ອິດສະລາແອນໂຈມຕີເປົ້າໝາຍໃຈກາງນະຄອນຫລວງເບຣຸດ ສັງຫານໂຄສົກກຸ່ມແຮັດໂບລາ

      ທ່ານ ໂມຮໍາເໝັດ ອາຟິບ ໂຄສົກຂອງກຸ່ມແຮັດໂບລາ ເສຍຊີວິດຈາກປະຕິບັດການໂຈມຕີທາງທະຫານຂອງອິດສະລາແອນ ຢູ່ເມືອງຫລວງຂອງລີບັງ.

      ກອງທັບອິດສະລາແອນອອກຖະແຫລງການວ່າ: ປະຕິບັດການໂຈມຕີທາງອາກາດຢູ່ນະຄອນຫລວງເບຣຸດ ຂອງລີບັງ ໃນວັນທີ 17 ພະຈິກຜ່ານມາ ສາມາດສັງຫານທ່ານ ໂມຮໍາເໝັດ ອາຟິບ ໂຄສົກຂອງກຸ່ມແຮັດໂບລາ ເຊິ່ງມີການກ່ຽວຂ້ອງກັບກິດຈະກໍາກໍ່ການຮ້າຍຂອງກຸ່ມແຮັດໂບລາທີ່ມີຕໍ່ອິດສະລາແອນ.

      ເຖິງຢ່າງໃດກໍຕາມ, ໜ້ອຍຫລາຍທີ່ການໂຈມຕີທາງທະຫານຂອງອິດສະແອນຈະມຸ້ງເປົ້າໃສ່ສະມາຊິກຂອງກຸ່ມແຮັດໂບລາ ເຊິ່ງບໍ່ໄດ້ກ່ຽວຂ້ອງໂດຍກົງຕໍ່ປະຕິບັດການທາງທະຫານ ແລະ ເຖິງວ່າອິດສະລາແອນໂຈມຕີນະຄອນຫລວງເບຣຸດເພີ່ມຂຶ້ນ, ແຕ່ສ່ວນຫລາຍຈະເນັ້ນໂຈມຕີເຂດທາງໃຕ້ຂອງນະຄອນຫລວງເບຣຸດ ເຊິ່ງເປັນຖານທີ່ໝັ້ນຂອງກຸ່ມແຮັດໂບລາ ໃນເມືອງຫລວງຂອງລີບັງ ຫລາຍກວ່າການໂຈມຕີເຂດໃຈກາງນະຄອນຫລວງເບຣຸດ ເຊິ່ງມີປະຊາຊົນອາໄສຢູ່ໜາແໜ້ນ.