3 ເຫດຜົນທີ່ອາດເຮັດໃຫ້ ໂຣນັລໂດ ຢາກຖອດຊຸດຂາວ

ພາຍຫລັງທີ່ ຣິລ ມາດຣິດ ເສຍໃຫ້ທັອດແນມ ຮັອດສະເປີ ໄປ 1-3 ໃນເກມຢູຟາ ແຊ໊ມປຽນລີກ ຮອບແບ່ງກຸ່ມ ໂຣນັລໂດ ເປີດເຜີຍວ່າລາວບໍ່ຕ້ອງການຕໍ່ສັນຍາສະບັບໃຫມ່ກັບທີມ ແລະ ບາງທີນີ້ອາດແມ່ນ 3 ເຫດຜົນ ສຳຄັນທີ່ເຮັດໃຫ້ລາວຍ້າຍອອກຈາກຖິ່ນຊານຕີອາໂກ ເບນາ ເບວ.

1. ເລື່ອງ ຣິລ ມາດຣິດ ພະຍາຍາມຊື້ ຄີລຽນ ເອັມບັບເປ ໃນໄລຍະຕົ້ນລະດູການທີ່ຜ່ານ ມາ : ຣິລ ມາດຣິດ ຕ້ອງການຈະດຶງ ເອັມບັບເປ ມາຮ່ວມທີມ ດ້ວຍການຍື່ນຂໍ້ສະເຫນີເຖິງ 161 ລ້ານປອນ ແຕ່ສຸດທ້າຍ ເອັມບັບເປ ຕັດສິນໃຈຍ້າຍຈາກໂມນາໂກ ໄປຢູ່ກັບ ປາຣິສ ແຊັງແຊັກແມັງ ