ອາຊີບທາງອິນເຕີເນັດທີ່ມີໂອກາດສ້າງລາຍຮັບໄດ້ຫລາຍ

- 031511 2017 - ອາຊີບທາງອິນເຕີເນັດທີ່ມີໂອກາດສ້າງລາຍຮັບໄດ້ຫລາຍ
- AGL banner - ອາຊີບທາງອິນເຕີເນັດທີ່ມີໂອກາດສ້າງລາຍຮັບໄດ້ຫລາຍ
  1. ນັກດົນຕີ : ປະຈຸບັນມີສິລະປິນຈຳນວນບໍ່ໜ້ອຍທີ່ແຈ້ງເກີດຈາກ YouTube ຫລື SoundCloud ຫາກ Carly Rae Jepsen ສາມາດເຮັດໄດ້ ໂດຍການຮ້ອງເພງ “Call Me Maybe” ຊຳ້ໆ ທ່ານກໍເຮັດໄດ້ເຊັ່ນກັນ.
  2. ນັກອອກແບບແຟຊັ່ນ : ຫາກຕ້ອງການເປີດຮ້ານ ແລະ ຈຳໜ່າຍຜົນງານການອອກແບບຂອງຕົນເອງຜ່ານຊ່ອງທາງອອນ ລາຍ Shopify ກັບ Spaces ກໍມີທຸກສິ່ງທີ່ທ່ານຕ້ອງການ.
  3. ຜູ້ຄ້າບູຮານວັດຖຸ : ຫາກທ່ານມີຂອງເກົ່າ ຫລື ຫາກໍໄດ້ເຄື່ອງປະດັບບູຮານມາຈາກຮ້ານຄ້າ ຫລື ຕະຫລາດນັດ ຮູ້ຫລືບໍ່ວ່າ ທ່ານສາມາດສ້າງລາຍຮັບໄດ້ເທິງເວັບໄຊ Craigslist ຫລື  Ebay ໂດຍການຈຳໜ່າຍ ຫລື ເອົາໄປປ່ຽນສະພາບໃໝ່.
  4. ນັກຂຽນນິຍາຍ : ແຊຜົນງານການຂຽນບາງພາກສ່ວນຂອງທ່ານໃນ Wattpad ຫລື ຕິດຕໍ່ສຳນັກພິມຈັກແຫ່ງໃນເວັບໄຊ ເພື່ອເຜີຍແຜ່ຜົນງານຂອງທ່ານ.
  5. ບລັອກເກີ : ຫາກທ່ານບໍ່ລຶ້ງວຽກຂຽນໜັງສືກໍລອງປ່ຽນມາຂຽນບລັອກລົງເທິງ WordPress ຫລື Squarespace  ແທນກໍໄດ້. ນອກຈາກນີ້, ທ່ານຍັງສາມາດແຊຜົນງານຜ່ານຊ່ອງທາງອື່ນໆທີ່ໜ້າສົນໃຈໄດ້ນຳອີກ.
  6. ຜູ້ສ້າງຮູບເງົາ : ຫາກທ່ານມີຜົນງານການຖ່າຍວີດີໂອ ຫລື ຮູບເງົາເລື່ອງດີ ພຽງອັບໂຫລດລົງ YouTube  ເພື່ອສ້າງຊື່ຂອງໂຕເອງ ຫລື ທ່ານຈະລະດົມທຶນສ້າງ ຈາກ Kickstarter  ກໍສາມາດເຮັດໄດ້.
  7. ຜູ້ຈັດຫາພະນັກງານ : ສິ່ງທີ່ທ່ານຕ້ອງມີແມ່ນແລັບທັອບກັບ LinkedIn (ລິ້ງອິນ).
  8. ນາງ ຫລື ນາງແບບ : ຫລ້າສຸດນາຍ ຫລື ນາງແບບ Instagram ຫາກໍສ້າງໂອກາດໃໝ່ໆນີ້ຂຶ້ນມາໂດຍການແຕ່ງຕັ້ງ “Insta -girls” ເນື່ອງຈາກຄົນເຫລົ່ານີ້ຖືກຄົ້ນພົບໃນສື່ສັງຄົມອອນລາຍ ທ່ານກໍສາມາດຄ້ວາໂອກາດນີ້ໄດ້ຄືກັນ.
  9. ຊ່າງຖ່າຍຮູບ : ທ່ານສາມາດໃຊ້ Instagram ໃນການແບ່ງປັນຜົນງານຮູບຖ່າຍຂອງຕົນໄດ້ ເລີ່ມຈາກມືສະໝັກຫລິ້ນ ຄ່ອຍຍົກລະດັບສູ່ມືອາຊີບໂດຍໃຊ້ພຽງແຕ່ໄອໂຟນຂອງທ່ານ.
  10. ນັກທ່ອງໂລກ : ທ່ານສາມາດເດີນທາງໄປຖ່າຍຮູບໄດ້ທົ່ວໂລກ, ຂຽນເລົ່າປະສົບການ, ວິຈານ ຫລື ຈະເປັນເອື້້ອຍ – ອ້າຍລ້ຽງເດັກໄປນຳກໍໄດ້ ເຊິ່ງມີທາງເລືອກຫລວງຫລາຍທີ່ຈະເດີນທາງໄປທົ່ວໂລກ ທັງຍັງໄດ້ເງິນຄ່າຈ້າງນຳອີກ.
  11. ຮຽນຕໍ່ປະລິນຍາໂທ ຫລື ປະລິນຍາເອກ : ປະຈຸບັນເຮົາມີທາງເລືອກຫລວງຫລາຍໃນການຮຽນຕໍ່ລະດັບຊັ້ນປະລິນຍາໂທ ຫລື ປະລິນຍາເອກຜ່ານຊ່ອງທາງອອນລາຍໄດ້ ເຊິ່ງທ່ານຄວນຈະລອງ.
  12. ອອກແບບກຣາບຟິກ ຫລື ກຣາບຟິກດີໄຊເນີ : ລອງນຳສະເໜີແຟ້ມປະຫວັດຂອງໂຕເອງຜ່ານຊ່ອງທາງອອນລາຍ ຫລື ຈະຮັບເຮັດວຽກອິດສະຫລະໄດ້ຈາກ 99designs ແລະ Fiverr ກໍໄດ້.
  13. ສິລະປິນ : ລອງປະກາດຂາຍສິລະປະການຄັດລອກລາຍມື ຫລື ງານສີມື, ສິ່ງມະສັດສະຈັນຫຍັງກໍໄດ້ທີ່ສ້າງຈາກປາຍນິ້ວມືຂອງທ່ານລົງໃນ Etsy ແລະ ຊອກຫາທາງເລືອກອື່ນໆສຳລັບຜົນງານທີ່ມີຄວາມປະນີດກ່ວາ.
  14. ອາຈານ : ເປີດສອນຫລັກສູດອອນລາຍຂອງໂຕເອງເທິງ Udemy  ຫລື ed2go ຫລືບໍ່ກໍປ່ຽນເສັ້ນທາງ ແລະ ໂຄສະນາໂຕເອງເປັນຜູ້ໃຫ້ຄຳປຶກສາກ່ຽວກັບຊີວິດ ຫລື ການຈັບຄູ່ກໍໄດ້.
  15. ນັກປະດິດ : ທ່ານມີແນວຄິດດີໆຫລືບໍ່ ລອງສະເໜີຄວາມຄິດເພື່ອລະດົມທຶນລົງໃນ Go – FundMe ຫລື KickStarter.

