ທ່ານ ເນທັນຢາຮູ ຮຽກຮ້ອງໃຫ້ຊາວລີບັງປົດປ່ອຍປະເທດຈາກກຸ່ມແຮັດໂບລາ ກ່ອນຖືກທໍາລາຍຄືກາຊາ
ທ່ານ ເນທັນຢາຮູ ນາຍົກລັດຖະມົນຕີອິດສະລາແອນ ສົ່ງສານເຖິງປະຊາຊົນຊາວລີບັງ ຮຽກຮ້ອງໃຫ້ປົດປ່ອຍລີບັງຈາກກຸ່ມແຮັດໂບລາ ເພື່ອໃຫ້ສົງຄາມຄັ້ງນີ້ສິ້ນສຸດລົງ, ເພື່ອໃຫ້ລີບັງກັບມາຈະເລີນຮຸ່ງເຮືອງອີກ ແລະ ທ້າຍທີ່ສຸດລູກຫລານຂອງຊາວລີບັງ ແລະ ຊາວອິດສະລາແອນຈະໄດ້ບໍ່ຕ້ອງຜະເຊີນສົງຄາມ ແລະ ການນອງເລືອດ. ສຸດທ້າຍທັງສອງປະເທດຈະຢູ່ຮ່ວມກັນໄດ້ຢ່າງສັນຕິ ກ່ອນລີບັງຈະຜະເຊີນຄວາມເສຍຫາຍຮຸນແຮງບໍ່ຕ່າງຈາກສິ່ງທີ່ເກີດຂຶ້ນຢູ່ເຂດກາຊາ.
ຫລ້າສຸດກອງທັບອິດສະລາແອນເດີນໜ້າຂະຫຍາຍພື້ນທີ່ປະຕິບັດການພາກພື້ນດິນຢູ່ລີບັງ ເພື່ອກວາດລ້າງກຸ່ມແຮັດໂບລາຢ່າງຈິງຈັງ ໂດຍທ່ານ ເນທັນຢາຮູ ຍັງອ້າງວ່າ: ນອກຈາກທ່ານ ຮໍາຊັນ ນາສຣັລເລາະ ຜູ້ນໍາໝາຍເລກ 1 ຂອງກຸ່ມແຮັດໂບລາ ຈະຖືກສັງຫານໄດ້ສໍາເລັດແລ້ວ, ອິດສະລາແອນຍັງສາມາດສັງຫານຜູ້ທີ່ມາສືບທອດຕໍາແໜ່ງຕໍ່ຈາກທ່ານ ນາສຣັສເລາະ ໄດ້ແລ້ວເຊັ່ນກັນ, ພ້ອມໃຫ້ຄໍາໝັ້ນວ່າ: ອິດສະລາແອນຈະເຮັດທຸກວິທີທາງເຮັດໃຫ້ປະຊາຊົນຂອງຕົນປອດໄພ ແລະ ອິດສະລາແອນຈະຊະນະໃນສົງຄາມຄັ້ງນີ້.
ອ້າງອີງ:
- https://www.aljazeera.com/news/2024/10/8/israels-netanyahu-warns-lebanon-could-face-destruction-like-gaza
- https://www.bbc.com/news/articles/cly3x1w0595o
- https://www.reuters.com/world/middle-east/hezbollah-strikes-israel-gaza-war-anniversary-fears-grow-over-middle-east-2024-10-07/
