ລາວ​ປະສົບ​ຜົນສຳ​ເລັດ​ໃນການ​ຈັດ​ກອງ​ປະຊຸມ​ສະມາຄົມ​ເຟີ​ນີ​ເຈີ​ອາຊຽນ ຄັ້ງ​ທີ 35

- advert banner 728 90 728x90 - ລາວ​ປະສົບ​ຜົນສຳ​ເລັດ​ໃນການ​ຈັດ​ກອງ​ປະຊຸມ​ສະມາຄົມ​ເຟີ​ນີ​ເຈີ​ອາຊຽນ ຄັ້ງ​ທີ 35

- furniture - ລາວ​ປະສົບ​ຜົນສຳ​ເລັດ​ໃນການ​ຈັດ​ກອງ​ປະຊຸມ​ສະມາຄົມ​ເຟີ​ນີ​ເຈີ​ອາຊຽນ ຄັ້ງ​ທີ 35

- Wave100S AD to Website 2020 0 - ລາວ​ປະສົບ​ຜົນສຳ​ເລັດ​ໃນການ​ຈັດ​ກອງ​ປະຊຸມ​ສະມາຄົມ​ເຟີ​ນີ​ເຈີ​ອາຊຽນ ຄັ້ງ​ທີ 35
- lattana 1 - ລາວ​ປະສົບ​ຜົນສຳ​ເລັດ​ໃນການ​ຈັດ​ກອງ​ປະຊຸມ​ສະມາຄົມ​ເຟີ​ນີ​ເຈີ​ອາຊຽນ ຄັ້ງ​ທີ 35

ທ່ານ ຮອງ​ປະທານ​ສະມາຄົມ​ເຟີ​ນີ​ເຈີ​ລາວ ​ໄດ້​ຖະ​ແຫລ​ງ​ຕໍ່ສື່​ມວນ​ຊົນ ​ເນື່ອງ​ໃນ​ງານ​ມອບ​ໃບ​ຍ້ອງຍໍ​ແກ່ຫົວໜ່ວຍທຸລະ​ກິດ​ທີ່​ໃຫ້ການ​ສະໜັບສະໜູນການ​ຈັດ​ກອງ​ປະຊຸມ​ສະມາຄົມ​ເຟີ​ນີ​ເຈີ​ອາຊຽນຄັ້ງ​ທີ 35 ​ແລະ ງານ​ກາ​ລາ​ດິນ​ເນີ ສຳລັບ​ແຂກ​ທີ່​ເຂົ້າ​ມາ​ຮ່ວມກອງ​ປະຊຸມ​ດັ່ງກ່າວ​ວ່າ: ການ​ຈັດ​ກອງ​ປະຊຸມ​ສະມາຄົມ​ເຟີ​ນີ​ເຈີ ອາຊຽນຄັ້ງ​ທີ 35 ຢູ່ ນະຄອນຫລວງ​ວຽງຈັນ ເທື່ອນີ້ຖື​ວ່າ​ປະສົບ​ຜົນສຳ​ເລັດ ​ແລະ ໃນການຕົກລົງ​ຫລາຍ​ບັນຫາ ​ເປັນ​ຕົ້ນແມ່ນ​ປະ​ເທດ ສິງກະ​ໂປ ຈະ​​​ເປີດ​ໂອກາດ​ໃຫ້​ສະມາຄົມ​ເຟີ​ນີ​ເຈີ​ລາວ​ເຂົ້າ​ໄປ​ວາງສະ​ແດງ​ສິນຄ້າ​ຢູ່​ພາຍ​ໃນ​ປະ​ເທດ, ສ່ວນປະ​ເທດ ຫວຽດນາມ​ ແມ່ນຈະຊ່ວຍ​ພັດທະນາ​ສື​ມື​ແຮງ​ງານ ​ແລະ ບັນດາ​ປະ​ເທດ​ອື່ນໆ ຊຶ່ງ​ຈະ​ເຮັດ​ໃຫ້​ລາວ​ມີ​ການ​ພັດທະນາ ວຽກງານ​ເຟີ​ນີ​ເຈີ​ໃຫ້​ສູງ​ຂຶ້ນ.

