ອຸ​ຕຸ​ເຕືອນ !!! ​ອາກາດ​ເຢັນ​ຍັງ​ຈະ​ສືບ​ຕໍ່​ປົກ​ຄຸມ​ຢູ່​ທົ່ວ​ທຸກ​ພາກ​ຂອງ​ລາວ

- advert banner 728 90 728x90 - ອຸ​ຕຸ​ເຕືອນ !!! ​ອາກາດ​ເຢັນ​ຍັງ​ຈະ​ສືບ​ຕໍ່​ປົກ​ຄຸມ​ຢູ່​ທົ່ວ​ທຸກ​ພາກ​ຂອງ​ລາວ

ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ​ໃຫ້​ຮູ້​ວ່າ: ວັນ​ທີ 15 ພະຈິກ​ນີ້, ຄວາມ​ກົດ​ດັນ​ສູງ​ຂອງ​ອາກາດ​ເຢັນ ຍັງ​ຈະ​ສືບ​ຕໍ່​ປົກ​ຄຸມ​ຢູ່​ທົ່ວ​ທຸກ​ພາກ​ຂອງ​ລາວ ດ້ວຍ​ກຳລັງ​ປານ​ກາງ, ສົມທົບ​ກັບ​ກະ​ແສ​ລົມ​ຕາ​ເວັນ​ອອກ​ສ່ຽງ​ເໜືອ​ພັດ​ປົກ​ຄຸມ​ເປັນ​ສ່ວນ​ໃຫຍ່, ຊຶ່ງ​ຈະ​ເຮັດ​ໃຫ້​ອາກາດ​ໜາວ​ເຢັນ​ຢູ່​ແຂວງ​ພາກ​ເໜືອ​ດ້ານ​ຕາ​ເວັນ​ອອກ ​ແຂວງ​ໄຊ​ສົມບູນ ​ແລະ ພູພຽງ ບໍລະ​ເວນ, ພ້ອມ​ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ​ໃນ​ແຕ່​ລະ​ພາກ.

- new3 - ອຸ​ຕຸ​ເຕືອນ !!! ​ອາກາດ​ເຢັນ​ຍັງ​ຈະ​ສືບ​ຕໍ່​ປົກ​ຄຸມ​ຢູ່​ທົ່ວ​ທຸກ​ພາກ​ຂອງ​ລາວ

ພາກ​ເໜືອ​ດ້ານ​ຕາ​ເວັນ​ອອກ: ອາກາດ​ໜາວ​ເຢັນ, ພ້ອມ​ມີ​ໝອກ​ບາງ​ໃນ​ຕອບ​ເຊົ້າ ​ແລະ ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ​ແຂວງ​ຊຽງ​ຂວາງ; ພາກ​ເໜືອ​ດ້ານ​ຕາ​ເວັນ​ຕົກ: ອາກາດ​ຍັງ​ຈະ​ເຢັນ ​ແລະ ມີ​ໝອກ​ບາງ​ປົກ​ຫຸ້ມ​ໃນ​ຕອນ​ເຊົ້າ; ພາກ​ກາງ: ອາກາດ​ເຢັນ, ພ້ອມ​ມີ​ໝອກ​ບາງ​ໃນ​ຕອນ​ເຊົ້າ ​ແລະ ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ​ທາງ​ດ້ານ​ຕາ​ເວັນ​ອອກ​ຂອງ​ພາກ, ​ແຂວງ​ໄຊ​ສົມບູນ: ອາກາດ​ຍັງ​ຈະ​ໜາວ​ເຢັນ, ພ້ອມ​ມີ​ໝອກ​ໜາ​ໃນ​ຕອນ​ເຊົ້າ, ອຸນຫະພູມ​ຕ່ຳ​ສຸດ 9-11 ອົງສາ ​ແລະ ສູງ​ສຸດ 23-25 ອົງສາ; ພາກ​ໃຕ້: ອາກາດ​ເຢັນ​ລົງ, ພ້ອມ​ມີ​ໝອກ​ບາງ​ໃນ​ຕອນ​ເຊົ້າ ​ແລະ ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ​ໃນ​ຕອນ​ບ່າຍ​ຫາ​ຄ່ຳ, ​ເຂດ​ພູ​ພຽງ​ບໍລະ​ເວນ: ອາກາດ​ໜາວ​ເຢັນ, ພ້ອມ​ມີ​ໝອກ​ໜາ​ໃນ​ຕອນ​ເຊົ້າ, ອຸນຫະພູມ​ຕ່ຳ​ສຸດ 10-12 ອົງສາ ​ແລະ ສູງ​ສຸດ 22-24 ອົງສາ; ນະຄອນຫລວງ​ວຽງ​ຈັນ: ອາກາດ​ເຢັນ, ພ້ອມ​ມີ​ໝອກ​ບາງ​ໃນ​ຕອນ​ເຊົ້າ ​ແລະ ມີ​ລົມ​ພັດ​ແຮງ​ເປັນ​ບາງ​ໂອກາດ.

error: Content is protected !!