ການ​ຂ້າ​ຕົວ​ຕາຍ ຄືຄວາມຂີ້ຮ້າຍ​ຂອງ​ສັງ​ຄົມ

- latest02pix - ການ​ຂ້າ​ຕົວ​ຕາຍ ຄືຄວາມຂີ້ຮ້າຍ​ຂອງ​ສັງ​ຄົມ
- 174233 - ການ​ຂ້າ​ຕົວ​ຕາຍ ຄືຄວາມຂີ້ຮ້າຍ​ຂອງ​ສັງ​ຄົມ

ໂດຍ : ມຶກບໍ່ແຫ້ງ

ການ​ຂ້າ​ຕົວ​​ຕາຍ​ຂອງ​ຄົນ​ ຖື​ວ່າ​ເປັນ​ການບໍ່​ເຄົາ​ລົບແມ່ນ​ແຕ່​ຕົນ​ເອງ, ເປັນ​ການ​ສູນ​ເສຍ​ຄຸນ​ຄ່າ​ຂອງ​ຄວາມ​ເປັນ​ຄົນຢ່າງ​ໜ້າ​ເວດ​ທະ​ນາ​ທີ່​ສຸດ.

ຕາມການລາຍງານຂອງອົງການ ອະນາໄມໂລກ (WHO) ປີ 2014​ ໃນ​ທຸກໆ​ປີ ມີ​ປະ​ຊາ​ກອນ​ທົ່ວ​ໂລກຫຼາຍກວ່າ 800,000 ຄົນ​ຂ້າ​ຕົວ​ເອງ​ຕາຍ ເມື່ອ​ຄິດ​ໄລ່​ແລ້ວປະ​ມານ 1 ຄົນ​ ໃນ​ທຸກໆ 40 ວິ​ນາ​ທີ ເຊິ່ງ ເປັນ​ເທື່ອ​ທໍາອິດ​ໃນ​ປະ​ຫວັດ​ສາດ ທີ່​ໃຊ້​ເວ​ລາ​ໃນ​ການ​ຄົ້ນ​ຄວ້າ​ເປັນ 10 ປີ ໃນ​ຂອບ​ເຂດ​ທົ່ວ​ໂລກ ແລະ​ໄດ້​ພົບ​ວ່າ​ການ​ຂ້າ​ຕົວຕາຍນີ້ ແມ່ນ​ເກີດ​ຂຶ້ນ​ເກືອບ​ທຸກ​ໄວ​ອາ​ຍຸ ແຕ່​ໂດຍ​ລວມ​​ແລ້ວ ການ​ຂ້າ​ຕົວ​ຕາຍຫຼາຍ​ທີ່​ສຸດ​ແມ່ນ​ຜູ່​ທີ່​ອາ​ຍຸ​ລະ​ຫວ່າງ 70 ປີ ຫຼືຫຼາຍກວ່ານັ້ນ. ແນວ​ໃດ​ກໍ​ຕາມ, ມີຫຼາຍ​ປະ​ເທດ​ທີ່​ພົບ​ວ່າ​ອັດ​ຕາ​ການ​ຂ້າ​ຕົວ​ຕາຍ​ທີ່​ສູງ​ສຸດ ແມ່ນ​ກຸ່ມ​ໄວ​ໜຸ່ມ ແລະ​ທີ່​ໜ້າ​ຕົກ​ໃຈຫຼາຍກໍແມ່ນ ການ​ຂ້າ​ຕົວ​ຕາຍ​ເປັນ​ສາ​ເຫດ​ອັນ​ດັບ​ທີ 2 ແມ່ນ​ໄວ​ໜຸ່ມ​ອາ​ຍຸ​ລະ​ຫວ່າງ 15-19 ປີ ​ເສຍ​ຊີ​ວິດ, ໃນ​ນັ້ນ​ຜູ້​ຊາຍ​ມີ​ອັດ​ຕາ​ການ​ຂ້າ​ຕົວ​ຕາຍຫຼາຍກວ່າ​ແມ່​ຍິງ (3 ເທົ່າ​ໃນ​ບັນ​ດາ​ປະ​ເທດ​ທີ່​ພັດ​ທະ​ນາ​ແລ້ວ).

