ອີຣານຍິງລູກສອນໄຟນັບຮ້ອຍໂຈມຕີອິດສະລາແອນ ໄຊເຣນດັ່ງທົ່ວປະເທດ

October 2, 2024 - 11:11 AM
ອີຣານຍິງລູກສອນໄຟນັບຮ້ອຍໂຈມຕີອິດສະລາແອນ ໄຊເຣນດັ່ງທົ່ວປະເທດ - 222 1 - ອີຣານຍິງລູກສອນໄຟນັບຮ້ອຍໂຈມຕີອິດສະລາແອນ ໄຊເຣນດັ່ງທົ່ວປະເທດ
ອີຣານຍິງລູກສອນໄຟນັບຮ້ອຍໂຈມຕີອິດສະລາແອນ ໄຊເຣນດັ່ງທົ່ວປະເທດ - kitchen vibe - ອີຣານຍິງລູກສອນໄຟນັບຮ້ອຍໂຈມຕີອິດສະລາແອນ ໄຊເຣນດັ່ງທົ່ວປະເທດ

      ອີຣານເປີດສາກຍິງລູກສອນໄຟໂຈມຕີໃສ່ຫລາຍເມືອງຂອງອິດສະລາແອນໃນວັນທີ 1 ຕຸລາ ສົ່ງຜົນເຮັດໃຫ້ມີສຽງໄຊເຣນເຕືອນໄພດັງຂຶ້ນທົ່ວປະເທດ ໂດຍກອງທັບອິດສະລາແອນປະເມີນວ່າ: ມີລູກສອນໄຟປະມານ 180 ລູກຖືກຍິງໃສ່ອິດສະລາແອນ, ແຕ່ສ່ວນຫລາຍສາມາດສະກັດໄວ້ໄດ້ໂດຍການຮ່ວມມືຂອງກອງທັບອິດສະລາແອນ ແລະ ອາເມລິກາ.

      ເບື້ອງຕົ້ນມີລາຍງານຜູ້ເສຍຊີວິດຈາກການໂຈມຕີດັ່ງກ່າວແລ້ວ 1 ຄົນ ເປັນຊາວປາແລັສຕິນຢູ່ເຂດເວສແບງ ແລະ ມີລາຍງານວ່າໂຮງຮຽນຢູ່ພາກກາງ ແລະ ຮ້ານອາຫານຢູ່ນະຄອນຫລວງເທລອາວີບໄດ້ຮັບຄວາມເສຍຫາຍ.

ອີຣານຍິງລູກສອນໄຟນັບຮ້ອຍໂຈມຕີອິດສະລາແອນ ໄຊເຣນດັ່ງທົ່ວປະເທດ - Visit Laos Visit SALANA BOUTIQUE HOTEL - ອີຣານຍິງລູກສອນໄຟນັບຮ້ອຍໂຈມຕີອິດສະລາແອນ ໄຊເຣນດັ່ງທົ່ວປະເທດ

     ພາຍຫລັງເກີດເຫດ, ກອງກໍາລັງພິທັກການປະຕິວັດອິດສະລາມຂອງອີຣານ (Islamic Revolutionary Guard Corps: IRGC) ອອກຖະແຫລງການລະບຸວ່າ: ການໂຈມຕີດ້ວຍລູກສອນໄຟຄັ້ງນີ້ເປັນການຕອບໂຕ້ອິດສະລາແອນທີ່ລັກລອບສັງຫານຜູ້ນໍາ ແລະ ເຈົ້າໜ້າທີ່ລະດັບສູງຂອງອີຣານ, ກຸ່ມແຮັດໂບລາ ແລະ ກຸ່ມຮາມັດ ແລະ ຢືນຢັນວ່າ: ເປັນການດໍາເນີນທີ່ເປັນໄປຕາມກົດບັດສະຫະປະຊາຊາດ. ພ້ອມເຕືອນວ່າ: ຖ້າອິດສະລາແອນຕອບໂຕ້ຈະຕ້ອງຜະເຊີນການໂຈມຕີຂັ້ນເດັດຂາດ.

