ເຊັນບົດບັນທຶກຄວາມເຂົ້າໃຈການສອນຫລັກສູດປ້ອງກັນອາດຊະຍາກຳໄຊເບີ

- advert banner 728 90 728x90 - ເຊັນບົດບັນທຶກຄວາມເຂົ້າໃຈການສອນຫລັກສູດປ້ອງກັນອາດຊະຍາກຳໄຊເບີ

ວັນທີ 10 ພະຈິກ ນີ້, ຢູ່ໂຮງ ແຮມດອນຈັນພາເລດ ນະຄອນ ຫລວງວຽງຈັນ, ສູນສະກັດກັ້ນ ແລະ ແກ້ໄຂເຫດສຸກເສີນທາງ ຄອມພິວເຕີ, ກະຊວງໄປສະນີ, ໂທລະຄົມມະນາຄົມ ແລະ ການ ສື່ສານ (ປທສ), ບໍລິສັດ ດາຕາ ຄອມ (DATA Com) ແລະ ບໍລິສັດ ພອດຄູລິດ ປະເທດສິງ ກະໂປ ໄດ້ຮ່ວມກັນເຊັນບົດບັນ ທຶກຄວາມເຂົ້າໃນໃຈການສົ່ງ ວິຊາການ ແລະ ການເປີດສອນ ຫລັກສູດປ້ອງກັນການແຮັກ ເກີລະບົບຂໍ້ມູນທາງຄອມພິວເຕີ ແລະ ອາດຊະຍາກຳໄຊເບີ, ໂດຍ ມີບັນດາຜູ້ຕາງໜ້າຈາກກະຊວງ ປທສ ແລະ ພາກສ່ວນກ່ຽວ ຂ້ອງເຂົ້າຮ່ວມ.

- new3 - ເຊັນບົດບັນທຶກຄວາມເຂົ້າໃຈການສອນຫລັກສູດປ້ອງກັນອາດຊະຍາກຳໄຊເບີ

 

+ ເຊັນສັນຍາໂຄງການປັບປຸງສິ່ງແວດລ້ອມເຂດບ້ານມະໂນ

+ ລົງນາມບົດບັນທຶກຄວາມເຂົ້າໃຈໂຄງການພັດທະນາລະບົບກະສິກຳເປັນສິນຄ້າທັນສະໄໝ

 

ທ່ານ ຄຳຫລ້າ ສູນນາລັດ ຫົວໜ້າສູນສະກັດກັ້ນ ແລະ ແກ້ ໄຂເຫດສຸກເສີນທາງຄອມພິວ ເຕີກ່າວວ່າ: ປັດຈຸບັນ ການນຳໃຊ້ ອິນເຕີເນັດ ແລະ ຄອມພິວເຕີ ການສື່ສານ ມີບົດບາດ ສຳຄັນ ໃນສັງຄົມ, ໄປຄຽງຄູ່ກັນນັ້ນ ກໍ ມີບັນຫາເລື່ອງຄວາມປອດໄພ ເປັນຕົ້ນແມ່ນການໂຈນລະກຳ ຂໍ້ມູນທາງອິນເຕີເນັດ ແລະ ແຮັກເກີ, ໂດຍ 34% ແມ່ນຖືກ ໂຈນລະກຳທາງເວັບໄຊ, 14% ແມ່ນລະບົບເມົາແວໄວລັດໂຈມຕີຂໍ້ມູນ, 8% ແມ່ນການລັກ ເຂົ້າຫາລະບົບເນັດເວີກບໍ່ໄດ້ຮັບ ອານຸຍາດ, ສະນັ້ນ ເພື່ອສະກັດ ກັ້ນບັນຫາດັ່ງກ່າວໃຫ້ຫລຸດ ລົງ, ຈຶ່ງມີແຜນການສ້າງນັກ ພັດທະນາ ແລະ ປ້ອງກັນລະ ບົບຂໍ້ມູນແກ່ນັກຮຽນນັກສຶກສາ ຂອງລາວ.

ທ່ານ ທະນົງສິນ ກັນລະຍາ ປະທານບໍລິສັດ DATA.COM
ກ່າວວ່າ: ການເຊັນບົດບັນ ທຶກຮ່ວມຄວາມເຂົ້າໃຈຄັ້ງນີ້, ແມ່ນການສຶກສາໃນການຊ່ວຍ ພັດທະນາສັງຄົມ, ໂດຍຜ່ານມາ ການສ້າງບຸກຄະລາກອນດັ່ງ ກ່າວຍັງມີໜ້ອຍ ແລະ ຕ້ອງໄດ້ສົ່ງ ໄປຮຽນຢູ່ຕ່າງປະເທດ ເຊິ່ງມີຄ່າ ໃຊ້ຈ່າຍສູງ, ສະນັ້ນ ທາງບໍລິສັດ ພວກເຮົາ ຈຶ່ງຈະໄດ້ຮ່ວມມືກັບ ທາງ ບໍລິສັດ ພອດຄູລິດເພື່ອສົ່ງ ນັກວິຊາການມາສິດສອນຢູ່ລາວ ໂດຍກົງ ແລະ ບໍລິສັດ DATA. COM ເປັນຜູ້ສະໜອງດ້ານສະ ຖານທີ່ການສຶກສາ ເຊິ່ງຄາດວ່າ ຈະເປີດສອນໃນໄວໆນີ້, ເພື່ອຊ່ວຍ ໃຫ້ລາວເຮົາມີນັກພັດທະນາ ແລະ ປ້ອງກັນລະບົບຂໍ້ມູນທຽບເທົ່າ ກັບສາກົນ.

 

error: Content is protected !!