ເກີດເຫດລົດເມທີ່ກັບຈາກທັດສະນະສຶກສາຖືກໄຟໄໝ້ຢູ່ໄທ ເບື້ອງຕົ້ນຄູ-ນັກຮຽນເສຍຊີວິດ 10 ຄົນ
October 1, 2024 - 3:12 PM
ວັນທີ 1 ຕຸລາ ເມື່ອເວລາ 12:22 ໂມງ ຢູ່ບໍລິເວນທາງໜ້າສູນການຄ້າເຊຍ ຣັງສິດ ຂອງປະເທດໄທ ມີລາຍງານເຫດການລົດເມທີ່ບັນຈຸຜູ້ໂດຍສານເປັນຄູ ແລະ ນັກຮຽນໂຮງຮຽນວັດເຂົາພະຍາສັງຂາຣາມ ຈັງຫວັດອະໄທທານີ ປະເທດໄທ ເກີດໄຟໄໝ້ລະຫວ່າງເດີນທາງກັບຈາກທັດສະນະສຶກສາ.
ເບື້ອງຕົ້ນເຈົ້າໜ້າທີ່ກູ້ໄພລາຍງານວ່າ: ມີນັກຮຽນ ແລະ ຄູຢູ່ໃນລົດທັງໝົດ 42 ຄົນ ໂດຍສາມາດອອກຈາກລົດໄດ້ 19 ຄົນ, ເສຍຊີວິດເບື້ອງຕົ້ນຢືນຢັນແລ້ວປະມານ 10 ຄົນ. ປັດຈຸບັນສາມາດມອດໄຟໄດ້ແລ້ວ ແລະ ເຈົ້າໜ້າທີ່ກໍາລັງກວດສອບຈຸດເກີດເຫດ.
