ຂໍໃຫ້ເຈົ້າໜ້າທີ່ຈະລາຈອນເພີ່ມຄວາມ ຂະຫຍັນໃນການເຮັດວຽກຫລາຍຂຶ້ນ

- advert banner 728 90 728x90 - ຂໍໃຫ້ເຈົ້າໜ້າທີ່ຈະລາຈອນເພີ່ມຄວາມ ຂະຫຍັນໃນການເຮັດວຽກຫລາຍຂຶ້ນ

ໂດຍ: ທ່ຽງ​ທຳ

- new3 - ຂໍໃຫ້ເຈົ້າໜ້າທີ່ຈະລາຈອນເພີ່ມຄວາມ ຂະຫຍັນໃນການເຮັດວຽກຫລາຍຂຶ້ນ

ສະບາຍດີ ເພື່ອນ​ຜູ້​ອ່ານ​ທີ່​ຮັ​ກ​ແພງ, ​ໃນ​ຜ່ານ​ມານີ້ ​ເຖິງ​ວ່າ​ເຈົ້າໜ້າ​ທີ່​ຈະລາຈອນ​ເຮົາ​ໄດ້​ອອກ​ແຮງ​ເຮັດ​ວຽກ​ງານ​ຂອງ​ຕົນ​ດ້ວຍ​ຄວາມ​ຕັ້ງໜ້າ ​ແລະ ​ໄດ້​ຊ່ວຍ​ໃຫ້ການ​ຈະລາຈອນ​ ​ໂດຍ​ສະ​ເພາະ​ຢູ່​ນະຄອນຫລວງ​ວຽງ​ຈັນ​ມີ​ຄວາມ​ເປັນ​ລະບຽບ​ຮຽບຮ້ອຍ​ດີ​ຂຶ້ນ​ເປັນ​ລຳດັບ, ​ແຕ່​ຄຽງ​ຄູ່​ກັນນັ້ນ ກໍ​ຍັງ​ເຫັນ​ມີ​ຫລາຍ​ປາກົດການ​ຫຍໍ້​ທໍ້​ເກີດ​ຂຶ້ນ​ໃນ​ຂະ​ບວນການ​ໃຊ້​ລົດ​ໃຊ້​ຖະໜົນ​ ​ເຊັ່ນ​ວ່າການ​ຈອດ​ລົດ​ຊະຊາຍ, ຜູ້​ຂັບ​ຂີ່​ລ່ວງ​ລະ​ເມີດ​ລະບຽບ​ຈະລາຈອນ, ຂີ່​ລົດ​ໄວ, ​ໃຊ້​ສຽງ​ດັງ, ດື່ມ​ສິ່ງ​ມືນ​ເມົາ​ແລ້ວ​ຂັບ​ຂີ່ ຍັງ​ປາກົດ​ມີ​ແຜ່​ຫລາຍ, ບາງ​ກໍລະນີ​ເບິ່ງ​ຄື​ວ່າ​ເບື້ອງ​ເຈົ້າໜ້າ​ທີ່​ເຮົາ​ຍັງ​ບໍ່​ທັນ​ມີ​ຄວາມ​ຂະຫຍັນ​ພໍ​ໃນ​ການ​ເຮັດ​ໜ້າ​ທີ່​ຄວບ​ຄຸມ​ລະບຽບ​ການ​ຈະລາຈອນ ​ໂດຍ​ສະ​ເພາະ​ຄວາມ​ເຂັ້ມງວດ​ໃນ​ການກວດ​ຂັນ​ຜູ້​ກະທຳ​ຜິດ ​ເພື່ອ​ກ່າວ​ເຕືອນ ຫລື ປັບ​ໄໝ, ສຶກສາ​ອົບຮົມ​ໃຫ້​ເຂົາ​ເຈົ້າມີ​ສະຕິ​ປະຕິບັດ​ລະບຽບ​ກົດໝາຍ​ການ​ຈະລາຈອນ. ທັງ​ໝົດ​ນີ້​ກໍ​ເພື່ອ​ແນ​ໃສ່​ຫລຸດຜ່ອນ​ບັນຫາ​ອຸ​ປະຕິ​ເຫດ​ບົນ​ທ້ອງ​ຖະໜົນ, ສ້າງ​ຄວາມ​ເປັນ​ລະບຽບ​ຮຽບຮ້ອຍ​ໃນ​ການ​ສັນຈອນ​ຂອງ​ນະຄອນຫລວງ​ວຽງ​ຈັນ​ໃຫ້​ນັບ​ມື້​ໄດ້​ຮັບ​ການ​ຍົກຍ້ອງ ​ແລະ ​ເປັນ​ນະຄອນ​ໜ້າ​ຢູ່​ໜ້າ​ຊົມ ​ເພື່ອ​ຮອງ​ຮັບ​ປີ​ທ່ອງ​ທ່ຽວ​ລາວ 2018 ມີ​ບັນຍາກາດ​ຟົດຟື້ນຍິ່ງ​ຂຶ້ນ.

ມີ​ເພື່ອນ​ຜູ້​ອ່ານ​ສ່ອງ​ແສງ​ມາ​ວ່າ: ມີ​ຫລາຍ​ຄັ້ງພົບ​ເຫັນ​ກໍລະນີ​ເສັ້ນທາງ​ແອ​ອັດ-ລົດ​ຕິດ​ເປັນ​ສາຍ​ຍາວ​ຢຽດ​ໃນ​ກະ​ໂຕ 3 ​ແຍກ, 4 ​ແຍກ ບ່ອນ​ມີ​ປ້ອມ​ເຈົ້າໜ້າ​ທີ່​ປະຈຳການ​ຢູ່, ​ແຕ່​ກໍ​ບໍ່​ຄ່ອຍ​ເຫັນ​ເຈົ້າໜ້າ​ທີ່ຢູ່​ບ່ອນ​ນັ້ນອອກ​ມາ​ລະບາຍ ຫລື ຄວບ​ຄຸມ​ການ​ສັນຈອນ​ບ່ອນ​ນັ້ນ​ແຕ່​ຢ່າງ​ໃດ, ​ເບິ່ງ​ແລ້ວ​ຄື​ບໍ່​ຫົວຊາ. ​ໃນ​ຂະນະ​ສິ່ງ​ນີ້​ແມ່ນ​ໜ້າ​ວຽກ​ຕົ້ນຕໍ​ຂອງ​ເຈົ້າໜ້າ​ທີ່​ຈະລາຈອນ. ດັ່ງນັ້ນ ຈຶ່ງ​ຂໍ​ສ່ອງ​ແສງ​ມາ​ເພື່ອ​ພວກ​ເຮົາ​ຈະ​ພ້ອມ​ກັນ​ເປັນ​ເຈົ້າການ​ຕື່ມ​ໃນ​ການ​ຄວບ​ຄຸມ​ລະບຽບ​ການ​ຈະລາຈອນ​ໃນ​ຕົວ​ເມືອງ​ຫລວງ​ໃຫ້​ໂລ່ງ​ລ່ຽນ.

error: Content is protected !!