ຄຸຝຶກເອັສຣາ ຊີ້ທີມຢູ່ຈຸດເກົ່າບໍ່ໄດ້ແລ້ວ ຕັ້ງປັງປຸງເພື່ອຕໍ່ກອນກັບຄູ່ແຂ່ງນອກບ້ານ

- advert banner 728 90 728x90 - ຄຸຝຶກເອັສຣາ ຊີ້ທີມຢູ່ຈຸດເກົ່າບໍ່ໄດ້ແລ້ວ ຕັ້ງປັງປຸງເພື່ອຕໍ່ກອນກັບຄູ່ແຂ່ງນອກບ້ານ

- 23515946 1362184997225815 1565330140 n 225x300 - ຄຸຝຶກເອັສຣາ ຊີ້ທີມຢູ່ຈຸດເກົ່າບໍ່ໄດ້ແລ້ວ ຕັ້ງປັງປຸງເພື່ອຕໍ່ກອນກັບຄູ່ແຂ່ງນອກບ້ານຫົວໜ້າຄູຝຶກ ເອັສຣາ ເອັຟຊີ ຮຸ່ນອາຍຸບໍ່ເກີນ 14 ປີ ຊີ້ ວ່າປະສົບການໃນລາຍການ CP-Meiji Cup U-14 In ternational Champions 2017 ລະຫວ່າງວັນທີ 8-11 ພະຈິກທີ່ຜ່ານມາ ທີ່ບູຣີລໍາ ປະ ເທດໄທ ໄດ້ໃຫ້ພວກເຮົາຮູ້ວ່າ ຈະຢູ່ບ່ອນເກົ່າບໍ່ໄດ້ແລ້ວ ເຮົາ ຕ້ອງພັດທະນາ ແລະ ຊ້ອມ ຫຼາຍກວ່າເກົ່າຫຼາຍເທົ່າ ເພື່ອ ຈະຕໍ່ກອນກັບທີມປະເພື່ອນ ບ້ານເຂົາ ເພາະພວກເຂົາໄປ ໄກກວ່າຫຼາຍ.
ການແຂ່ງຂັນ CP-Meiji Cup U-14 International Champions 2017 ລະ ຫວ່າງວັນທີ 8-11 ພະຈິກທີ່ ຜ່ານມາ, ມີ 8 ສະໂມສອນເຂົ້າ ຮ່ວມ ແລະ ແບ່ງອອກເປັນ 2 ກຸ່ມ ໂດຍ ເອັສຣາ ຖືກຈັດຢູ່ໃນ ກຸ່ມ A ປະກອບມີ ບູຣິລໍາ ຢູໄນ ເຕັດ, JUBILO IWATA ມາຈາກຢີ່ປຸ່ນ ແລະ ສະໂມ ສອນສະໝຸດສົງຄາມ.
ຜົນປາກົດວ່າ: ເອັສຣາ ລົງສະໜາມນັດທໍາອິດ ສະເໝີ ກັບ ສະໝຸດສົງຄາມ, ນັດທີ 2 ເສຍໃຫ້ JUBILO IWATA 0-6 ແລະ ນັດສຸດທ້າຍຂອງ ກຸ່ມ ເສຍໃຫ້ 0-3, ເຮັດໃຫ້ ເອັສຣາ ຕ້ອງໄປວັດກັບ ແບັງ ຄອກ ຢູໄນເຕັດ ເພື່ອລຸ້ນເຂົ້າ ຊີງອັນດັບ 5 ປາກົດວ່າ: ເອັສ ຣາ ເອົາຊະນະໃນການດວນ ຈຸດໂທດ 5-4 ຜ່ານເຂົ້າຊີງອັນ ດັບ 5 ກັບ ສະໝຸດສົງຄາມ ໃນ ຕອນເຊົ້າຂອງວັນທີ 11 ພະ ຈິກທີ່ຜ່ານມາ ກ່ອນທີ່ຈະເສຍ ໃຫ້ທີມດັ່ງກ່າວ 1-3 ຄວ້າອັນ ດັບ 6 ໄປຄອງ.
