ໄດ້ແລ້ວ 29 ທີມໄປຫຼິ້ນບານໂລກ 2018 ຮອບສຸດທ້າຍທີ່ ປະເທດຣັດເຊຍ
ການແຂ່ງຂັນບານໂລກ 2018 ໃກ້ຈະໄດ້ຄົບ 32 ທີມ ໄປຫຼິ້ນຮອບສຸດທ້າຍທີ່ ປະ ເທດຣັດເຊຍ ແລ້ວ ຫຼັງຈາກ ສະວີເດນ ຄືທີມທີ 29 ທີ່ໄດ້ໂກ ຕ້າສຳເລັດ ຫຼັງຈາກເອົາຊະນະ ອິຕາລີ ແຊ໊ມໂລກ 4 ສະໄໝ ໄປໄດ້ 1-0.
ສົ່ງຜົນໃຫ້ ສະວີເດນ ໄດ້ ໂກຕ້າໄປຫຼິ້ນບານໂລກຮອບ ສຸດທ້າຍຄັ້ງທຳອິດໃນຮອບ 12 ປີ ໂດຍຄັ້ງສຸດທ້າຍທີ່ໄດ້ ໄປຫຼິ້ນຕ້ອງຍ້ອນໄປເຖິງປີ 2006 ໂດຍຜົນງານທີ່ດີທີ່ສຸດ ຂອງພວກເຂົາຄືການໄດ້ຮອງແຊ໊ມໃນປີ 1958.
ສວນທາງ ອິຕາລີ ທີ່ ພາດໄປຫຼິ້ນບານໂລກຮອບສຸດທ້າຍຄັ້ງທຳອິດໃນຮອບ 15 ປີ ໂດຍຄັ້ງສຸດທ້າຍຕ້ອງຍ້ອນໄປເຖິງປີ 1958 ທີ່ ປະເທດສະວີ ເດນ ເປັນເຈົ້າພາບ ເຊິ່ງເປັນ ທີມທີ່ເຂ່ຍພວກເຂົາຕົກຮອບ ໃນຄັ້ງນີ້ ເຊິ່ງກິນເວລາດົນເຖິງ 60 ປີ.
ນອກຈາກນີ້ຍັງຖືເປັນ ການປິດສາກກາຫຼິ້ນໃຫ້ ທີມ ຊາດອິຕາລີ ຂອງ ຈິອັນລຸຍ ບຸຟຟອນ ຜູ້ຮັກສາປະຕູລະດັບ ຕຳນານບໍ່ງົດງາມ ຫຼັງພາດໄປ ຫຼິ້ນບານໂລກຢ່າງໜ້າເສຍ ດາຍ ແລະ ຖືເປັນອີກໜຶ່ງທີມ ໃຫຍ່ຂອງວົງການບານເຕະທີ່ພາດໄປຫຼິ້ນບານໂລກຕໍ່ຈາກ ເນເທີແລນ ທີ່ຕົກຮອບຕັ້ງແຕ່ ຮອບແບ່ງກຸ່ມ.
