ວິທີກຳຈັດນິໄສນອນຕື່ນສວາຍຢ່າງໄດ້ຜົນ

- 021410 2017 - ວິທີກຳຈັດນິໄສນອນຕື່ນສວາຍຢ່າງໄດ້ຜົນ
- AGL banner - ວິທີກຳຈັດນິໄສນອນຕື່ນສວາຍຢ່າງໄດ້ຜົນ

ການນອນຕື່ນເຊົ້ານັ້ນມີຂ້ໍດີຫລາຍຢ່າງ ເປັນສິ່ງທີ່ຫລາຍຄົນເຄີຍຕັ້ງໃຈວ່າຈະເຮັດ ແຕ່ເມື່ອເຖິງເວລາທີ່ຕັ້ງໃຈໄວ້ກໍບໍ່ຍອມຕື່ນ ເຮັດໃຫ້ຕິດເປັນນິໄສແກ້ບໍ່ເຊົາຈັກເທື່ອ ເພາະວ່າຮ່າງກາຍຂອງເຮົາລຶ້ງເຄີຍກັບການຕື່ນເວລານັ້ນ ດັ້ງນັ້ນຫາກທ່ານຢາກຕື່ນເຊົ້າໃຫ້ໄດ້ ທ່ານຈຳເປັນຕ້ອງປ່ຽນນິໄສໃໝ່ ໂດຍວິທີງ່າຍໆດັ່ງຕໍ່ໄປນີ້ ຈະຊ່ວຍແກ້ນິໄສນອນຕື່ນສວາຍໃຫ້ເຊົາຂາດໄດ້ແນ່ນອນ.

  1. ປັບເວລາຕື່ນໃຫ້ໄວຂຶ້ນອີກໜ້ອຍໜຶ່ງ : ການແກ້ນິໄສນອນຕື່ນສວາຍໃຫ້ເລີ່ມແກ້ເທື່ອລະໜ້ອຍ ໂດຍການປັບເວລາຕື່ນໃຫ້ໄວຂຶ້ນ, ແຕ່ຢ່າຫັກໂຫມໂດຍການຕື່ນເຊົ້າຫລາຍຈົນເກີນໄປ ເຊັ່ນ : ປົກກະຕິ ຕື່ນ 8 ໂມງເຊົ້າ ແລ້ວບັງຄັບໃຫ້ໂຕເອງຕື່ນ 5 ໂມງເຊົ້າ ຈະເຮັດໃຫ້ຮ່າງກາຍປັບໂຕບໍ່ທັນ ອາດເຮັດໃຫ້ເກີດອາການອ່ອນເພຍ ແລະ ເຫງົານອນໄດ້ໃນຕອນກາງເວັນ. ດັ້ງນັ້ນ ວິທີການງ່າຍໆທີ່ຈະຊ່ວຍເຮັດໃຫ້ທ່ານຕື່ນເຊົ້າຢ່າງເປັນທຳມະຊາດ ລອງປັບເວລາຕື່ນຂອງທ່ານໃຫ້ໄວຂຶ້ນອີກ 30 ນາທີ ຂ້ໍສຳຄັນຫ້າມເລື່ອນເວລາປຸກເດັດຂາດໃຫ້ຮັກສາເວລາຕື່ນຂອງທ່ານໃນມື້ພັກທ້າຍອາທິດນຳ.
  2. ປິດໂທລະສັບ ແລະ ຄອມພິວເຕີກ່ອນເຂົ້ານອນ : ການຫລິ້ນໂທລະສັບ ຫລື ຄອມພິວເຕີກ່ອນເຂົ້ານອນເປັນຜົນຮ້າຍຕໍ່ສາຍຕາ ເຮັດໃຫ້ຮ່າງກາຍຕື່ນໂຕ ຈົນບໍ່ຮູ້ສຶກເຫງົານອນ ທັງຂໍ້ມູນບາງເລື່ອງລາວໃນໂລກອອນລາຍຍັງ ເຮັດໃຫ້ເກີດຄວາມກັງວົນ ເຮັດໃຫ້ເອົາມາຄິດຈົນນອນບໍ່ຫລັບ ດັ່ງນັ້ນ ກ່ອນເຂົ້ານອນ 1 ຊົ່ວໂມງ ໃຫ້ປິດໂທລະສັບ ແລະ ຄອມພິວເຕີໃຫ້ໝົດ ເພື່ອໃຫ້ຮ່າງກາຍກຽມໂຕເຂົ້າສູ່ການພັກຜ່ອນ.
  3. ອອກກຳລັງກາຍຢູ່ສະເໝີ : ການອອກໄປສືບອາກາດໃນບ່ອນໂລ່ງກ້ວາງ ພ້ອມກັບຮັບແສງແດດຈະເຮັດໃຫ້ຮູ້ສຶກສົດຊື່ນເຕັມໄປດ້ວຍພະລັງງານ ຊ່ວຍຫລຸດປະລິມານເມລາໂທນິນ ເຮັດໃຫ້ຮູ້ສຶກບໍ່ເຫງົານອນໃນຕອນກາງເວັນ. ການອອກກຳລັງກາຍຈະເຮັດໃຫ້ໂມງຊີວະພາບທີ່ຢູ່ໃນຮ່າງກາຍເກີດຄວາມດຸ່ນດ່ຽງ ຊ່ວຍຫລຸດຄວາມເຄັ່ງຄຽດ. ການດື່ມເຄື່ອງດື່ມອານກໍຮໍ, ກາເຟອີນ ແລະ ການເຊືອບຫລັບຕອນກາງເວັນ ເປັນສິ່ງທີ່ຕ້ອງຄວບຄຸມໃຫ້ຢູ່ໃນປະລິມານທີ່ເໝາະສົມນຳ ເພື່ອບໍ່ໃຫ້ສົ່ງຜົນກະທົບກັບການນອນຫລັບຕອນກາງຄືນ.
  4. ປັບສະພາບແວດລ້ອມໃຫ້ເປັນຕານອນ : ການເປີດໂຄມໄຟທີ່ມີແສງອ່ອນໆໃນປະລິມານແສງທີ່ພໍດີ ຈະຊ່ວຍສ້າງບັນຍາກາດໃນການນອນ ກ່ອນເວລານອນໃຫ້ປິດໄຟໃຫ້ມືດ ແລະ ຄວນປັບອຸນຫະພູມໃນຫ້ອງໃຫ້ຢູ່ປະມານ 15 – 19 ອົງສາ ຈະເຮັດໃຫ້ຮູ້ສຶກເຫງົານອນ ແລະ ນອນຫລັບໄດ້ໄວຍິ່ງຂຶ້ນ ທາງດ້ານຜູ້ຊ່ຽວຊານທາງດ້ານການນອນຫລັບໄດ້ແນະນຳໃຫ້ກຽມນຳ້ໄວ້ເທິງຫົວຕຽງ ເພື່ອຫລຸດອາການກະຫາຍ ແລະ ອ່ອນເພຍຈາກການນອນ.
  5. ນອນໃຫ້ພຽງພໍຕໍ່ຄວາມຕ້ອງການຂອງຮ່າງກາຍ : ຄວາມຕ້ອງການໃນການນອນຂອງແຕ່ລະຄົນບໍ່ເທົ່າກັນ ດັ່ງນັ້ນ ການ ນອນ 8 ຊົ່ວໂມງກໍບໍ່ໄດ້ເໝາະສົມ ສຳລັບທຸກຄົນລອງສຳຫລວດໂຕເອງເບິ່ງວ່າຕ້ອງການນອນຫລາຍປານໃດຈຶ່ງຈະພຽງພໍ ເພາະການບັງຄັບໃຫ້ໂຕເອງນອນໂດຍທີ່ຍັງບໍ່ທັນຢາກນອນຈະເຮັດໃຫ້ນອນຫລັບຍາກຫລາຍຍິ່ງຂຶ້ນ ເມື່ອຮ່າງກາຍພັກຜ່ອນຢ່າງພຽງພໍກໍຈະເຮັດໃຫ້ການຕື່ນເຊົ້າເປັນເລື່ອງທີ່ງ່າຍຂຶ້ນ.

