ການປັບສະຖານະພາບແຮງງານລາວທີ່ໄປເຮັດວຽກຢູ່ໄທມີຈຳນວນໜ້ອຍລົງ

ໃນບໍ່ດົນມານີ້, ທ່ານ ບຸນຄົງ ຫລ້າສຸກັນ ຮອງລັດຖະມົນຕີກະ ຊວງແຮງງານ ແລະ ສະຫວັດ ດີການສັງຄົມ, ທັງເປັນຮອງ ຫົວ ໜ້າຄະນະກຳມະການຮັບຜິດ ຊອບຊີ້ນຳ ການປັບສະ ຖານະພາບແຮງງານລາວທີ່ເຮັດວຽກຢູ່ປະເທດໄທ ແບບບໍ່ຖືກຕ້ອງຕາມ ກົດໝາຍ, ພ້ອມຄະນະໄດ້ເດີນ ທາງຢ້ຽມຢາມ ໜ່ວຍງານດັ່ງ ກ່າວ ທີ່ປະຈຳຢູ່ ບາງກອກ, ເພື່ອ ເຮັດວຽກ ແລະ ຮັບຟັງການລາຍ ງານການຈັດຕັ່ງປະຕີບັດໃນໄລ ຍະຜ່ານມາ. ໂດຍສັງເກີດເຫັນວ່າ: ຈຳນວນແຮງງານເຂົ້າມາປັບສະຖານະພາບນັ້ນ ມີຈຳນວນ ໜ້ອຍ ຖ້າທຽບໃສ່ຄັ້ງກ່ອນ ເນື່ອງຈາກ ມີຫລາຍປັດໄຈ ແລະ ສາເຫດທີ່ພາ ໃຫ້ແຮງງານເຂົ້າມາປັບສະຖາ ນະພາບບໍ່ໄດ້ຕາມແຜນການທີ່ໄດ້ ຕົກລົງກັນກັບຝ່າຍໄທ ແລະ ຄາດ ວ່າໃນເດືອນທັນວາ 2017 ຈຳ ນວນແຮງງານ ທີ່ຈະອອກມາປັບສະຖານະພາບ ກໍມີຈຳນວນໜ້ອຍ ລົງຕື່ມເຊັ່ນກັນ, ເນື່ອງຈາກຈຳ ນວນຕົວເລກແຮງງານ ທີ່ໄດ້ຂຶ້ນ ທະບຽນໄວ້ນີ້ເປັນຕົວເລກເກົ່າ ຂອງປີຜ່ານມາ, ເຊິ່ງແຮງງານ ໃນຈຳນວນດັ່ງກ່າວອາດຈະກັບ ຄືນເມືອບ້ານ ຫລື ອາດໄປເຮັດ ເອກະສານຂຶ້ນທະບຽນໃບຈັບຄູ່ ລະຫວ່າງນາຍຈ້າງ-ລູກຈ້າງ ຫລື ອາດຈະໄປເຮັດເອກະສານເຂົ້າ ມາໃນລະບົບ MOU ຫລື ຮູບ ການອື່ນ, ນອກຈາກນີ້ ກໍແມ່ນ ສະ ພາບ ໄພນ້ຳຖ້ວມໃນບາງເຂດ, ໃນບາງແຂວງຂອງປະເທດໄທທີ່ປະສົບໄພຍັງສືບຕໍ່, ເຊິ່ງຈະເປັນ ຜົນກະທົບຕໍ່ການຈັດຕ້ັງປະຕິບັດໜ້າ ວຽກຂອງໜ່ວຍງານປັບສະຖານະພາບບໍ່ໄດ້ຕາມແຜນການທີ່ວາງໄວ້.