ຫຼັງກັບມາລາວ ສຸກອາ ພອນ ຫົວໜ້າຄູຝຶກ ເອັສຣາ ເປີດໃຈວ່າ: ການເຂົ້າຮ່ວມ ລາຍການດັ່ງກ່າວນັ້ນ ຄະນະ ທີມງານ ແລະ ນັກເຕະເອັສຣາ ໄດ້ບົດຮຽນຫຼາຍຢ່າງ ແລະ ເປັນປະສົບການຄັ້ງສໍາຄັນ, ເຊິ່ງວົງການບານເຕະບ້ານ ເຂົາມີການພັດທະນາຫຼາຍ ແລະ ໄວກວ່າວົງການບານ ເຕະເຮົາຫຼາຍເທົ່າ, ອີກຢ່າງ ໜຶ່ງເລື່ອງນັກເຕະພວກເຂົາກໍດີກວ່າ ໂດຍເບິ່ງງ່າຍຄືຮ່າງ ກາຍ ເພາະ 14 ປີບ້ານເຂົາ ເປັນນັກເຕະທີ່ມີຮູບຮ່າງໃຫຍ່ ແລະ ແຂງແຮງ ໂດຍສະເພາະ ນັກເຕະຍີ່ປຸ່ນ.
“ ຢ່າງໃດກໍຕາມ, ເລື່ອງ ຮູບເກມມັນກໍບໍ່ໄດ້ຂາດກັນ ຫຼາຍ ແຕ່ຈຸດທີ່ພວກເຂົາເໜືອ ກວ່າຄືຈັງຫວະຈົບປະຕູພວກ ເຂົາດີກວ່າຫຼາຍ, ເຊິ່ງພວກ ເຮົາກໍຈະນໍາເອົາຈຸດດັ່ງກ່າວ ມາແກ້ໄຂປັບປຸງ, ຝຶກຊ້ອມໃຫ້ ໜັກຂຶ້ນ ແລະ ພັດທະນາຕໍ່ໄປ ເພາະພວກເຂົາໄດ້ຮູ້ ແລະ ໄດ້ ສໍາຜັດກັບຮູບເກມ ລວມເຖິງ ເທັກນິກຕ່າງໆທີ່ພວກເຂົາຫຼິ້ນ. ນອກນັ້ນ, ປະສົບການໃນຄັ້ງນີ້ ມັນຍັງຊ່ວຍໃຫ້ພວກເຮົາຮູ້ວ່າ ຈະຢູ່ບ່ອນເກົ່າບໍ່ໄດ້ແລ້ວ, ພວກເຮົາຕ້ອງພັດທະນາ ແລະ ຊ້ອມຫຼາຍກວ່າເກົ່າ ໂດຍຕໍ່ໄປ ພວກເຮົາມີແຜນຈັດການແຂ່ງຂັນຢູ່ສູນ ເອັສຣາ ແລະ ຈະ ເຊີນທີມຈາກໄທ ເຂົ້າຮ່ວມເພື່ອ ເປັນສີສັນຂອງງານ ” ຫົວໜ້າ ຄູຝຶກ ເອັສຣາ ກ່າວ.
ສໍາລັບ ແຊ໊ມລາຍການ CP-Meiji Cup U-14 International Champions 2017 ທີ່ບູຣິລໍາ ຕົກເປັນ ຂອງ ຈູບິໂລ ອະວາຕະ ທີມ ຈາກຍີ່ປຸ່ນ ສ້າງຜົນງານໄດ້ ຢ່າງໂດດເດັ່ນເປັນຝ່າຍເອົາຊະນະ ຊົນບຸຣີ ເອັຟຊີ 4-0 ພ້ອມ ທັງເປັນແຊ໊ມສະໄໝທີ 2 ຕິດ ຕໍ່ກັນ. ຂະນະທີ່ ຄູ່ຊີງອັນດັບ 3 ບູລີລໍາ ຢູໄນເຕັດ ເອົາຊະນະ ທີມຊາດມາເລເຊຍ 1-0 ໄດ້ອັນດັບ 3 ໄປຄອງ.

- new3 - ຄຸຝຶກເອັສຣາ ຊີ້ທີມຢູ່ຈຸດເກົ່າບໍ່ໄດ້ແລ້ວ ຕັ້ງປັງປຸງເພື່ອຕໍ່ກອນກັບຄູ່ແຂ່ງນອກບ້ານ
error: Content is protected !!