ພຶດຕິກຳການຕື່ນເຊົ້າເປັນສິ່ງທີ່ຝຶກໄດ້ ໂດຍການປັບປ່ຽນພຶດຕິກຳການນອນໃຫ້ເໝາະສົມ ບໍ່ວ່າຈະເປັນການງົດໃຊ້ໂທລະສັບມືຖືກ່ອນເຂົ້ານອນ, ປັບສະພາບແວດລ້ອມການນອນໃຫ້ເໝາະສົມ, ຕື່ນໃຫ້ເຊົ້າຂຶ້ນອີກໜ້ອຍໜຶ່ງ ກໍເຮັດໃຫ້ທ່ານຕື່ນເຊົ້າໄດ້ງ່າຍແລ້ວ.

- Wave100S AD to Website 2020 0 - ວິທີກຳຈັດນິໄສນອນຕື່ນສວາຍຢ່າງໄດ້ຜົນ
- WhatsApp Image 2020 05 27 at 5 - ວິທີກຳຈັດນິໄສນອນຕື່ນສວາຍຢ່າງໄດ້ຜົນ
- WhatsApp Image 2020 05 27 at 5 - ວິທີກຳຈັດນິໄສນອນຕື່ນສວາຍຢ່າງໄດ້ຜົນ
- WhatsApp Image 2020 05 27 at 5 - ວິທີກຳຈັດນິໄສນອນຕື່ນສວາຍຢ່າງໄດ້ຜົນ
- WhatsApp Image 2020 05 27 at 5 - ວິທີກຳຈັດນິໄສນອນຕື່ນສວາຍຢ່າງໄດ້ຜົນ
  • 1024 Posts
  • 0 Comments
iLike/LPN/20
error: Alert: Content is protected !!