ແຈ້ງການ ປິດບາງເສັ້ນທາງການສັນຈອນ ຂອງພາຫະນະທຸກປະເພດ ໃນຊ່ວງກອງປະຊຸມສຸດຍອດອາຊຽນ ຄັ້ງທີ 44 ແລະ 45 ໃນລະຫ່ວາງວັນທີ 5-13 ຕຸລາ 2024.
ພະແນກ ໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ຂໍຖືເປັນກຽດ ແຈ້ງມາຍັງບັນດາບໍລິສັດ, ລັດວິ ສາຫະກິດ, ພະນັກງານ, ທະຫານ, ຕໍາຫຼວດ, ຕະຫຼອດຮອດພໍ່ແມ່ປະຊາຊົນບັນດາເຜົ່າ ແລະ ຊາວຄ້າຂາຍ ຜູ້ນໍາ ໃຊ້ລົດໃຊ້ຖະຫນົນ ໃນທົ່ວນະຄອນຫຼວງວຽງຈັນ ຊາບທົ່ວເຖິງກັນວ່າ:
1. ໃນລະຫວ່າງວັນທີ 5-13 ຕຸລາ 2024 ໃຫ້ງົດການສັນຈອນພາຫະນະທຸກປະເພດ ຕາມເສັ້ນທາງທີ່ສໍາຄັນ ດັ່ງນີ້:ຖະຫນົນໄກສອນພົມວິຫານ ແຕ່ ປະຕູໄຊ ຫາ ສີ່ແຍກໄຟອໍານາດດົງໂດກ, ບັນດາລົດທີ່ມາແຕ່ຖະຫນົນ ເລກທີ 13 ໃຕ້ ຈາກວົງວຽນດອນຫນູນ ທີ່ມີຈຸດປະສົງຈະເຂົ້າໃນຕົວເມືອງ ແມ່ນສາມາດລ້ຽວຂວາຢູ່ຈຸດໄຟອໍານາດດົງໂດກ ແລະ ມາເຂົ້າຖະຫນົນໂພນຕ້ອງ ຫຼື ຖະຫນົນຫ້ວຍຫົງ, ລ້ຽວຊ້າຍໄປຕາມຖະຫນົນ 450 ປີ ເຂົ້າຈຸດໄຟອໍານາດບ້ານໂຊກໃຫຍ່ ຫຼື ຈຸດໄຟອໍານາດນາຄວາຍ, ສ່ວນມາ ແຕ່ ຖະຫນົນ 450 ປີ ຫາ ດົງໂດກ ແມ່ນສາມາດແລ່ນຊື່.
– ຖະໜົນຈອມມະນີ ແຕ່ ວົງວຽນສະຖານີໂທລະພາບແຫ່ງຊາດລາວ ຫາ ສີ່ແຍກໄຟອໍານາດຫໍປະຊຸມແຫ່ງ ຊາດ ຫາ ວົງວຽນຫນອງຫນ່ຽງ ເສັ້ນທາງຫນອງຫນ່ຽງ; ບັນດາລົດທີ່ໃຊ້ຖະຫນົນໂພນຕ້ອງ ຫຼື ມາແຕ່ຫ້ວຍຫົງ ຈະເຂົ້າ-ອອກ ຕົວເມືອງ ແມ່ນຫ້າມຜ່ານແຕ່ ວົງວຽນສະຖານີໂທລະພາບແຫ່ງຊາດລາວ ຫາ ສີ່ແຍກໄຟອໍານາດຫໍປະຊຸມແຫ່ງຊາດ ກໍລະນີຈະໄປຫນອງ ຫນ່ຽງ ໃຫ້ໄປໃຊ້ຖະຫນົນດົງໂດກ ຫາ ຖະຫນົນ 450 ປີ ແລະ ລົດຈາກໜອງໜ່ຽງ ຈະເຂົ້າຕົວເມືອງ ກໍ່ ສາມາດນໍາໃຊ້ເສັ້ນທາງຫົວຂົວ-ທາດຫຼວງ.
2. ໃຫ້ງົດການສັນຈອນພາຫະນະທຸກປະເພດຊົ່ວຄາວ ເປັນບາງເວລາຕາມຖະຫນົນ ດັ່ງນີ້:
ຖະຫນົນສຸພານຸວົງ ແຕ່ ສາມແຍກສີໄຄ ຫາ ສີ່ແຍກໄຟອໍານາດສີຫອມ (ຫຼັກ 1);ຖະຫນົນເສດຖາທິລາດ ແຕ່ ສີ່ແຍກໄຟອໍານາດສີຫອມ (ຫຼັກ 1) ຫາ ສີ່ແຍກໄຟອໍານາດທາດຂາວ; ຖະຫນົນສາມແສນໄທ ແຕ່ ສີ່ແຍກໄຟອໍານາດທາດຂາວ ຫາ ສາມແຍກສວນເຈົ້າຟ້າງຸ່ມ (ຫຼັກ 2); ຖະຫນົນເຈົ້າຟ້າງຸ່ມ ແຕ່ ສາມແຍກທາດຂາວ ຫາ ສາມແຍກປາກປ່າສັກ; ຖະຫນົນລ້ານຊ້າງ ແຕ່ ສາມແຍກຫໍຄໍາ ຫາ ປະຕູໄຊ.
3. ຫ້າມຈອດພາຫະນະທຸກປະເພດຕາມແຄມທາງ, ທາງຄົນຍ່າງ (ຟຸດບາດ) ຢ່າງເດັດຂາດ ຢູ່ຕາມເສັ້ນທາງທີ່ ໄດ້ລະບຸໄວ້ໃນຂໍ້ທີ 1 ແລະ 2 ຂ້າງເທິງນີ້.
4. ໃຫ້ນັກຂັບຂີ່ທຸກປະເພດ ປະຕິບັດຕາມການສັນຍານຂອງເຈົ້າຫນ້າທີ່ຕໍາຫຼວດຈະລາຈອນ ທີ່ປະຈໍາຢູ່ແຕ່ລະ ຈຸດຢູ່ຕາມເສັ້ນທາງ.
5. ມາດຕະການຈັດຕັ້ງປະຕິບັດ ມອບໃຫ້ຂະແໜງຂົນສົ່ງ, ພະແນກ ຍທຂ ນະຄອນຫຼວງວຽງຈັນ, ເຈົ້າຫນ້າທີ່ ຕໍາຫຼວດຈະລາຈອນ ທຸກພາກສ່ວນ ໄດ້ເອົາໃຈໃສ່ປະຕິບັດຢ່າງເຂັ້ມງວດ ແລະ ເດັດຂາດ.
6. ແຈ້ງການສະບັບນີ້ ມີຜົນສັກສິດ ນັບແຕ່ມື້ລົງລາຍເຊັນເປັນຕົ້ນໄປ, ທຸກພາກສ່ວນທີ່ກ່ຽວຂ້ອງ ຈົ່ງຮັບຮູ້ ແລະ ຮ່ວມກັນຈັດຕັ້ງປະຕິບັດຢ່າງເຂັ້ມງວດ.
