ງານ​ວາງສະ​ແດງ​ລົດ​ນານາ​ຊາດວຽງ​ຈັນ 2017 ມີຫລາຍບໍລິສັດຈຳໜ່າຍລົດເຂົ້າ​ຮ່ວມ

- advert banner 728 90 728x90 - ງານ​ວາງສະ​ແດງ​ລົດ​ນານາ​ຊາດວຽງ​ຈັນ 2017 ມີຫລາຍບໍລິສັດຈຳໜ່າຍລົດເຂົ້າ​ຮ່ວມ

ວັນ​ທີ 10-18 ພະຈິກ​ນີ້, ທີ່​ສູນ​ການ​ຄ້າ​ລາວ-​ໄອ​ເຕັກ ນະຄອນຫລວງ​ວຽງ​ຈັນ, ​ໄດ້​ຈັດ​ງານ​ວາງສະ​ແດງ​ລົດ​ນານາ​ຊາດ ວຽງ​ຈັນ ຄັ້ງ​ທີ 2 (Vientiane International Motor Expo 2017).

- new3 - ງານ​ວາງສະ​ແດງ​ລົດ​ນານາ​ຊາດວຽງ​ຈັນ 2017 ມີຫລາຍບໍລິສັດຈຳໜ່າຍລົດເຂົ້າ​ຮ່ວມ

ປະທານບໍລິສັດ ພີ​ພີ ​ໄຊ​ໂຍ ​ເອັນ​ເຕີ​ເທັນ​ເມັນ ​ແອນ ອີ​ເວັນ​ອໍ​ກະ​ໄນ​ທ໌​ເຊີ້ ຈຳກັດ  ກ່າວ​ວ່າ: ງານ​ຄັ້ງ​ນີ້ ຈັດຂຶ້ນ​ເປັນ​ປີທີ 2 ​ແລ້ວ, ​ເນື່ອງ​ຈາກປີ ຜ່ານມາ​ ​ມີ​ຜົນ​ຕອບ​ຮັບ​ສູງ, ທັງ​ນີ້ ກໍ​ເພື່ອ​ເປັນ​ການ​ສ້າງ​ຜົນ​ປະ​ໂຫຍ​ດທາງ​ດ້ານ​ເສດຖະກິດ ​ແລະ ສ້າງ​ລາຍ​ຮັບ​ເຂົ້າ​ສູ່​ປະ​ເທດ, ທັງເປັນ​​ການ​ສະ​ແດງ​ເຖິງ​ສັກກະ​ຍະ​ພາບ​ໃນ​ດ້ານ​ການ​ປະຢັດ​ພະລັງານ​ຂອງ​ຍານ​ພາຫະນະ​ໃນ​ປັດຈຸບັນ, ພ້ອມ​ທັງ ​​ເຮັດ​ໃຫ້​ປະຊາຊົນ​​ລາວ ​ໄດ້​ພົບ​ກັບ​ການ​ນຳ​ສະ​ເໜີ​ນະ​ວັດຕະ​ກຳ​ພາຫະນະ​ປະຢັດ​ພະລັງງານ​ທັນ​ສະ​ໄໝ, ຮູບຊົງ​ງົດ​ງາມ ​ແລະ ອື່ນໆ​ຕາມ​ຮູບ​ແບບ​ຂອງ​ຜະລິດ​ຕະພັນ​ຕ່າງໆ, ພ້ອມ​ນີ້ ຍັງ​ເຮັດ​ໃຫ້​ບັນດາ​ບໍລິສັດ​ຈຳໜ່າຍ​ລົດ​ທັງ​ພາຍ​ໃນ ​ແລະ ຕ່າງປະ​ເທດ ​ໄດ້​ມີ​ໂອກາດ​ນຳ​ສະ​ເໜີ​ສິນຄ້າ ​ແລະ ການ​ບໍລິການ​ຂອງ​ຕົນ ​ໃນ​ງານ​ດ່ັງກ່າວ ​ເພື່ອ​ສ້າງ​ການ​ຕະຫລາດ ​ແລະ ​ເພີ່ມ​ຊ່ອງ​ທາງ​ດ້ານ​ການຈຳໜ່າຍ​ລົດກວ້າງຂວາງຂຶ້ນ.

ພາຍ​ໃນ​ງານ ​ໄດ້​ເປີດ​ກວ້າງ​ໃຫ້​ບັນດາ​ທຸລະ​ກິດ​ຈຳ​ໜ່າຍ​ລົດ​ໄດ້​ເຂົ້າມາ​ມີ​ສ່ວນ​ຮ່ວມ, ​ໃນ​ນັ້ນ ປະກອບ​ມີ​: 14 ບໍລິສັດຈຳໜ່າຍ​ລົດ, 7 ​ຫ້າງ​ຮ້ານ​ຕົບ​ແຕ່ງ​ລົດ, 3 ບໍລິສັດ​ປະກັນ​ໄພ ​ແລະ 2 ທະນາຄານ​ເຂົ້າ​ຮ່ວມ. ຂະນະ​ດຽວ​ກັນ, ​ແຕ່ລະ​ຫ້ອງ​ວາງສະ​ແດງ ຍັງ​ໄດ້​ຈັດ​ໃຫ້​ມີໂປ​ໂມ​ຊັນຫລຸດ​ແລກ​ແຈກ​​ແຖມ​ຢ່າງ​ຫລວງ​ຫລາຍ​ໃຫ້​ກັບ​ຜູ້​ເຂົ້າ​ຮ່ວມ​ງານ​ນີ້​ອີກ​ດ້ວຍ.

error: Content is protected !!