ສະພາຕໍ່າຣັດເຊຍຜ່ານຮ່າງກົດໝາຍ ຂຶ້ນທະບຽນສື່ຕ່າງປະເທດ

- BN IO867 ruslaw GR 20150525111451 - ສະພາຕໍ່າຣັດເຊຍຜ່ານຮ່າງກົດໝາຍ ຂຶ້ນທະບຽນສື່ຕ່າງປະເທດ
- advert banner 728 90 728x90 - ສະພາຕໍ່າຣັດເຊຍຜ່ານຮ່າງກົດໝາຍ ຂຶ້ນທະບຽນສື່ຕ່າງປະເທດ

ສະພາ​ດູ​ມາ​​ໃນ​ນະຄອນຫລວງ​ມົດ​ສະ​ກູ​ຜ່ານ​ຮ່າງ​ກົດໝາຍ ​ໃຫ້​ສື່​ມວນ​ຊົນ​ຈາກ​ຕ່າງປະ​ເທດ​ຕ້ອງ​ຂຶ້ນທະບຽນ​ກັບ​ລັດຖະບານ ​ໃນ​ຖານະ “ຕົວ​ແທນ​ລັດຖະບານ​ຕ່າງປະ​ເທດ” ພຽງ​ບໍ່​ເທົ່າ​ໃດ​ວັນ​ຫລັງ​ໜຶ່ງ​ໃນ​ສຳນັກ​ຂ່າວ​ໃຫຍ່​ຂອງຣັດ​ເຊຍ​ຕ້ອງ​ຂຶ້ນທະບຽນ​ແບບ​ດຽວ​ກັນ​ຢູ່​ອາ​ເມ​ລິ​ກາ.

- lattana 1 - ສະພາຕໍ່າຣັດເຊຍຜ່ານຮ່າງກົດໝາຍ ຂຶ້ນທະບຽນສື່ຕ່າງປະເທດ
- Wave100S AD to Website 2020 0 - ສະພາຕໍ່າຣັດເຊຍຜ່ານຮ່າງກົດໝາຍ ຂຶ້ນທະບຽນສື່ຕ່າງປະເທດ

- 1024x1024 - ສະພາຕໍ່າຣັດເຊຍຜ່ານຮ່າງກົດໝາຍ ຂຶ້ນທະບຽນສື່ຕ່າງປະເທດ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ມົດ​ສະ​ກູ ປະ​ເທດຣັດ​ເຊຍ ​ໃນ​ວັນ​ທີ 16 ພະຈິກ​ວ່າ: ກອງປະຊຸມ​ສະພາ​ຜູ້​ແທນ​ລາຊະ​ດອນ​ຂອງຣັດ​ເຊຍ ຫລື ສະ​ພາ​ດູ​ມາ ມີ​ມະຕິ​ສຽງ​ສ່ວນ​ຫລາຍ​ໃນ​ວັນ​ທີ 15 ພະຈິກ ​ໃຫ້​ສື່​ມວນ​ຊົນ​ຕ່າງປະ​ເທດ​ທີ່​ມີ​ສຳນັກງານ​ຢູ່ຣັດ​ເຊຍ​ຕ້ອງ​ຂຶ້ນທະບຽນ​ໃນ​ຖານະ “​ເຈົ້າໜ້າ​ທີ່​ລັດຖະບານ​ຕ່າງປະ​ເທດ” ​ເຊິ່ງການ​ລົງມະຕິ​ດັ່ງກ່າວ​ຖື​ເປັນ​ການ​ແກ້​ໄຂ​ເພີ່ມ​ຕື່ມ​ສຳລັບ​ກົດໝາຍ​ສະບັບ​ປີ 2015 ທີ່​ອົງ​ກອນ​ອິດສະຫລະ​ບໍ່​ສະ​ແຫວ​ງຫາ​ຜົນ​ກຳ​ໄລ (NGO) ທຸກ​ແຫ່ງ​ໃນຣັດ​ເຊຍ ຕ້ອງ​ຂຶ້ນທະບຽນ​ໃນ​ຖານະ “ຕົວ​ແທນ​ລັດຖະບານ​ຕ່າງປະ​ເທດ”.

