ລາວ​-ຈີນ ​ກຽມ​ສ້າງ​ສູນ​ຄົ້ນຄວ້າຢາງ​ພາລາ ​ແລະ ພືດ​ກະສິກຳ​ລາວ ​

- advert banner 728 90 728x90 - ລາວ​-ຈີນ ​ກຽມ​ສ້າງ​ສູນ​ຄົ້ນຄວ້າຢາງ​ພາລາ ​ແລະ ພືດ​ກະສິກຳ​ລາວ ​

ພິທີ​ລົງ​ນາມ​ສັນຍາໂຄງການ​ຮ່ວມ​ມື​ສ້າງ​ສູນ​ຄົ້ນຄວ້າ​ຢາງພາລາ​ລາວ, ​ໄດ້​ມີ​ຂຶ້ນ​ໃນ​ວັນ​ທີ 15 ພະຈິກ​ນີ້, ທີ່​ນະຄອນຫລວງ​ວຽງ​ຈັນ, ລະຫວ່າງ​ທ່ານ ຄຳ​ພັນ ​ເໝືອນ​ສິດທິ​ດາ ຫົວໜ້າ​ຫ້ອງການ​ກະຊວງກະສິກຳ ​ແລະ ປ່າ​ໄມ້ ​ແລະ ທ່ານ ລີ ສື​ຈຸ່ນ ຜູ້​ຊ່ວຍ​ອຳນວຍ​ການ​ໃຫຍ່ ກຸ່ມ​ບໍລິສັດ​ພັດທະນາ​ກະ​ສິກຳ ຢຸນນານ, ທັງ​ເປັນ​ປະທານ​ບໍລິສັດ ການ​ລົງທຶນ ຢາງພາລາ​ຢຸນນານ ຈຳກັດ ປະຈຳ​ລາວ, ພ້ອມ​ດ້ວຍ​ພາກສ່ວນ​ກ່ຽວຂ້ອງ​ທັງ​ສອງຝ່າຍ​ເຂົ້າ​ຮ່ວມ.

- new3 - ລາວ​-ຈີນ ​ກຽມ​ສ້າງ​ສູນ​ຄົ້ນຄວ້າຢາງ​ພາລາ ​ແລະ ພືດ​ກະສິກຳ​ລາວ ​

​​ໂຄງການ​ດັ່ງກ່າວ ຈະ​ຖືກ​ແບ່ງ​ອອກ​ເປັນ 2 ​ໄລຍະ​ຄື: ​​ໄລຍະ​ທຳ​ອິດ, ​ເລີ່​ມແຕ່​ປີ 2018-2020 ​ເປັນ​ໄລຍະ​ກໍ່ສ້າງ​ຕຶກ​ອາຄານ ​ແລະ ກໍ່ສ້າງ​ພະນັກງານ​ວິຊາ​ການ​ລາວ ​ແລະ ​ໄລຍະ 2 ​​ເລີ່​ມ​ແຕ່​ປີ 2021-2051 ​ເປັນ​ໄລຍະ​ການ​ຮ່ວມ​ມື​ດ້ານ​ວິຊາ​ການ, ຊຶ່ງ​ເປົ້າ​ໝາຍ​ຂອງ​ໂຄງການກໍ​ເພື່ອ​ເປັນ​ການ​ປະຕິບັດ​ນະ​ໂຍບາຍ​ລວມຂອງ​ລັດຖະບານ ​ໃນ​ການ​ຍາດ​ແຍ່ງ​ການ​ຊ່ວ​ຍ​ເຫລືອ, ການ​ຮ່ວມ​ມື​ທາງ​ດ້ານ​ເຕັກນິກ​ວິຊາ​ການ ​ເພື່ອ​ພັດທະນາ​ຢາງພາລາ ​ແລະ ພືດ​ກະສິກຳ​ລາວ-ຈີນ ທີ່​ໄດ້​ມອບ​ໃຫ້​ບໍລິສັດ ຢາງພາລາ ຢຸນນານ​ລາວ ຈຳກັດ ​ເຮັດ​ໜ້າ​ທີ່​ຊຸກຍູ້​ສະໜັບສະໜູນ​ການ​ລົງທຶນ​ສຳລັບ​ການ​ກໍ່ສ້າງ​ພື້ນຖານ​ໂຄງ​ລ່າງ, ການ​ສ້າງ​ບຸກຄະລາກ​ອນ, ວິຊາ​ການ ​ເພື່ອ​ການ​ວິ​​ໄຈ​ຄຸນ​ນະພາ​ບ ​ແລະ ກຳນົດ​ມາດຕະ ຖານ​ຢາງພາລາ ​ແລະ ພືດ​ກະສິກຳ​ລາວ, ການ​ບໍລິການ​ຢັ້ງຢືນ​ສິນຄ້າ​ຢາງພາລາ​ລາວ ຕາມ​ມາດຖານ​ສາກົນ ​ແລະ ​ເປັນ​ທີ່​ຍອມຮັບ​ຈາກ​ອົງການ ການ​ຄ້າ​ໂລກ.

​ໂຄງການ​ຄົ້ນຄວ້າ​ວິ​ໄຈ​ຢາງພາລາ ​ແລະ ພືດ​ກະສິກຳ​ລາວ ​ແມ່ນ​ໂຄງການ​ຮ່ວມ​ມື​ດ້ານ​ວິຊາ​ການ, ຊຶ່ງ​ກະຊວງ​ກະສິກຳ ​ແລະ ປ່າ​ໄມ້ ​ໄດ້​ປະກອບສ່ວນ​ທີ່​ດິນ ຫລາຍກວ່າ 20.000 ​ຕາ​ແມັດ, ຕັ້ງ​ຢູ່​ບ້ານ​ໂນນ​ສະອາດ, ​ເມືອງ​ໄຊ​ທານີ, ນະຄອນຫລວງ​ວຽງ​ຈັນ ​ເພື່ອ​​​ເປັນບ່ອນ​ປຸກ​ສ້າງ​ອາຄານ 5 ຫລັງ, ປະກອບ​ມີ: ຫ້ອງການ ​ແລະ ຫ້ອງ​ຝຶກ​ອົບຮົມ 1 ຫລັງ, ອາຄານຫ້ອງ​ທົດ​ລອງ 2 ຫລັງ ​ແລະ ອາຄານ​ຫໍ​ພັກ 2 ຫລັງ, ສ່ວນ​ຝ່າຍ​ຈີນ ​ໄດ້​ປະກອບສ່ວນ​ເປັນ​ເງິນ ຈຳນວນ 10 ລ້ານ​ໂດ​ລາ​ສະຫະລັດ ​ແລະ ອຸປະກອນ​ຕ່າງໆ ​ເພື່ອ​ນຳ​ໃຊ້​​ເຂົ້າ​ໃນ​ການ​ດຳ​ເນີນ​ການ​ກໍ່ສ້າງ​ອາຄານ​ດັ່ງກ່າວ.

error: Content is protected !!