ທົ່ວປະເທດ ມີຜູ້ຕິດເຊື້ອ ເຮສໄອວີ ສະສົມ 21,665 ຄົນ ແລະ ເສຍຊີວິດແລ້ວ 5,781 ຄົນ

ດຣ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ປະທານຄະນະກຳມະການແຫ່ງຊາດຕ້ານເອດ ໄດ້ມີຄໍາເຫັນຕໍ່ກອງປະຊຸມການຕິດຕາມຂອງຄະນະກຳມະການແຫ່ງຊາດຕ້ານເອດ ໃນການ ຈັດຕັ້ງປະຕິບັດຂອງຄະນະກຳມະການຕ້ານເອດ ແຂວງສະຫວັນນະເຂດ ໃນວັນທີ 4 ຕຸລາ 2024 ວ່າ: ນັບແຕ່ປີ 1990 ມາຮອດເດືອນ 6 ເດືອນຕົ້ນປີ 2024 ທົ່ວປະເທດລາວ ມີຜູ້ຕິດເຊື່ອ ເຮສໄອວີ ສະສົມທັງໝົດ 21,665 ຄົນ, ຜູ້ຕິດເຊື້ອເຮສໄອວີ ຍັງມີຊີວິດ 15,884 ຄົນ, ເປັນພະຍາດເອດ 7,264 ຄົນ ແລະ ເສຍຊີວິດແລ້ວ 5,781 ຄົນ.

ສະເພາະ 6 ເດືອນຕົ້ນປີ 2024 ໄດ້ກວດບົ່ງມະຕິວ່າຕິດເຊື້ອເຮສໄອວີ ມີ 977 ຄົນ. ຜູ້ຕິດເຊື້ອ ເຮສໄອວີ ຢູ່ລາວ ໂດຍລວມມີທ່າອ່ຽງເພີ່ມຂຶ້ນ.