ເກີດເຫດຄາດຕະກໍາ 2 ສົບຢູ່ເມືອງໂພນ​ທອງແຂວງຈໍາປາສັກ

- advert banner 728 90 728x90 - ເກີດເຫດຄາດຕະກໍາ 2 ສົບຢູ່ເມືອງໂພນ​ທອງແຂວງຈໍາປາສັກ

ເຈົ້າໜ້າທີ່ ປກສ ແຂວງຈໍາປາສັກ ລາຍງານໃຫ້ຮູ້ວ່າ: ເມື່ອທ້າຍອາທິດຜ່ານມານີ້, ໄດ້ເກີດເຫດຄາດຕະກໍາຢູ່ຮ້ານເສີມສວຍແຫ່ງໜຶ່ງໃນເຂດບ້ານ ແລະ ເມືອງໂພນທອງແຂວງຈໍາປາສັກ, ໂດຍມີຜູ້ເສຍຊີວິດ 2 ຄົນຊື່ທ້າວ ກົງ ອາຍຸ 55 ປີ ​ແລະ ນາງ ງ່າຍ ອາຍຸ 42 ປີ​ຢູ່​ບ້ານ​ໂພນ​ທອງ.

- new3 - ເກີດເຫດຄາດຕະກໍາ 2 ສົບຢູ່ເມືອງໂພນ​ທອງແຂວງຈໍາປາສັກ

​ເຈົ້າໜ້າ​ທີ່ ​ໃຫ້​ຮູ້​ວ່າ: ພາຍຫລັງ​ໄດ້​ຮັບ​ແຈ້ງ​ຈາກ​ເຈົ້າຂອງ​ຮ້ານ​ເສີມ​ສວຍ​ດັ່ງກ່າວ​ໄດ້ຮີບຮ້ອນລົງ​ກວດກາ​ສະຖານ​ທີ່ເກີດເຫດ ແລະ ພົບ​ເຫັນ​ຜູ້​ເສຍ​ຊີວິດ​ສອງ​ຄົນ ແລະ ຕາມຮ່າງກາຍ​ຖືກ​ແທງດ້ວຍມີດຫລາຍບາດ ແລະ ບໍລິເວນໃກ້​ບ່ອນ​ເກີດ​ເຫດ​ພົບ​ມີດ 2 ດວງ, ​ໂທລະສັບ 1 ໜ່ວຍ, ຢາສູບ 1 ຊອງ, ກັບ​ໄຟ 1 ອັນ, ​ເງິນ 361.000 ກີບ, ລົດຈັກ 1 ຄັນ.  ຕາມ​ການ​ສອບ​ຖາມ​ເຈົ້າຂອງ​ຮ້ານ​ເສີມ​ສວຍ ​ໄດ້ໃຫ້ການ​ວ່າ: ກ່ອນ​ເກີດ​ເຫດ​ຄືເວລາປະມານ 14:00 ໂມງຂອງວັນ​ທີ 8 ພະຈິກ 2017 ທ້າວ ກົງ ​ໄດ້​ຂີ່​ລົດຈັກມາ​​ຮ້ານເສີມສວຍ ແລະ ອີກບໍ່ດົນຕໍ່​ມາ​ນາງ ງ່າຍ ກໍ​ໄດ້ມາຮ້ານເສີມສວຍເຊັ່ນກັນ ແລະ ໄດ້​ຍ້ອມ​ຜົມ, ໂດຍທ້າວ ກົງ ​ເປັນ​ຜູ້​ຈ່າຍ​ເງິນ​ຄ່າ​ຍ້ອມ​ຜົມໃຫ້, ຈາກນັ້ນ​ໄດ້​ນັ່ງ​ລົມກັນກັບ​ນາງ ງ່າຍ ຢູ່​ກ້ອງ​ຕະລ່າງ​ຮ້ານ​ເສີມ​ສວຍຈົນ ຮອດ​ເວລາ​ປະມານ 14:40 ​ໂມງກໍ​ໄດ້​ປິດ​ຮ້ານ​ແລ້ວ​ບອກທັງ​ສອງ​ຄົນ​ວ່າຈະ​ໄປ​ເມືອງ​ປາກ​ເຊ. ແຕ່​ທັງສອງຍັງສືບຕໍ່ນັ່ງ​ລົມ​ກັນ​ຢູ່​​ກ້ອງຕະລ່າງ​ຮ້ານ​ເສີມ​ສວຍຈົນ, ຮອດ​ເວລາ​ປະມານ 17:30 ​ໂມງ​ເຈົ້າຂອງ​ຮ້ານ​ໄດ້​ກັບ​ເຂົ້າມາ. ຈາກ​ນັ້ນກໍ​ກິນ​ເຂົ້າ​ແລ້ວ​ກໍ​ເຂົ້ານອນ, ຈົນ​ຮອດ​ເວລາ 5:00 ​ໂມງເຊົ້າຂອງ​ມື້ຕໍ່ມາ​ເຈົ້າຂອງ​ຮ້ານ​ໄດ້​ລຸກ​ໜຶ້ງ​ເຂົ້າ​ຈຶ່ງ​ເຫັນ​ນາງ ງ່າຍ ​ແລະ ທ້າວ ກົງ ນອນ​ເສຍ​ຊີວິດ​ຢູ່​ກ້ອງຕະລ່າງ​ຮ້ານ.

​ເຈົ້າໜ້າ​ທີ່ ​ໃຫ້​ຮູ້​ວ່າ: ຜ່ານມາ, ທັງ​ສອງ​ຄົນ​ແມ່ນພົວພັນກັນ​ແບບ​ຊູ້​ສາວ, ໂດຍ​ທ້າວ ກົງ ​ແມ່ນ​ໄດ້​ປະ​ກັບ​ເມຍ, ​ແຕ່​ບໍ່​ທັນ​ໄດ້​ເຊັນ​ໃບ​ຢ່າ​ຮ້າງ, ສ່ວນນາງ ງ່າຍ ​ແມ່ນ​ມີ​ຜົວ​ຢູ່​ແລ້ວ. ປັດຈຸບັນ​​ເຈົ້າໜ້າ​ທີ່​ກຳລັງເລັ່ງ​ສືບສວນ-ສອບ​ສວນ​ຫາ​ຜູ້​ກໍ່​ເຫດ​ຄາດ​ຕະກຳ​ໃນ​ຄັ້ງນີ້​ມາ​ດຳ​ເນີນ​ຄະດີ​ຕາມ​ລະບຽບ​ກົດໝາຍໂດຍໄວ.

+ເຈົ້າໜ້າທີ່ເຜີຍມືປືນຍິງນັກທຸລະກິດຈີນຢູ່ສູນການຄ້າສີໄຄພລາຊາແມ່ນຄົນຕ່າງປະເທດ

error: Content is protected !!