ຍອດຜູ້ເສຍຊີວິດຈາກແຜ່ນດິນໄຫວ ຢູ່ອີຣັກ-ອີຣານເພີ່ມເປັນກວ່າຮ້ອຍຄົນແລ້ວ

- advert banner 728 90 728x90 - ຍອດຜູ້ເສຍຊີວິດຈາກແຜ່ນດິນໄຫວ ຢູ່ອີຣັກ-ອີຣານເພີ່ມເປັນກວ່າຮ້ອຍຄົນແລ້ວ

ຕົວ​ເລກ​ຜູ້​ເສຍ​ຊີວິດ​ຈາກ​ເຫດ​ແຜ່ນດິນ​ໄຫວ​ລະດັບ 7,3 ​ເພີ່ມ​ຂຶ້ນຕໍ່​ເນື່ອງ, ອີຣານ 129 ຄົນ, ອີຣັກ 6 ຄົນ ​ແລະ ມີ​ຜູ້​ບາດ​ເຈັບ​ອີກ​ຫລາຍ​ຮ້ອຍ​ຄົນ.

- new3 - ຍອດຜູ້ເສຍຊີວິດຈາກແຜ່ນດິນໄຫວ ຢູ່ອີຣັກ-ອີຣານເພີ່ມເປັນກວ່າຮ້ອຍຄົນແລ້ວ

- 98723231  - ຍອດຜູ້ເສຍຊີວິດຈາກແຜ່ນດິນໄຫວ ຢູ່ອີຣັກ-ອີຣານເພີ່ມເປັນກວ່າຮ້ອຍຄົນແລ້ວ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ແບກ​ແດດ ປະ​ເທດ​ອີຣັກ ​ໃນ​ວັນ​ທີ 13 ພະຈິກ​ວ່າ: ທ່ານ ​ໂມ​ຕາ​ບາ ນິກ​ເຄີ​ດາ ຮອງ​ເຈົ້າ​ແຂວງ​ເຄີ​ມັນ​ຊາ ຂອງ​ອີຣານ ​ເຊິ່ງຕັ້ງຢູ່​ທາງ​ຕາ​ເວັນ​ຕົກ​ຂອງ​ປະ​ເທດ​ໃກ້​ຊາຍ​ແດນ​ອີຣັກ ​ໃຫ້​ສຳພາດ​ແກ່​ສະຖານີ​ໂທລະພາບ​ໄອ​ອາຣ​ໄອ​ບີ​ຂອງ​ທາງ​ການ ຄວາມ​ຄືບ​ໜ້າ​ສະຖານະ​ການ​ແຜ່ນດິນ​ໄຫວ​ຮຸນ​ແຮງ​ລະດັບ 7,3 ​ແມ​ກນິຈູດ ທີ່​ເກີດ​ຂຶ້ນ​​ເມື່ອ​ເວລາ 21:18 ​ໂມງ ວັນ​ທີ 12 ພະຈິກ ຕາມ​ເວລາ​ທ້ອງ​ຖິ່ນ (01:18 ​ໂມງ ວັນ​ທີ 13 ພະຈິກ ຕາມ​ເວລາ​ຢູ່​ລາວ).

ຕົວ​ເລກ​ຜູ້​ເສຍ​ຊີວິດ​ເພີ່ມ​ຂຶ້ນຢ່າງ​ວ່ອງ​ໄວ​ເປັນ​ຢ່າງ​ໜ້ອຍ 129 ຄົນ, ຂະນະ​ທີ່​ສຳນັກ​ຂ່າວ​ແຫ່ງ​ຊາດ​ໄອ​ອາຣ​ເອັນ​​ເອລາຍ​ງານ​ຕົວ​ເລກ​ຜູ້​ໄດ້​ຮັບ​ບາດ​ເຈັບ​ມີ​ປະມານ 300 ຄົນ ​ໂດຍ​ທ່ານ ​ໂມ​ຕາ​ບາ ​ເປີດ​ເຜີຍ​ວ່າ: ຜູ້​ເສຍ​ຊີວິດ​ກວ່າ 60 ຄົນ ຢູ່​ໃນ​ເຂດ​ພື້ນທີ່​ເມືອງ​ຊາຣ​ໂປ-ອີ ຊາ​ຮັບ ​ເຊິ່ງຢູ່​ຫ່າງ​ຈາກ​ຊາຍ​ແດນ​ປະມານ 15 ກິ​ໂລ​ແມັດ, ຂະນະ​ທີ່​ທາງ​ການ​ອີຣັກລາຍ​ງານ​ຕົວ​ເລກ​ຜູ້​ເສຍ​ຊີວິດ​ມີ​ຢ່າງ​ໜ້ອຍ 6 ຄົນ ​ແລະ ບາດ​ເຈັບ​ປະມານ 150 ຄົນ.

- 98723232  98720611 quakemap - ຍອດຜູ້ເສຍຊີວິດຈາກແຜ່ນດິນໄຫວ ຢູ່ອີຣັກ-ອີຣານເພີ່ມເປັນກວ່າຮ້ອຍຄົນແລ້ວ

ສຳນັກງານ​ສຳ​ຫລວດ​ທໍລະນີວິທະຍາ​ອາ​ເມ​ລິ​ກາ (USGS) ລາຍ​ງານ​ວ່າ: ​ເຫດ​ແຜ່ນດິນ​ໄຫວ​ລະດັບ 7,8 ​ແມ​ກນິຈູດ ມີ​ສູນ​ກາງ​ຢູ່​ເມືອງ​ຮາ​ລັບ​ຈາ​ໃນ​ເຂດ​ປົກຄອງ​ຕົນ​ເອງ​ເກີ​ດິດສະຖານ​ຂອງ​ອີຣັກ, ຂະນະ​ທີ່​ທາງ​ການ​ອີຣັກລາຍ​ງານ​ລະດັບ​ຄວາມ​ຮຸນ​ແຮງ​ໃນ​ລະດັບ 6,5 ​ແມ​ກນິຈູດ ມີ​ຈຸດ​ສູນ​ກາງ​ຢູ່​ເມືອງ​ເປ​ນຈາ​ວິນ ​ແຂວງ​ສະ​ໄລ​ມາ​ນິຍາ​ຂອງ​ເກີ​ດິດສະຖານ ​ເຊິ່ງຢູ່​ທາງ​ເໜືອ​ຈາກ​ຈຸດ​ທີ່ USGS ລາຍ​ງານ.

error: Content is protected !!