ນ້ຳນົມແມ່ຊ່ວຍຫລຸດອັດຕາການໄຫລຕາຍໃນເດັກ

- 031311 2017 - ນ້ຳນົມແມ່ຊ່ວຍຫລຸດອັດຕາການໄຫລຕາຍໃນເດັກ
- Untitled design - ນ້ຳນົມແມ່ຊ່ວຍຫລຸດອັດຕາການໄຫລຕາຍໃນເດັກ

ການໄຫລຕາຍ ຫລື ຕາຍກະທັນຫັນໂດຍບໍ່ຮູ້ສາເຫດ ເກີດສະເພາະຕອນທີ່ເດັກນ້ອຍຫລັບຢູ່ ແລະ ເກີດໄດ້ແມ່ນແຕ່ກັບເດັກນ້ອຍເກີດໃໝ່ທີ່ຄິດວ່າແຂງແຮງ. ແນວໃດກໍຕາມ, ຈາກການສຶກສາພົບວ່າເດັກທີ່ບໍ່ໄດ້ຮັບການລ້ຽງດູໂດຍນົມແມ່ມີອັດຕາສ່ຽງຈາກການຕາຍໂດຍອາການໄຫລຕາຍສູງກ່ວາເດັກທີ່ໄດ້ກິນນົມແມ່ເຖິງ 60%.

ຂໍ້ມູນເລື່ອງການໄຫລຕາຍໃນເດັກໄດ້ມາຈາກການສັງເກດເປັນເວລາດົນເຖິງ 40 ປີ ທີ່ຮວບຮວມມາຈາກແຫ່ລງຂໍ້ມູນຫລາຍແຫ່ງທີ່ເຊື່ອຖືໄດ້ ເຊິ່ງເຮົາຄວນເຂົ້າໃຈອາການໄຫລຕາຍໃນເດັກ ຫລື ອາການຫລັບບໍ່ຕື່ນ SIDS (Sudden Infant Death Syndrome) ແລ້ວທ່ານຈະຮູ້ວ່າ ນົມແມ່ຊ່ວຍຫລຸດອັດຕາສ່ຽງຈາກການໄຫລຕາຍຂອງລູກໄດ້.

- 021311 2017 300x225 - ນ້ຳນົມແມ່ຊ່ວຍຫລຸດອັດຕາການໄຫລຕາຍໃນເດັກ

ອາການໄຫລຕາຍໃນເດັກນ້ອຍເກີດໃໝ່ສະເພາະຕອນທີ່ລູກຫລັບຢູ່ເທົ່ານັ້ນ ດັ່ງນັ້ນການປຸກລູກໃຫ້ຕື່ນມາກິນນົມແມ່ຈຶ່ງຊ່ວຍຫລຸດຄວາມສ່ຽງຈາກການໄຫລຕາຍໃນເດັກໄດ້, ນົມແມ່ຊ່ວຍສ້າງພູມຕ້ານທານພະຍາດຕ່າງໆ ລວມທັງຊ່ວຍໃຫ້ລູກມີລະບົບຫາຍໃຈປົກປະຕິນຳ. ເຖິງວ່າເຮົາຈະບໍ່ຮູ້ຈະແຈ້ງວ່າລະບົບການຫາຍໃຈທີ່ບໍ່ປົກກະຕິກ່ຽວຂ້ອງກັບການໄຫລຕາຍຫລືບໍ່ກໍຕາມ, ແຕ່ນົມແມ່ທີ່ສ້າງພູມຕ້ານທານໃຫ້ລູກມີລະບົບການຫາຍໃຈທີ່ປົກກະຕິຍ່ອມຫລຸດອັດຕາສ່ຽງຈາກການໄຫລຕາຍໃນເດັກໄດ້ຢ່າງແນ່ນອນທີ່ສຸດ. ອາການໄຫລຕາຍໃນເດັກໄດ້ຂ້າຊີວິດເດັກນ້ອຍທີ່ເບິ່ງແຂງແຮງດີເຖິງ 50 ຄົນຈາກຈຳນວນ 1 ແສນຄົນທີ່ເກີດມາໃນແຕ່ລະປີ ແມ່ຄວນໃຫ້ຄວາມສົນໃຈກັບຄວາມຈິງທີ່ໄດ້ຮັບການພິສູດແລ້ວວ່ານົມແມ່ມີສ່ວນຊ່ວຍສ້າງພູມຕ້ານທານຕໍ່ພະຍາດຕ່າງໆໃຫ້ລູກ ເພື່ອປົກປ້ອງລູກຂອງທ່ານຈາກໄພງຽບອັນນີ້.