ທ່ານ​ຮອງ​ປະທານ​ສະມາຄົມ​ເຟີ​ນີ​ເຈີ​ລາວ ​ໃຫ້​ຮູ້​ວ່າ: ສະພາ​ອຸດສາຫະກຳ​ເຟີ​ນີ​ເຈີ​ອາຊຽນ ​ໄດ້​ສ້າງ​ຕັ້ງ​ຂຶ້ນ​ໃນ​ປີ 1978 ​ເປັນ​ສະມາຄົມ​ທີ່​ມີ​ຊື່ສຽງ​ໃນ​ພາກພຶ້ນ ​ແລະ ສາກົນ ມີ​ສະມາຊິກ 8 ສະມາຄົມ ຈາກ​ບັນດາ​ປະ​ເທດ​ອາຊຽນດ້ວຍ​ກັນ, ຊຶ່ງ​ໃນ​ລະຫວ່າງ​ວັນ​ທີ 10-11 ພະຈິກ ລາວ​ໄດ້​ຈັດ​ກອງ​ປະຊຸມ​ສະມາຄົມ​​ເຟີ​ນີ​ເຈີ​ອາຊຽນຂຶ້ນ ຢູ່ ນະຄອນຫລວງ​ວຽງຈັນ ຊຶ່ງ​ແມ່ນ​ມີ​ຄວາມໝາຍສຳຄັນ ສຳລັບ​ຫົວໜ່ວຍທຸລະ​ກິດ​ເຟີ​ນີ​ເຈີ​ລາວ ຊຶ່ງ​ຈະ​ມີ​ໂອກາດ​ປຶກສາ​ຫາລື ​​ແລກປ່ຽນຄຳ​ຄິດ​ເຫັນ ​ແລະ ປະສົບ​ການ​ດ້ວຍ​ກັນ​ກັບ​ບັນດາ​ສະມາຄົມ​ເຟີ​ນີ​ເຈີ​ທີ່​ມາ​ຈາກ​ປະ​ເທດ​ອາຊຽນ, ພ້ອມໄດ້​ຮັບ​ຟັງ​ການ​ນຳ​ສະ​ເໜີຈາກ 3 ກະຊວງ ​ແລະ ສະພາ​ອຸດສາຫະກຳ​ເຟີ​ນີ​ເຈີ​ອາຊຽນ ​ກ່ຽວກັບ​ລະບຽບການ, ຂໍ້​ຫ້າມ ​ແລະ ການ​ສົ່ງ​ອອກ​​ໄມ້​ໃນ​ລາວ, ເພື່ອ​ໃຫ້​ບັນດາ​ສະມາຊິກ​ໄດ້​ເຂົ້າ​ໃຈ.

ຂ່າວ​ຍັງ​ໃຫ້​ຮູ້​ອີກ​ວ່າ: ​ໃນ​ວັນ​ທີ 11 ພະຈິກ ນີ້, ບັນດາ​ປະ​ເທດ​ສະມາຊິກ​ເຟີ​ນີ​ເຈີ ອາຊຽນຍັງ​ໄດ້​ໄປ​ຢ້ຽມຢາມ ​ໂຮງງານ​ເຟີ​ນີ​ເຈີ K&B ​ ຢູ່​ບ້ານ ​ໂສກ​ປ່າ​ຫລວງ, ຊຶ່ງ​ໄດ້​ຮັບ​ການ​ຕ້ອນຮັບ​ຢ່າງ​ອົບ​ອຸ່ນ​ຈາກ​ທ່ານ ກອງ​ມາລາ ພົມມາ​ໄລ ຜູ້ອຳນວຍການ​​ໂຮງງານ​ດັ່ງກ່າວ ຊຶ່ງ​ບັນດາ​ປະ​ເທດ​ສະມາຊິກ​ຕ່າງ​ກໍ​ໄດ້​ໃຫ້​ຄວາມ​ຍ້ອງຍໍ​ຊົມ​ເຊີຍ​ໃນ​ການ​ຜະລິດ​ຂອງ​ໂຮງງານ ທີ່​ມີ​ຄຸນ​ນະພາ​ບ ​ແລະ ກໍ​ໄດ້​ແນະນຳ​ໃຫ້​ພັດທະນາ​ສູ່​ຄວາມ​ທັນ​ສະ​ໄໝ ​ເພື່ອ​ເຮັດ​ໃຫ້ການ​ສົ່ງ​ອອກ​ສິນຄ້າ​ໄດ້​ມາດຕະຖານ​ສາກົນ.

error: Content is protected !!