ພວກເຮົາກໍຄົງຮັບຮູ້ຂ່າວການຂ້າຕົວຕາຍຂອງຄົນລາວຜ່ານທາງສື່ສັງຄົມຂ້ອນຂ້າງຖີ່ສົມຄວນ, ເຖິງແມ່ນວ່າບໍ່ມີສະຖິຕິອັນ ໜ້າເຊື່ອ ຖືຄັກແນ່ ແຕ່ເຊື່ອວ່າອັດຕາການຂ້າຕົວຕາຍຂອງຄົນລາວກໍມີອັດຕາສູງເມື່ອສົມທຽບກັບຈຳນວນປະຊາກອນ ແລະກໍມີທ່າອ່ຽງ ເພີ່ມຂຶ້ນ ເຊິ່ງອັນນີ້ມັນໄດ້ກາຍເປັນປະກົດການທີ່ຍໍ້ທໍ້ ແລະຕ້ອງການຄວາມເອົາໃຈໃສ່ໃນການປ້ອງກັນຢ່າງຈິງຈັງ.

- Wave100S AD to Website 2020 0 - ການ​ຂ້າ​ຕົວ​ຕາຍ ຄືຄວາມຂີ້ຮ້າຍ​ຂອງ​ສັງ​ຄົມ

ວິ​ທີ​ການ​​ສ່ວນ​ໃຫ​ຍ່ຂອງ​ການ​ຂ້າ​ຕົວ​ຕາຍຫຼາຍ​ທີ່​ສຸດ​ແມ່ນ​ການ​ຮັບ​ປະ​ທານ​ຢາ​ເບື່ອ, ແຂວນ​ຄໍ ແລະ​ຂ້າ​ຕົວ​ເອງ​ດ້ວຍ​ປືນ. ຫຼັກ​ຖານ​ທີ່​ມາ​ຈາກ​ປະ​ເທດ​ອົດ​ສ​ຕ​ຣາ​ລີ, ກາ​ນາ​ດາ, ຍີ່​ປຸ່ນ, ນູ​ແວນ​ເຊ​ລັງ, ອາ​ເມ​ລິ​ກາ ແລະ​ບັນ​ດາ​ປະ​ເທດ​ເອີ​ຣົບ ພົບ​ວ່າ ການ​ຈຳ​ກັດ​ການ​ເຂົ້າ​ເຖິງວິ​ທີ​ການ​ຂ້າ​ຕົວ​ຕາຍ​ຂ້າງ​ເທິງນັ້ນ ແມ່ນ​ເປັນ​ການ​ປ້ອງ​ກັນ​ການ​ຂ້າ​ຕົວ​ຕາຍ​ຂອງ​ຄົນ​ໄດ້​ດີ​ທີ່​ສຸດ.

