ບໍລິສັດໂຈ້ບຸນມີ ກຣູບ ພ້ອມຈະທຸ້ມທຶນເຖິງຕື້ໂດລາພັດທະນາໃນເຂດເສດຖະກິດທ່າແຂກ

- interview - ບໍລິສັດໂຈ້ບຸນມີ ກຣູບ ພ້ອມຈະທຸ້ມທຶນເຖິງຕື້ໂດລາພັດທະນາໃນເຂດເສດຖະກິດທ່າແຂກ
- AGL banner - ບໍລິສັດໂຈ້ບຸນມີ ກຣູບ ພ້ອມຈະທຸ້ມທຶນເຖິງຕື້ໂດລາພັດທະນາໃນເຂດເສດຖະກິດທ່າແຂກ

ພາຍຫຼັງບໍລິສັດ ໂຈ້ບຸນມີ ກຣຸບ ຂົນສົ່ງສິນຄ້າສາກົນ ໄອຊີດີ (ICD) ຈໍາກັດຜູ້ດຽວໄດ້ທຸ້ມທຶນເກືອບ100ລ້ານໂດລາສະຫະລັດໄປແລ້ວເພື່ອພັດທະນາສະຖານີຂົນສົ່ງຄ່ຽນຖ່າຍສິນຄ້າແບບຄົບວົງຈອນແລະມີມາດຕະຖານຢູ່ເຂດເສດຖະກິດສະເພາະທ່າແຂກ ແຂວງຄຳມ່ວນ ເຊິ່ງເປີດບໍລິການແລ້ວເມື່ອທ້າຍເດືອນຕຸລາຜ່ານມາ, ແລະປະຈຸບັນປະທານບໍລິສັດ ໄດ້ອອກມາຢືນຢັນຍັງຈະສືບຕໍ່ລົງທຶນຕື່ມອີກເປັນພັນລ້ານໂດລາສະຫະລັດເພື່ອຂະຫຍາຍກິດຈະການທີ່ປິ່ນອ້ອມອື່ນໆ.

ທ່ານ ສຸກກະເສີມ ເຕໂຊ ທີ່ປຶກສາ ບໍລິສັດດັ່ງກ່າວເປີດເຜີຍວ່າ:ເລີ່ມຕົ້ນແຕ່ປີ2015 ບໍລິສັດໄດ້ນໍາໃຊ້ທຶນສ່ວນຕົວ100%ເພື່ອພັດທະນາສະຖານີຂົນສົ່ງສິນຄ້າສາກົນແຫ່ງນີ້ ໃນເບື້ອງຕົ້ນຂໍອະນຸຍາດລົງທຶນ25ລ້ານໂດລາສະຫະລັດ,ໃນເນື້ອທີ່14ເຮັກຕາ,ແຕ່ດ້ວຍຄວາມພ້ອມທາງດ້ານການເງິນບໍລິສັດຈຶ່ງຂໍລົງທຶນຕື່ມອີກຈາກ25ລ້ານເປັນ100ລ້ານໂດລາແລະຂໍສຳປະທານເນື້ອທີ່ດິນຕື່ມອີກຈາກ14ເຮັກຕາເປັນ45ເຮັກຕາແລະກໍ່ໄດ້ຮັບການອະນຸຍາດຈາກສະພາບໍລິຫານເຂດເສດຖະກິດສະເພາະທ່າແຂກແລະມາຮອດປະຈຸບັນສະຖານີຂົນສົ່ງສິນຄ້າສາກົນແຫ່ງນີ້ກໍ່ໄດ້ເປີດນຳໃຊ້ຢ່າງເປັນທາງການແລ້ວເພື່ອໃຫ້ບໍລິການລະບົບສາງ,ຄ່ຽນຖ່າຍສິນຄ້າ,ບ່ອນຈອດລົດ,ສະຖານທີ່ເກັບຮັກສາສິນຄ້າ,ການຫຸ້ມຫໍ່ແລະຂົນສົ່ງສິນຄ້າທັງພາຍໃນແລະຕ່າງປະເທດແລະບໍລິການອື່ນໆຢ່າງຄົບວົງຈອນຕາມຮູບແບບບໍລິການຜ່ານປະຕູດຽວແລະມີຄວາມວ່ອງໄວທີ່ສຸດ.

ປະທານບໍລິສັດໂຈ້ ບຸນມີ ກຣຸບ ກ່າວວ່າ:ເປັນພຽງການລົງທຶນເບື້ອງຕົ້ນໃນການກໍ່ສ້າງສະຖານີແລະຍັງຈະສືບຕໍ່ລົງທຶນຕື່ມອີກຢູ່ໃນເນື້ອທີ່ສຳປະທານອາດເຖິງເງິນພັນລ້ານໂດລາສະຫະລັດເຂົາໃນການກໍ່ສ້າງລະບົບອຳນວຍຄວາມສະດວກໃຫ້ແກ່ສະຖານີ ເປັນຕົ້ນແມ່ນການສ້າງໂຮງແຮມລະດັບຫ້າດາວ,ຮ້ານອາຫານແລະສິ່ງອຳນວຍອື່ນໆທີ່ນອນໃນເຂດເສດຖະກິດສະເພາະທ່າແຂກແຫ່ງນີ້.

- Wave100S AD to Website 2020 0 - ບໍລິສັດໂຈ້ບຸນມີ ກຣູບ ພ້ອມຈະທຸ້ມທຶນເຖິງຕື້ໂດລາພັດທະນາໃນເຂດເສດຖະກິດທ່າແຂກ
- lattana 1 - ບໍລິສັດໂຈ້ບຸນມີ ກຣູບ ພ້ອມຈະທຸ້ມທຶນເຖິງຕື້ໂດລາພັດທະນາໃນເຂດເສດຖະກິດທ່າແຂກ
error: Alert: Content is protected !!