​ ​ເຖິງ​ວ່າ​ຮ່າງ​ກົດໝາຍ​ຍັງ​ຕ້ອງ​ຜ່າ​ນການສະ​ເໜີ ​ແລະ ລົງມະຕິ​ຈາກ​ວຸດ​ທິສະພາ ຄາດ​ວ່າ​ຈະ​ມີ​ກອງ​ປະຊຸມ​ເລື່ອງ​ນີ້​ໃນ​ອາທິດ​ໜ້າ, ​ແຕ່​ທຸກ​ຝ່າຍ​ເຊື່ອ​ວ່າ​ບໍ່​ອາດ​ເປັນ​ອຸປະສັກ ​ແລະ ຮ່າງ​ກົດໝາຍ​ຈະ​ມີ​ຜົນ​ບັງຄັບ​ໃຊ້​ທັນທີ​ທີ່​ໄດ້​ຮັບ​ການ​ລົງ​ນາມ​ຈາກ​ປະທານາທິບໍດີ ວະ​ລາ​ດິ​ເມຍ ປູ​ຕິນ. ຂະນະ​ທີ່ ທ່ານ​ນາງ ມາ​ເຣຍ ຊາ​ຄາ​ໂຣວາ ​ໂຄສົກ​ກະຊວງ​ການ​ຕ່າງປະ​ເທດຣັດ​ເຊຍ ກ່າວ​ວ່າ: ຖື​ເປັນ​ເທື່ອ​ທຳ​ອິດ​ທີ່​ລັດຖະບານ​ມົດ​ສະ​ກູ​ບັງຄັບ​ໃຊ້​ມາດ​ຕະການ​ດັ່ງກ່າວ​ຕໍ່​ສື່​ມວນ​ຊົນ​ຕ່າງປະ​ເທດ ​ແລະ ​ເຕືອນ​ຢ່າງ​ກົງ​​ໄປ​ກົງ​ມາ​ວ່າ: ອາດ​ມີ​ການ​ບັງຄັບ​ໃຊ້​ກັບ​ນັກ​ຂ່າວ​ຊາວ​ອາ​ເມ​ລິ​ກາ “​ເປັນ​ລາຍ​ບຸກຄົນ”.

- GettyImages 872544330 - ສະພາຕໍ່າຣັດເຊຍຜ່ານຮ່າງກົດໝາຍ ຂຶ້ນທະບຽນສື່ຕ່າງປະເທດ

ຂະນະ​ທີ່​ແຫ​ລ່ງຂ່າວ​ໃນ​ລັດຖະບານ​ມົດ​ສະ​ກູ​ເປີດ​ເຜີຍ​ວ່າ: ​ເຣດ​ີ​ໂອ ຟຣີ ​ເອີຣົບ/​ເຣດີ​ໂອ ລິ​ເບີ​ຕີ້ (REF/RL) ​ແລະ ສະຖານີ​ວິທະຍຸ “ວອຍ ອອຟ ອາ​ເມ​ລິ​ກາ” ພາກ​ສາ​ພາ​ຣັດ​ເຊຍ ​ເຊິ່ງ​ເປັນ​ສື່​ມວນ​ຊົນ​ທີ່​ໄດ້​ຮັບ​ງົບປະມານ​ສະໜັບສະໜູນ​ຈາກ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ ​ໄດ້​ຮັບ​ການ​ແຈ້ງ​ເຕືອນ​ຈາກ​ກະຊວງ​ຍຸຕິ​ທຳ​ຂອງຣັດ​ເຊຍ​ແລ້ວ ກ່ຽວ​ກັບ​ການ​ໃຫ້​ກຽມ​ຈົດ​ທະບຽນ​ໃນ​ຖານະ​ຕົວ​ແທນ​ຕ່າງປະ​ເທດ.

ທັງ​ນີ້, ການ​ເຄື່ອນ​ໄຫວ​ຂອງ​ສະພາ​ດູ​ມາ​ໃນ​ເລື່ອງ​ນີ້​ມີ​ຂຶ້ນພຽງ​ບໍ່​ເທົ່າ​ໃດ​ວັນ ຫລັງ​ສະຖານີ​ໂທລະພາບຣັດ​ເຊຍ ທູ​ເດ (RT) ປະຈຳ​ພາກພື້ນອາ​ເມ​ລິ​ກາ​ເໜືອ ​ເຊິ່ງ​ເປັນ​ສື່​ທີ່​ໄດ້​ຮັບ​ງົບປະມານ​ສະໜັບສະໜູນ​ຈາກ​ທຳນຽບ​ເກຣມລິນ ຂຶ້ນທະບຽນ​ກັບ​ກະຊວງ​ຍຸຕິ​ທຳ​ອາ​ເມ​ລິ​ກາ​ໃນ​ຖານະ “ຕົວ​ແທນ​ລັດຖະບານ​ຕ່າງປະ​ເທດ” ​ໂດຍ​ພະນັກງານ​ສືບສວນ​ຂອງ​ລັດຖະບານ​ວໍ​ຊິງ​ຕັນ​ເຊື່ອ​ວ່າ RT ​ເປັນ​ສຳນັກ​ຂ່າວ​ທີ່ “ມີ​ບົດບາດ” ​ໃນ​ການ​ແຊກ​ແຊງ​ທາງ​ການ​ເມືອງ​ຂອງຣັດ​ເຊຍ​ຕໍ່​ການ​ເລືອກ​ຕັ້ງປະທານາທິບໍດີ​ອາ​ເມ​ລິ​ກາ ​ໃນ​ປີຜ່ານມາ.

error: Alert: Content is protected !!