ໃນປັດຈຸບັນທົ່ວໂລກມີ 28 ປະ​ເທດທີ່​ມີ “ຍຸດ​ທະ​ສາດ​ການ​ປ້ອງ​ກັນ ການ​ຂ້າ​ຕົວ​ຕາຍ​ແຫ່ງ​ຊາດ”. ພ້ອມ​ດຽວ​ກັນ​ນັ້ນ, ເມື່ອ​ພົບ​ຜູ້​ຄົນ​ທີ່​ສ່ຽງ​ໃນ​ການ​ຂ້າ​ຕົວ​ຕາຍ​ແລ້ວ ບຸກຄົນນັ້ນກໍ​ຄວນ​ໄດ້​ຮັບ​ການ​ຮັກ​ສາ​ສຸ​ຂະ​ພາບ​ທາງ​ຈິດ, ໄດ້​ຮັບ​ການ​ສື່​ສານ ພົວ​ພັນ​ກັບ​ຄົນ​ໃກ້​ຊິດ​ເປັ​ນ​ປົກ​ກະ​ຕິ ບໍ່​ວ່າ​ຈະ​ເປັນ​ການ​ລົມ​ທາງ​ໂທ​ລະ​ສັບ ຫຼື​ການ​ໄປ​ຢ້ຽມ​ຢາມ​ໂອ້​ລົມ ເພື່ອ​ເຮັດ​ໃຫ້​ຈິດໃຈ​ສະ​ຫງົບ ຄຽງ​ຄູ່​ກັນ​ນັ້ນ, ​ກຸ່ມ​ຄົນ​ເຫຼົ່າ​ນີ້ກໍ​ຄວນ​ໄດ້​ຮັບ​ການ​ຊ່ວຍ​ເຫຼືອ​ຈາກ​ສັງ​ຄົມ​ເປັ​ນ​ພິ​ເສດ ເພາະ​ເຂົາ​​ເຈົ້າມີ​ຄວາມ​ສ່ຽງ​ສູງ​​ທີ່​ສຸດ​ທີ່​ຈະ​ພະ​ຍາ​ຍາມ​ຂ້າ​ຕົວ​ເອງ​ໃນ​ຄັ້ງ​ຕໍ່​ໄປ.

ໃນ​ຊີ​ວິດ​ຂອງ​ຄົນໆ​ໜຶ່ງ​ມີ​ຄຸນ​ຄ່າ​ ເກີນກວ່າ​ຈະ​ປະ​ເມີ​ນ​ໄດ້, ການ​ແກ້​ໄຂ​ບັນ​ຫາ​ຊີ​ວິດ​ດ້ວຍ​ການ​ຂ້າ​ຕົວ​ເອງ​ຕາຍ​ເປັນ​ຫົນ​ທາງ​ທີ່​ຄວນຫຼີກ​ລ່ຽງ​ຢ່າງ​ເດັດ​ຂາດ ເພາະເປັນ​ວິ​ທີ​ທີ່ບໍ່​ຖືກ​ກັບ​ຈຸດ​ທີ່​ຈະ​ຕ້ອງ​ແກ້​ໄຂ ເນື່ອງ​ຈາກ​ຮ່າງ​ກາຍ​ຂອງ​ຄົນ​ເປັນ​ສິ່ງ​ທີ່​ບໍ​ລິ​ສຸດ​ແລ້ວ ແຕ່​ການ​ສ້າງ​ໃຫ້​ຈິດ​ໃຈ​ເຂັ້ມ​ແຂງ, ບໍ່​ທໍ້​ຖອຍ​ກັບ​ບັນ​ຫາ​ຕ່າງໆ​ທີ່ຜ່ານ​ເຂົ້າ​ມາ​ໃນ​ຊີ​ວິດ ແລະມີຄວາມຫວັງ ​ເປັນ​ສິ່ງ​ທີ່ອາດເອົາຊະນະກັບ ການຄິດສັ້ນໆນີ້ໄດ້.

- WhatsApp Image 2020 05 27 at 5 - ການ​ຂ້າ​ຕົວ​ຕາຍ ຄືຄວາມຂີ້ຮ້າຍ​ຂອງ​ສັງ​ຄົມ
- WhatsApp Image 2020 05 27 at 5 - ການ​ຂ້າ​ຕົວ​ຕາຍ ຄືຄວາມຂີ້ຮ້າຍ​ຂອງ​ສັງ​ຄົມ
- WhatsApp Image 2020 05 27 at 5 - ການ​ຂ້າ​ຕົວ​ຕາຍ ຄືຄວາມຂີ້ຮ້າຍ​ຂອງ​ສັງ​ຄົມ
- WhatsApp Image 2020 05 27 at 5 - ການ​ຂ້າ​ຕົວ​ຕາຍ ຄືຄວາມຂີ້ຮ້າຍ​ຂອງ​ສັງ​ຄົມ
error: Alert: Content is protected !!