ຕຳຫລວດອົດສະຕຣາລີຍຶດຢາໄອສ໌ ໄດ້ຫລາຍສຸດເປັນປະຫວັດສາດ

- Untitled design - ຕຳຫລວດອົດສະຕຣາລີຍຶດຢາໄອສ໌ ໄດ້ຫລາຍສຸດເປັນປະຫວັດສາດ

- 1491365555738 960x0 300x169 - ຕຳຫລວດອົດສະຕຣາລີຍຶດຢາໄອສ໌ ໄດ້ຫລາຍສຸດເປັນປະຫວັດສາດ     ​ເມລ​ເບິນ 5 ​ເມສາ: ຕຳຫລວດ​ອົດ​ສະຕຣາລີ​ເຂົ້າກວດຄົ້ນສາງ​ສິນຄ້າ​ຢູ່​ນະຄອນ​ເມ​ວ​ເບິນ ​ແລະ ສາມາດ​ຍຶດຢາ​ໄອສ໌​ໄດ້​ຫລາຍ​ສຸດ​ເປັນ​ປະຫວັດສາດ​ຈຳນວນ 903 ກິ​ໂລກຣາມ ​ເຊິ່ງລັກລອບ​ນຳ​ເຂົ້າມາ​ຈາກ​ຈີນ ​ໂດຍ​ການ​ເຊື່ອງ​ໄວ້​ຢູ່​ກ່ອງ​ບັນຈຸ​ໄມ້​ພື້ນ.

ຕຳຫລວດ​ເປີ​ດ​ເຜີຍ​ວ່າ: ນອກຈາກ​ຍຶດຢາ​ໄອສ໌ທີ່​ຊຸກ​ຢູ່​ໃນ​ກ່ອງ​ບັນຈຸ​ໄມ້​ພື້ນ 70 ກ່ອງ ​ແລະ ຄິດ​ເປັນ​ມູນ​ຄ່າ ເກືອບ 900 ລ້ານ​ໂດ​ລາ​ອົດ​ສະຕຣາລີ ​ໄດ້​ແລ້ວ, ​ເຈົ້າໜ້າ​ທີ່​ຍັງ​ສາມາດ​ຈັບ​ກຸມ​ຊາຍ​ຊາວ​ອົດ​ສະຕຣາລີ​ໄດ້ 2 ຄົນ ອາຍຸ 53 ​ແລະ 36 ປີ ​ແລະ ກະຈາຍ​ກຳລັງ​ຄົ້ນຫາ​ຜູ້​ຖືກ​ສົງ​ໄສ​ອີກ 2 ຄົນ​ໃນ​ຂໍ້​ຫາ​ລັກລອບ​ຄ້າ​ຢາ​ເສບ​ຕິດ ​ຖ້າ​ຫາກ​ບຸກຄົນ​ເຫລົ່າ​ນີ້​ຖືກ​ຕັດສິນ​ວ່າ​ກະທຳ​ຄວາມ​ຜິດ​ແທ້ ອາດ​ຈະ​ຕ້ອງ​ໂທດ​ຈຳ​ຄຸກ​ຕະຫລອດ​ຊີວິດ.

ສ່ວນ​ຜູ້​ຊ່ວຍ​ຜູ້​ບັນຊາ​ການ​ຕຳຫລວດ​ສຳນັກງານ​ສະຫະພັນ​ຕຳຫລວດ​ອົດ​ສະຕຣາລີ ກ່າວ​ວ່າ: ການ​ເຊື່ອງ​ຢາ​ເສບ​ຕິດ​ພາຍ​ໃນ​ກ່ອງ​ບັນຈຸ​ໄມ້​ພື້ນນັ້ນຂ້ອນ​ຂ້າງ​ແປກ ​ແລະ ມີ​ຄວາມ​ສັບ​ຊ້ອນ ​ແລະ ຢາ​ເສບ​ຕິດ​ເຫລົ່າ​ນີ້​ມີ​ຕົ້ນທາງ​ມາ​ຈາກ​ປະ​ເທດ​ໃນ​ພາກພື້ນອາຊີ. ຂະນະ​ທີ່​ທ່ານ ​ໄມ​ເຄິລ ຄີ​ແມນ ລັດຖະມົນຕີ​ວ່າການ​ກະຊວງ​ຍຸຕິ​ທຳ ກ່າວ​ຍ້ອງຍໍ​ໃນ​ການ​ປະສານ​ງານ​ກັນ​ລະຫວ່າງ​ເຈົ້າໜ້າ​ທີ່​ອົດ​ສະຕຣາລີ ​ແລະ ສຳນັກງານ​ຄວບ​ຄຸມ​ຢາ​ເສບ​ຕິດ​ແຫ່ງ​ຊາດ​ຈີນ ທີ່​ຊ່ວຍ​ປ້ອງ​ກັນ​ບໍ່​ໃຫ້​ຢາ​ເສບ​ຕິດດັ່ງກ່າວໄຫລ​ເຂົ້າສູ່​ປະ​ເທດ.

- Wave100S AD to Website 2020 0 - ຕຳຫລວດອົດສະຕຣາລີຍຶດຢາໄອສ໌ ໄດ້ຫລາຍສຸດເປັນປະຫວັດສາດ
- WhatsApp Image 2020 05 27 at 5 - ຕຳຫລວດອົດສະຕຣາລີຍຶດຢາໄອສ໌ ໄດ້ຫລາຍສຸດເປັນປະຫວັດສາດ
- WhatsApp Image 2020 05 27 at 5 - ຕຳຫລວດອົດສະຕຣາລີຍຶດຢາໄອສ໌ ໄດ້ຫລາຍສຸດເປັນປະຫວັດສາດ
error: Alert: ເນື້ອຫາຂ່າວມີລິຂະສິດ !!