ກອງທັບຊິມບຳເວຄຸມອຳນາດທັງໝົດ ກັກບໍລິເວນທ່ານ ມູກາເບ

- 136754642 15107457805541n - ກອງທັບຊິມບຳເວຄຸມອຳນາດທັງໝົດ ກັກບໍລິເວນທ່ານ ມູກາເບ
- AGL banner - ກອງທັບຊິມບຳເວຄຸມອຳນາດທັງໝົດ ກັກບໍລິເວນທ່ານ ມູກາເບ

ກອງທັບ​ຊິ​ມບຳ​ເວ​ຄວບ​ຄຸມ​ສະຖານະ​ການ​ພາຍ​ໃນ​ປະ​ເທດ​ທັງ​ໝົດ ທ່າມກາງ​ສຽງ​ຮຽກຮ້ອງ​ໃຫ້​ເລັ່ງຄືນ​ອຳນາດ​ຈາກ​ຕາ​ເວັນ​ຕົກ, ຂະນະ​ທີ່​ປະທານາທິບໍດີ ​ໂຣ​ເບີດ ມູກາ​ເບ ​ແລະ ພັນ​ລະ​ຍາ ຖືກ​ກັກ​ບໍລິ​ເວນ​ຢູ່​ພາຍ​ໃນ​ເຮືອນ, ສ່ວນ​ປະຊາຊົນ​ໃຊ້​ຊີວິດ​ຕາມ​ປົກກະຕິ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ຮາຣາ​ເຣ ປະ​ເທດ​ຊິ​ມບຳ​ເວ ​ໃນ​ວັນ​ທີ 16 ພະຈິກ​ວ່າ: ສະຫະພາບ​ອາ​ຟຣິກາ (AU) ອອກ​ຖະ​ແຫລ​ງການ​ໃນ​ວັນ​ທີ 15 ພະຈິກ ວິຈານ​ສະຖານະ​ການ​ທາ​ງການ​ເມືອງ​ທີ່​ພວມ​ເກີດ​ຂຶ້ນຢູ່​ຊິ​ມບຳ​ເວ​ວ່າ: “ບໍ່​ຕ່າງ​ຈາກ​ການ​ລັດຖະປະຫານ” ​ແລະ ຮຽກຮ້ອງ​ໃຫ້​ກອງທັບ​ຊິ​ມບຳ​ເວ​ຄືນ​ອຳນາດ​ຕາມ​ແນວທາງ​ປະຊາທິປະ​ໄຕ​ໃຫ້​ແກ່​ປະທານາທິບໍດີ​ໂດຍ​ໄວ​ທີ່​ສຸດ. ຂະນະ​ທີ່​ມີ​ລາຍ​ງານ​ອີກ​ວ່າ: ປະຊາ​ຄົມ​ເພື່ອ​ການ​ພັດທະນາ​ອາ​ຟຣິກາ​ຕອນ​ໃຕ້ (SADC) ​ເຊິ່ງຊິ​ມບຳ​ເວ​ເປັນ​ໜຶ່ງ​ໃນ​ປະ​ເທດ​ສະມາຊິກ ມີ​ກຳນົດ​ຈັດ​ກອງ​ປະຊຸມ​ສຸກ​ເສີນ.

ສ່ວນ​ທຳນຽບປະທານາທິບໍດີ​ອາ​ຟຣິກາ​ໃຕ້​ເຜີຍ​ແຜ່​ຖະ​ແຫລ​ງການ​ຂອງ​ປະທານາທິບໍດີ ຈາ​ຄັອບ ຊູ​ມາ ວ່າ​ໄດ້​ມີ​ໂອກາດ​ສົນທະນາ​ທາງ​ໂທລະສັບ​ກັບ​ປະທານາທິບໍດີ ​ໂຣ​ເບີດ ມູກາ​ເບ ​ເຊິ່ງຜູ້ນຳ​ຊິ​ມບຳ​ເວ ອາຍຸ 93 ປີ ຢືນຢັນ​ວ່າ​ທ່ານ ​ແລະ ທ່ານ​ນາງ ​ເກຣ ມູກາ​ເບ ພັນ​ລະ​ຍາ “ສະບາຍດີ” ​ແຕ່​ຢູ່​ພາຍ​ໃຕ້​ການ​ກັກ​ບໍລິ​ເວນ​ໂດຍ​ກອງທັບ ​ແລະ ບໍ່​ສາມາດ​ເປີດ​ເຜີຍ​ສະຖານະ​ການ​ໄດ້.

​ໃນ​ເວລາ​ດຽວ​ກັນ, ທ່ານ ອັນ​ໂຕ​ນິ​ໂອ ກູ​ເຕີ​ເຣ ​ເລຂາທິການ​ສະຫະ​ປະຊາ​ຊາດ (ສປຊ) ກ່າວ​ຮຽກຮ້ອງ​ໃຫ້​ຄູ່​ກໍລະນີ​ຝ່າຍ​ໃນ​ຊິ​ມບຳ​ເວ​ຫລີກ​ເວັ້ນການ​ໃຊ້​ຄວາມ​ຮຸນ​ແຮງ ​ແລະ ​ເຈລະຈາ​ກັນ​ໂດຍ​ໄວ​ທີ່​ສຸດ ​ເພື່ອ​ຫລຸດຜ່ອນ​ວິ​ກິດ​ການຄັ້ງນີ້​ຢ່າງ​ສັນຕິ. ​ເຊັ່ນ​ດຽວ​ກັບ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ທີ່​ອອກ​ຖະ​ແຫລ​ງການ​ຮຽກຮ້ອງ​ໃນ​ເລື່ອງ​ນີ້ ​ແລະ ​ເຕືອນ​ໄພ​ພົນລະ​ເມືອງ​ອາ​ເມ​ລິ​ກາ​ໃນ​ພື້ນທີ່. ສ່ວນ​ທ່ານ ບໍຣິສ ຈອນ​ສັນ ລັດຖະມົນຕີ​ກະຊວງ​ການ​ຕ່າງປະ​ເທດ​ສະຫະ​ລາຊະ​ອານາຈັກ ​ເຊິ່ງ​ເປັນ​ອະດີດ​ເຈົ້າອານາ​ນິຄົມ​ຂອງ​ຊິ​ມບຳ​ເວ ​ເຕືອນ​ວ່າ​ສະຫະ​ລາຊະ​ອານາຈັກ​ຄັດຄ້ານ​ການຖ່າຍ​ໂອນ​ອຳນາດ​ໃຫ້​ແກ່ “ຜະ​ເດັດ​ການ”.

-    AD conten website - ກອງທັບຊິມບຳເວຄຸມອຳນາດທັງໝົດ ກັກບໍລິເວນທ່ານ ມູກາເບ
- lattana banner - ກອງທັບຊິມບຳເວຄຸມອຳນາດທັງໝົດ ກັກບໍລິເວນທ່ານ ມູກາເບ
- lattana banner 1 - ກອງທັບຊິມບຳເວຄຸມອຳນາດທັງໝົດ ກັກບໍລິເວນທ່ານ ມູກາເບ
error: Alert: ເນື້ອຫາຂ່າວມີລິຂະສິດ !!