ຜົນສຳເລັດຂອງກອງປະຊຸມບໍ່ເປັນທາງການ ອົງການອາເປັກທີ່ດານັງ

- advert banner 728 90 728x90 - ຜົນສຳເລັດຂອງກອງປະຊຸມບໍ່ເປັນທາງການ ອົງການອາເປັກທີ່ດານັງ

ກອງ​ປະ​ຊຸມ​ບໍ່​ເປັນ​ທາງ​ການ​ຜູ້​ນຳ​ອົງ​ການ​ຮ່ວມ​ມື​ດ້ານ​ເສດ​ຖະ​ກິດ​ອາ​ຊີ​-ປາ​ຊີ​ຟິກ​ ຫຼື ອາ​ເປັກ (APEC) ຄັ້ງ​ທີ 25 ທີ່​ຈັດ​ຂຶ້ນ​ຢູ່​ດາ​ນັງ​ ປະ​ເທດ​ຫວຽດ​ນາມ​ ໄດ້​ອັດ​ລົງ​ໃນ​ວັນ​ທີ 11 ພະ​ຈິກ​ນີ້ ໂດຍ​ຜູ້​ນຳ​ຂອງ​ບັນ​ດາ​ປະ​ເທ​ດ​ສະ​ມາ​ຊິກ​ໄດ້​ລົງ​ເລິກ​ແລກ​ປ່ຽນ​ຄຳ​ເຫັນ​ກ່ຽວ​ກັບ​ຫົວ​ຂໍ້​ຕ່າງໆ​ໂດຍ​ປິ່ນ​ອ້ອມ​ຫົວ​ຂໍ້ “ສ້າງ​ພະ​ລັງ​ແຮງ​ໃໝ່, ​ສ້າງ​ອະ​ນາ​ຄົດ​ທີ່​ມີ​ການ​ຊົມ​ໃຊ້ຮ່ວມ​ກັນ” ເຊັ່ນ: ເສດ​ຖະ​ກິດ​ພາກ​ພື້ນ ​ເຊື່ອມ​ໂຍງ​ເຂົ້າ​ກັນ, ການ​ປະ​ດິດສ້າງ​ໃໝ່​ ແລະ ​ການ​ເຕີບ​ໃຫຍ່ແບບກວມ​ລວມ, ວິ​ສາ​ຫະ​ກິດ​ຂະ​ໜາດກາງ​ ແລະ ​ນ້ອຍ, ການ​ຫຼຸດ​ຜ່ອນໄພ​ທຳ​ມະ​ຊາດ ແລະ ​ເລັ່ງ​ລັດ​ຊຸກ​ຍູ້​ການມອບ​ສິດ​ທາງ​ເສດ​ຖະ​ກິດ​ໃຫ້​ແມ່​ຍິງ​ເປັນ​ຕົ້ນ ແລະ ໄດ້​ອອກຖະ​ແຫຼງ​ການກອງ​ປະ​ຊຸມ​ບໍ່​ເປັນ​ທາງການ​ຜູ້​ນຳ​ອົງ​ການ​ອາ​ເປັກ​ຄັ້ງ​ທີ 25.
ໃນ​ຖະ​ແຫຼງ​ການກອງ​ປະ​ຊຸມ​ຄັ້ງ​ນີ້, ກຸ່ມເສດ​ຖະ​ກິດ​​ສະ​ມາ​ຊິກ​ຕ່າງໆໄດ້​ໃຫ້​ຄຳ​ໝັ້ນ​ສັນ​ຍາ​ຈະ​ສືບ​ຕໍ່​ສະ​ໜັບ​ສະ​ໜູນ​ລະ​ບົບ​ການ​ຄ້າ ​ຫຼາຍ​ຝ່າຍ, ຊຸກ​ຍູ້​ການ​ສ້າງ​ເຂດ​ການ​ຄ້າ​ເສ​ລີ​ອາ​ຊີ​-ປາ​ຊີ​ຟິກ, ປົກ​ປ້ອງ​ການ​ຄ້າ ​ແລະ​ ການ​ລົງ​ທຶນ​ຢ່າງເສ​ລີ ແລະ ເປີດ​ປະ​ຕູ, ຊຸກ​ຍູ້​ໃຫ້​ ບັນ​ລຸ​ເປົ້​າ​ໝາຍ Bogor ປີ 2020. ຖະ​ແຫຼງ​ການ​ຍັງ​ໄດ້​ເນັ້ນໃຫ້​ໃຊ້​ຫຼາຍມາດ​ຕະ​ການ​ເປັນ​ພິ​ເສດ ເພື່ ​ຊ່ວຍ​ວິ​ສາ​ຫະ​ກິດ​ຂະ​ໜາດ​ກາງ ​ແລະ ​ນ້ອຍ​ເຂົ້າ​ຮ່ວ​ມ​ການແບ່ງ​ງານ​ໃນ​ຕ່ອງ​ໂສ້​ຄຸນ​ຄ່າ​ໂລກ​ພາຍ​ໃຕ້ເຄືອ​ຂ່າຍ​ອິນ​ເຕີ​ເນັດ ​ແລະ​ ເສດຖະ​ກິດ​ດີ​ຈີ​ຕອນ ເພື່ອ​ຍົກ​ລະ​ດັບ​ຄວາມ​ສາ​ມາດການ​ປະ​ດິດ​ສ້າງ​ໃໝ່​ ແລະ​ ກຳ​ລັງ​ແຂ່ງ​ຂັນໃຫ້​ສູງຂຶ້ນ.

- new3 - ຜົນສຳເລັດຂອງກອງປະຊຸມບໍ່ເປັນທາງການ ອົງການອາເປັກທີ່ດານັງ
error: Content is protected !!