ຄວາມຈິງແລ້ວທ່ານສາມາດເຮັດຫຍັງກໍໄດ້ ບໍ່ວ່າຈະເປັນເພື່ອນເຈົ້າສາວຮັບຈ້າງ, ຮັບຈ້າງກອດ ຫລື ປະດິດທຽນກິ່ນພິດຊ່າອອກມາຂາຍ ເຊິ່ງຄວາມຈິງກໍຄືບໍ່ວ່າທ່ານຢາກເຮັດຫຍັງກໍເຮັດໄປໂລດ ເພາະທ່ານມີໂອກາດ ແລະ ຄວາມສາມາດທີ່ຈະເຮັດ ງ່າຍໆພຽງແຕ່ເຊື່ອມຕໍ່ອິນເຕີເນັດ ບໍ່ສຳຄັນວ່າທ່ານຈະອາຍຸເທົ່າໃດ, ຮຽນຈົບຈາກໃສ, ພໍ່ແມ່ທ່ານເປັນໃຜ ຫລື ທ່ານມີເງິນໃນກະເປົ໋າເທົ່າໃດຮູ້ ຫລືບໍ່ວ່າຄວາມສຳເລັດມີຢູ່ທຸກບ່ອນ ຈັກມື້ໜຶ່ງຄວາມສຳເລັດທີ່ທ່ານເຄີຍອ່ານຢູ່ເທິງໜ້າຈໍຄອມພິວເຕີກໍຈະກາຍມາເປັນຂອງທ່ານເອງ ພຽງແຕ່ທ່ານລົງມືເຮັດ.

- Wave100S AD to Website 2020 0 - ອາຊີບທາງອິນເຕີເນັດທີ່ມີໂອກາດສ້າງລາຍຮັບໄດ້ຫລາຍ
- WhatsApp Image 2020 05 27 at 5 - ອາຊີບທາງອິນເຕີເນັດທີ່ມີໂອກາດສ້າງລາຍຮັບໄດ້ຫລາຍ
- WhatsApp Image 2020 05 27 at 5 - ອາຊີບທາງອິນເຕີເນັດທີ່ມີໂອກາດສ້າງລາຍຮັບໄດ້ຫລາຍ
- WhatsApp Image 2020 05 27 at 5 - ອາຊີບທາງອິນເຕີເນັດທີ່ມີໂອກາດສ້າງລາຍຮັບໄດ້ຫລາຍ
- WhatsApp Image 2020 05 27 at 5 - ອາຊີບທາງອິນເຕີເນັດທີ່ມີໂອກາດສ້າງລາຍຮັບໄດ້ຫລາຍ
  • 1083 Posts
  • 0 Comments
iLike/LPN/20
error: Alert: Content is protected !!