10 ສິ່ງທີ່ຄວນຮູ້ ຫາກໃຫ້ລູກກິນນົມຈາກປ໋ອງນົມ
November 18, 2017 - 10:11 AM
- ຄວນເລືອກວັດສະດຸທີ່ເຮັດປ໋ອງນົມ ຈາກປຣາສະຕິກທີ່ໄດ້ມາດຕະຖານ ຫຼື ເລືອກປ໋ອງນົມທີ່ເຮັດຄວາມສະອາດງ່າຍ
- ເລືອກຫົວນົມທີ່ພໍດີກັບປາກລູກ ແລະ ປ່ຽນໃຫ້ພໍດີກັບໄລຍະອາຍຸຂອງລູກ ເພື່ອການດູດທີ່ດີຂຶ້ນ
- ຖ້າໃຫ້ລູກກິນນົມຈາກປ໋ອງຕ້ອງພະຍາຍາມເຮັດໃຫ້ລູກເອື້ອມຕະຫຼອດ ເພາະການດູດນົມຈາກປ໋ອງຈະເຮັດໃຫ້ລົມເຂົ້າທ້ອງ ເຮັດໃຫ້ເດັກອືດທ້ອງ ຫຼື ເຈັບທ້ອງໄດ້ ຕ້ອງຈັບໃຫ້ເອື້ອມທຸກຄັ້ງທີ່ກິນນົມຈາກປ໋ອງ
- ເດັກນ້ອຍທີ່ກິນນົມຈາກປ໋ອງຖ້າອຶ່ມແລ້ວອາດຈະດຶງອອກເອງ ຫຼື ຫັນໜ້າໜີ ແຕ່ຖ້າຍັງບໍ່ອຶ່ມແລ້ວນົມໝົດກ່ອນ ອາດເຮັດໃຫ້ຮ້ອງໄຫ້ ເນື່ອງຈາກວ່າຍັງບໍ່ອຶ່ມນັ້ນເອງ
- ກໍລະນີທີ່ໃຫ້ລູກກິນນົມປະສົມແມ່ຄວນປະສົມໃຫ້ເໝາະສົມ ນໍ້າ ແລະ ນົມຕ້ອງມີອັດຕາສ່ວນທີ່ເທົ່າກັນ ຖ້າຫາກນົມຫຼາຍ ຫຼື ຫນ້ອຍເກີນໄປ ອາດຈະເຮັດໃຫ້ມີອາການຖອກທ້ອງ
- ຖ້າລູກໃຫຍ່ພໍທີ່ຈະກິນນົມ ຫຼື ນໍ້າຈາກຈອກໄດ້ແລ້ວ ຄວນໃຫ້ລູກເຊົາດູດປ໋ອງນົມ ເພາະການກິນນົມຈາກປ໋ອງອາດເຮັດໃຫ້ເກີດບັນຫາກ່ຽວກັບສຸຂະພາບແຂ້ວໄດ້
- ຫຼັງຈາກທໍາຄວາມສະອາດປ໋ອງນົມ ຄວນອົບດ້ວຍຄວາມຮ້ອນ ເພື່ອຂ້າເຊືື້ອພະຍາດ ແຕ່ຫ້າມໃຊ້ກັບໄມໂຄເວັບເດັດຂາດ
- ລູກທີ່ກິນນົມແມ່ ແຕ່ແມ່ສາມາດບີບນໍ້ານົມໃສ່ປ໋ອງໄວ້ໃຫ້ລູກກິນ ໃນໄລຍະທີ່ບໍ່ສາມາດໃຫ້ລູກດູດຈາກເຕົ້າໄດ້
- ການໃຊ້ປ໋ອງນົມເປັນເລື່ອງທີ່ບໍ່ເສຍຫາຍຫຍັງ ໃນວັນທີ່ແມ່ບໍ່ສະດວກ ຫຼື ຕ້ອງໄປວຽກຕ່າງໆ ພໍ່ສາມາດເອົານໍ້ານົມໃຫ້ລູກກິນເອງໄດ້
- ກວດອຸນຫະພູມຂອງນໍ້າຊົງນົມທຸກຄັ້ງ ວ່າຢູ່ໃນອຸນຫະພູມທີ່ລູກກິນໄດ້ພໍດີ ຫຼື ບໍ່ ຢ່າໃຫ້ຮ້ອນເກີນໄປເດັດຂາດ ເພາະລີ້ນເດັກນ້ອຍຈະສໍາຜັດຫຼາຍກວ່າຜູ້ໃຫຍ່