 

+ ກະຊວງແຮງງານ ແລະ ສະຫວັດດີການສັງຄົມ ປັບປຸງກົງຈັກກົມຈັດຕັ້ງໃຫ້ແທດເໝາະ

+ ​ສະຖາບັນພັດທະນາສີມືແຮງງານລາວ-ເກົາຫລີ ປັບປຸງການຈັດຕັ້ງໃໝ່

ທ່ານຫົວໜ້າໜ່ວຍງານ ໃຫ້ຮູ້ອີກວ່າ: ຜ່ານການຈັດຕັ້ງ ປະຕິບັດວຽກງານ ແຕ່ວັນທີ 28 ສິງຫາ-8 ພະຈິກນີ້, ສາມາດ ອອກໜັງສືຢັ້ງຢືນສະຖານະພາບບຸກຄົນ (CI) ແລະ ບັດອະນຸ ຍາດເຮັດວຽກໃຫ້ແຮງງານຜູ້ ມີບັດສີບົວ ໄດ້ທັງໝົດ 10.511 ຄົນ, ເປັນແຮງງານຈຳນວນ 9.786 ຄົນ, ຍິງ 4.480 ຄົນ, ຜູ້ຕິດຕາມ 725 ຄົນ, ຍິງ 291 ຄົນ, ໃນນັ້ນຂະແໜງອຸດສາຫະ ກຳ-ການຜະລິດ 1.389 ຄົນ, ຍິງ 701 ຄົນ, ຂະແໜງການກໍ່ສ້າງ 955 ຄົນ, ຍິງ 311 ຄົນ, ຂະ ແໜງກະສິກຳ 1.862 ຄົນ, ຍິງ 794 ຄົນ, ຂະແໜງປະມົງ 589 ຄົນ, ຍິງ 109 ຄົນ ແລະ ຂະ ແໜງການບໍລິການ 4.991 ຄົນ, ຍິງ 3.095 ຄົນ.

ພ້ອມກັນນີ້, ຍັງໄດ້ສະເໜີ ຜ່ານກະຊວງແຮງງານ ແລະ ສະຫວັດດີການສັງຄົມວ່າ: ຜ່ານ ການປັບສະຖານະພາບແຮງ ງານລາວ ກຸ່ມຜູ້ມີບັດສີບົວເຫັນ ວ່າມີຈຳນວນໜ້ອຍ, ບໍ່ໄດ້ຕາມ ແຜນການທີ່ກຳນົດ ແລະ ໃນ ເດືອນທັນວາ, ກໍມີຈຳນວນຕົວ ເລກແຮງງານໄດ້ລົງຈອງຄິວ ເຂົ້າມາປັບສະຖານະພາບໜ້ອຍ, ເຊິ່ງໜ່ວຍງານຕີລາຄາແລ້ວເຫັນ ວ່າມີຜົນກະທົບຕໍ່ການ ຈັດຕັ້ງປະ ຕິບັດວຽກງານ, ຈຶ່ງຂໍຮຽນສະ ເໜີມາຍັງຄະນະຊີ້ນຳພິຈາລະ ນາໃຫ້ແຮງງານກຸ່ມທີ່ໄດ້ອອກ ໃບຢັ້ງຢືນລູກຈ້າງ-ນາຍຈ້າງທີ່ ທາງການໄທ ໄດ້ຂຶ້ນຊື່ໄວ້ທີ່ຈະ ໝົດອາຍຸໃນວັນທີ 31 ທັນວາ 2017, ສາມາດເຂົ້າມາປັບສະ ຖານະພາບກັບໜ່ວຍງານ ຄຽງຄູ່ ກັບກຸ່ມຜູ້ທີ່ມີບັດສີບົວ ທີ່ຈະໝົດ ອາຍຸໃນວັນທີ 31 ມີນາ 2018ນີ້, ພ້ອມທັງ ສະເໜີໃຫ້ກົມ ພັດທະນາ ສີມືແຮງ ງານ ແລະ ຈັດຫາງານ ກະຊວງແຮງງານ ແລະ ສະຫວັດ ດີການສັງຄົມ ປະສານໂດຍຜ່ານ ທາງການທູດ ກັບກົມການຈັດ ຫາງານໄທ ເພື່ອໃຫ້ການຮ່ວມ ມືຢ່າງເຕັມສ່ວນໃນການ ຂົນ ຂວາຍປະຊາສຳພັນ, ພັກດັນ ຫລື ນຳເອົາຜູ້ອອກແຮງງານກຸ່ມບັດສີບົວທີ່ໄດ້ຂຶ້ນທະບຽນ ຈຳນວນ ທີ່ຍັງເຫລືອອອກມາປັບສະຖາ ນະພາບຕາມກຳນົດເວລາທີ່ໄດ້ ກຳນົດໄວ້.

error: Alert: Content is protected !!