ຖືພາຕອນອາຍຸຫລາຍກ່ວາ 35 ປີຂຶ້ນໄປຈະມີບັນຫາແນວໃດ?

- advert banner 728 90 728x90 - ຖືພາຕອນອາຍຸຫລາຍກ່ວາ 35 ປີຂຶ້ນໄປຈະມີບັນຫາແນວໃດ?

ແມ່ຍິງອາຍຸຫລາຍກ່ວາ 30 ປີຂຶ້ນໄປອາດປະສົບບັນຫາກ່ຽວກັບການຈະເລີນພັນຫາກຢາກມີລູກ ໂດຍສະເພາະແມ່ນແມ່ຍິງທີ່ ອາຍຸຫລາຍກ່ວາ 35 ປີ ອາດມີບັນຫາສັບຊ້ອນຫລາຍຢ່າງທີ່ອາດເກີດອັນຕະລາຍຕໍ່ແມ່ ແລະ ລູກໃນທ້ອງໄດ້.

- new3 - ຖືພາຕອນອາຍຸຫລາຍກ່ວາ 35 ປີຂຶ້ນໄປຈະມີບັນຫາແນວໃດ?

ອັດຕາການຕົກໄຂ່ຂອງແມ່ຍິງອາຍຸ 30 ປີຂຶ້ນໄປຈະຕໍ່າລົງ ແລະ ຂະໜາດຂອງໄຂ່ຈະນ້ອຍລົງນຳ ແລະ ໃນລະຫ່ວາງທີ່ໄຂ່ປ່ຽນໜ່ວຍແມ່ຍິງກໍຈະປະສົບບັນຫາຮໍໂມນປັ່ນປ່ວນ. ນອກຈາກນີ້, ຈຳນວນໄຂ່ກໍຈະຫລຸດນ້ອຍລົງ ແລະ ໄຂ່ແຕ່ລະໜ່ວຍກໍຈະມີຄວາມແຂງແຮງໜ້ອຍລົງນຳ. ດັ່ງນັ້ນ, ແມ່ຍິງຫລາຍໆຄົນຈຶ່ງໄດ້ຮັບຄຳແນະນຳບໍ່ໃຫ້ມີລູກເມື່ອອາຍຸຫລາຍກ່ວາ 35 ປີແລ້ວ.

ຄວາມສ່ຽງຕໍ່ອັນຕະລາຍເພີ່ມຂຶ້ນຕາມອາຍຸ ເຖິງວ່າວິທະຍາການທາງການແພດໃນປະຈຸບັນຈະກ້າວໜ້າໄປຫລາຍຈົນແມ່ຍິງ ອາຍຸຫລາຍກ່ວາ 35 ປີ ສາມາດຖືພາໄດ້ຢ່າງປອດໄພແລ້ວ ຫາກແຕ່ຍັງມີຄວາມສ່ຽງອີກຫລາຍປະການທີ່ເກີດຂຶ້ນຈາກການຖືພາທີ່ຊ້າກ່ວາທີ່ຄວນຈະເປັນ. ນອກຈາກນີ້, ສຸຂະພາບຂອງແມ່ ແລະ  ລູກລະຫ່ວາງຖືພາກໍຈະອ່ອນແອລົງຕາມອາຍຸທີ່ຫລາຍຂຶ້ນຂອງແມ່ນຳ ທາງການແພດມີຂໍ້ພິສູດແລ້ວວ່າແມ່ຍິງທີ່ມີອາຍຸສູງກ່ວາ 30 ປີ ຈະມີໂອກາດສູງທີ່ຈະເກີດລູກທີ່ມີຂໍ້ບົກພ່ອງທາງກຳມະພັນ ເຊິ່ງເຫດຜົນທີ່ໜ້າຈະເປັນໄປໄດ້ຫລາຍທີ່ສຸດແມ່ນອາຍຸທີ່ສູງຂຶ້ນຂອງແມ່ ຜູ້ຖືພາທີ່ເຮັດໃຫ້ການແບ່ງແຊນໄຂ່ຜິດປົກກະຕິ.

ບັນຫາອື່ນໆກໍອາດຈະຕາມມາລະຫ່ວາງຖືພາອາດມີໂອກາດທີ່ຄວາມດັນຈະສູງຂຶ້ນ ແລະ ອາການຂອງພະຍາດເບົາຫວານອາດຮຸນແຮງຂຶ້ນໄດ້. ດັ່ງນັ້ນ, ແມ່ຍິງທີ່ມີອາຍຸຫລາຍກ່ວາ 30 ປີ ຍິ່ງມີຄວາມສ່ຽງເພີ່ມຂຶ້ນນຳ ຖ້າທ່ານແມ່ນແມ່ຍິງອາຍຸຫລາຍກ່ວາ 35 ປີ ແລະ ກຳລັງຖືພາຢູ່ ຄວນຟ້າວຝາກທ້ອງແຕ່ຫົວທີເພື່ອຮັບການກວດ ແລະ ການເບິ່ງແຍງດູແລທີ່ດີ. ການຕາຍນັບແຕ່ຢູ່ໃນທ້ອງຂອງລູກມີໂອກາດສູງທີ່ຈະເກີດຂຶ້ນໄດ້ກັບແມ່ຍິງຖືພາທີ່ມີອາຍຸເກີນ 35 ປີ ແລະ ແມ່ຍິງທີ່ອາຍຸຫລາຍອາດເກີດລູກທີ່ມີນຳ້ໜັກໂຕໜ້ອຍກ່ວາເກນມາດຕະຖານ ຫລື ປະມານ 2.500 ກຣາມ. ການຜ່າຕັດເກີດກໍມັກເປັນອີກວິທີການເກີດລູກວິທີໜຶ່ງທີ່ແມ່ຍິງອາຍຸຫລາຍກ່ວາ 35 ປີເລືອກ. ແນວໃດກໍຕາມ ແມ່ຍິງຖືພາຄວນຂໍຄຳປຶກສາຈາກແພດຜູ້ຊ່ຽວຊານ ນອກຈາກນີ້ປະຫວັດໃນການເກີດລູກຈາກທັງຝ່າຍຊາຍ ແລະ ຝ່າຍຍິງກໍອາດມີຜົນກະທົບຕໍ່ສຸຂະພາບຂອງແມ່ ແລະ ລູກໄດ້. ແມ່ຄວນຖືໂອກາດນີ້ກວດສຸຂະພາບທ້ອງ ແລະ ກວດເລືອດ ເຊັ່ນ : ກວດພູມຕ້ານທານພະຍາດຕ່າງໆ ແລະ ມະເຮັງປາກມົດລູກກ່ອນທີ່ທ່ານຈະເກີດລູກ.

error: Content is protected !!