິທິນສາມາດເລື່ອນອອກມາຈາກແຖບ Taskbar ດ້ວຍຟີເຈີ Reveal Effect, ລາຍຊື່ຜູ້ຕິດຕໍ່ທີ່ເຮົາປັກໝຸດໄວ້ເທິງແຖບ Taskbar ຈະສະແດງແອັບທີ່ສາມາດເປີດໃຊ້ໄດ້.

Cortana ຫຼື AI (Artificial intelligence) ຜູ້ຊ່ວຍສ່ວນຕົວອັດສະລິຍະ ທີ່ມີຢູ່ເທິງ Windows 10 ທຸກເຄື່ອງ ຈະເພີ່ມຟີເຈີເຂົ້າມາໃຫມ່ ໃນສ່ວນການລວມລວມ ແລະ ນໍາສະເໜີຄອນເທນທີ່ມີປະໂຫຍດຕໍ່ຜູ້ໃຊ້ Cortana ຈະຄອຍລວບລວມຄອນເທນຕ່າງໆ ທີ່ກ່ຽວກັບຜູ້ໃຊ້ ແລ້ວນໍາໄປໄວ້ໃນ  Collections App ແລະສະແດງເນື້ອໃນຄອນເທນຕ່າງໆຈາກ Cortana ຈະສະເໜີຜ່ານທາງ Action Center.

Settings ຫຼື ເມນູການຕັ້ງຄ່າສ່ວນຕ່າງໆໃນເວີຊັ່ນໃຫມ່ນີ້ ກໍຈະຖືກປັບປ່ຽນໃນສ່ວນຂອງ Startup apps (ຕັ້ງຄ່າການໃຊ້ງານໂປຣແກຣມເມື່ອເປີດ Windows) ແລະ Ease of Access ທັງໄດ້ເພີ່ມ Colorwheel ໃຫ້ຜູ້ໃຊ້ໄດ້ປັບແຕ່ງໄດ້ຢ່າງອິດສະຫລະ.

ເລືອກເປີດ-ປິດໂປຣແກຣມ ແລະ ແອັບພິເຄຊັນເມື່ອເລີ່ມລະບົບປະຕິບັດການ Windows (Startup apps) ໄດ້ໃນເມນູ Settings (ຈາກປົກກະຕິທີ່ຕ້ອງປັບໃນ Task Manager ພຽງຢ່າງດຽວ), ເພີ່ມວົງລໍ້ສີ (Colorwheel) ໃຫ້ຜູ້ໃຊ້ໄດ້ເລືອກປັບສີໃນສ່ວນຂອງ Ease of Access, ມີວົງລໍ້ສີ (Colorwheel) ໃຫ້ຜູ້ໃຊ້ປັບແຕ່ງໃກ້ໆກັບ Ease of Access, ຈັດໝວດໝູ່ໃຫມ່ໃນ Ease of Access ໃຫ້ເໝາະສົມ ແລະ ຊອກໃຊ້ໄດ້ງ່າຍຂຶ້ນ.

ຟີເຈີ ແລະ ຟັງຊັນຫຼັກໆ  ທີ່ເວົ້າເຖິງນີ້ເປັນສ່ວນໜຶ່ງທີ່ທາງ Microsoft ຈະອັບເດດພ້ອມກັບ Windows 10 Redstone 4 ເທົ່ານັ້ນ ຍັງບໍ່ລວມເຖິງລາຍລະອຽດປີກຍ່ອຍຕ່າງໆ ແລະ ລາຍລະອຽດແກ້ໄຂບັນຫາລະບົບ ຄາດວ່າຈະມີການເພີ່ມຟີເຈີເຂົ້າມາອີກຫຼາຍຢ່າງ.

- lattana banner - Windows 10 ເວີຊັນຫີນແດງ 4 ທີ່ຈະປ່ອຍໃນປີໜ້າ
-    AD conten website - Windows 10 ເວີຊັນຫີນແດງ 4 ທີ່ຈະປ່ອຍໃນປີໜ້າ
- lattana banner 1 - Windows 10 ເວີຊັນຫີນແດງ 4 ທີ່ຈະປ່ອຍໃນປີໜ້າ
error: Alert: ເນື້ອຫາຂ່າວມີລິຂະສິດ !!