- Wave100S AD to Website 2020 0 - ນ້ຳນົມແມ່ຊ່ວຍຫລຸດອັດຕາການໄຫລຕາຍໃນເດັກ

ອາການໄຫລຕາຍບໍ່ແມ່ນເລື່ອງລໍ້ຫລິ້ນ ດັ່ງທີ່ຮູ້ກັນດີວ່າບໍ່ມີໃຜຮູ້ສາເຫດທີ່ແທ້ຈິງຂອງການໄຫລຕາຍ ອາການນີ້ເກີດໄດ້ທຸກເວລາຕອນທີ່ເດັກຫລັບຢູ່ ແມ່ນແຕ່ກັບເດັກທີ່ແຂງແຮງດີ ເຊິ່ງອາການໄຫລຕາຍນີ້ບໍ່ມີອາການບອກເຫດ  ຫລື ສົ່ງສັນຍານອັນຕະລາຍເຕືອນລ່ວງໜ້າ ສິ່ງທີ່ແນ່ນອນກໍແມ່ນອາການນີ້ມີຢູ່ຈິງ ແລະ ເປັນສັດຕູອັນຕະລາຍອັນດັບໜຶ່ງທີ່ຂ້າຊີວິດເດັກ ເດັກນ້ອຍທີ່ອາຍຸບໍ່ຮອດ 1 ປີໄປຫລາຍໃນແຕ່ລະປີ, ແຕ່ຄວາມຈິງທີ່ປະຕິເສດບໍ່ໄດ້ກໍຄື ນົມແມ່ເປັນດັ່ງປ້ອມປາການອັນດັບທຳອິດທີ່ຈະເສີມສ້າງພູມຕ້ານທານແກ່ລູກຮ່ວມກັບການເອົາໃຈໃສ່ເບິ່ງແຍງດູແລລູກໃນເວລາຫລັບໃຫ້ລອດພົ້ນຈາກໄພງຽບນີ້ໄດ້.

ບໍ່ພຽງເທົ່ານີ້, ເປັນທີ່ຮູ້ຈັກກັນດີວ່ານຳ້ນົມແມ່ມີຄຸນປະໂຫຍດມະຫາສານຕໍ່ການປົກປ້ອງລູກຈາກພະຍາດຮ້າຍຕ່າງໆ ພ້ອມທັງເປັນແຫ່ລງສານອາຫານອັນມີຄຸນຄ່າທີ່ສຸດສຳລັບການຈະເລີນເຕີບໃຫຍ່ຂອງລູກ ທັງທາງດ້ານຮ່າງກາຍ ແລະ ສະຕິປັນຍາ. ດັ່ງນັ້ນ,​ ຈຶ່ງມີການສົ່ງເສີມໃຫ້ລ້ຽງລູກດ້ວຍນຳ້ນົມແມ່ຕັ້ງແຕ່ເກີດຈົນຮອດ 6 ເດືອນເປັນຢ່າງໜ້ອຍ.

- WhatsApp Image 2020 05 27 at 5 - ນ້ຳນົມແມ່ຊ່ວຍຫລຸດອັດຕາການໄຫລຕາຍໃນເດັກ
- WhatsApp Image 2020 05 27 at 5 - ນ້ຳນົມແມ່ຊ່ວຍຫລຸດອັດຕາການໄຫລຕາຍໃນເດັກ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!