      ຂະນະທີ່, ທ່ານ ອັບບາສ ອາຣັກຊີ ລັດຖະມົນຕີວ່າການກະຊວງການຕ່າງປະເທດອີຣານ ກ່າວວ່າ: ການໂຈມຕີນັ້ນສິ້ນສຸດແລ້ວ, ແຕ່ເຕືອນວ່າຖ້າອິດສະລາແອນຕັດສິນໃຈຕອບໂຕ້ອີກ ອີຣານຈະໂຈມຕີກັບຢ່າງຮຸນແຮງ ແລະ ຮຸນແຮງຂຶ້ນ.

      ສ່ວນທ່ານ ເບນຈາມິນ ເນທັນຢາຮູ ນາຍົກລັດຖະມົນຕີອິດສະລາແອນ ຖະແຫລງວ່າ: ອີຣານໄດ້ເຮັດຜິດພາດຄັ້ງໃຫຍ່ ແລະ ຈະຕ້ອງຊົດໃຊ້ຕໍ່ການໂຈມຕີທີ່ເກີດຂຶ້ນ.

      ຂະນະທີ່, ທ່ານ ໂຢອັບ ກັລລັນ ລັດຖະມົນຕີວ່າການກະຊວງປ້ອງກັນປະເທດອິດສະລາແອນ ເຊິ່ງບັນຊາການການຍິງສະກັດລູກສອນໄຟຂອງອີຣານ ໄດ້ປະກາດຈະລົງໂທດອີຣານສໍາລັບການໂຈມຕີຄັ້ງນີ້ເຊັ່ນກັນ.

      ສະຖານະການເຄັ່ງຕຶງດັ່ງກ່າວເກີດຂຶ້ນພາຍຫລັງອິດສະລາແອນເດີນໜ້າໂຈມຕີທາງອາກາດຄັ້ງໃຫຍ່ເພື່ອຕໍ່ຕ້ານກຸ່ມແຮັດໂບລາຢູ່ລີບັງ ໂດຍຫລາຍຝ່າຍກັງວົນວ່າ: ການໂຈມຕີຫລ້າສຸດຂອງອີຣານອາດສົ່ງຜົນເຮັດໃຫ້ສົງຄາມຢູ່ຕາເວັນອອກກາງຂະຫຍາຍວົງກວ້າງຂຶ້ນອີກ.

      ຫລ້າສຸດ ພົບວ່າລາຄານໍ້າມັນດິບເພີ່ມສູງຂຶ້ນທ່າມກາງຄວາມກັງວົນວ່າ: ຄວາມຂັດແຍ່ງທີ່ລຸກລາມອາດສົ່ງຜົນກະທົບຕໍ່ອຸປະທານນໍ້າມັນ ເນື່ອງຈາກອີຣານຖືເປັນຜູ້ຜະລິດນໍ້າມັນລາຍໃຫຍ່ອັນດັບ 7 ຂອງໂລກ ໂດຍລາຄານໍ້າມັນດິບເບຣນເພີ່ມຂຶ້ນຫລາຍກວ່າ 1% ຢູ່ທີ່ 74.40 ໂດລາຕໍ່ບາເຣລ.

ອ້າງອີງ:

ອີຣານຍິງລູກສອນໄຟນັບຮ້ອຍໂຈມຕີອິດສະລາແອນ ໄຊເຣນດັ່ງທົ່ວປະເທດ - 5 - ອີຣານຍິງລູກສອນໄຟນັບຮ້ອຍໂຈມຕີອິດສະລາແອນ ໄຊເຣນດັ່ງທົ່ວປະເທດ
ອີຣານຍິງລູກສອນໄຟນັບຮ້ອຍໂຈມຕີອິດສະລາແອນ ໄຊເຣນດັ່ງທົ່ວປະເທດ - 4 - ອີຣານຍິງລູກສອນໄຟນັບຮ້ອຍໂຈມຕີອິດສະລາແອນ ໄຊເຣນດັ່ງທົ່ວປະເທດ
ອີຣານຍິງລູກສອນໄຟນັບຮ້ອຍໂຈມຕີອິດສະລາແອນ ໄຊເຣນດັ່ງທົ່ວປະເທດ - 3 - ອີຣານຍິງລູກສອນໄຟນັບຮ້ອຍໂຈມຕີອິດສະລາແອນ ໄຊເຣນດັ່ງທົ່ວປະເທດ

Your Might Also Like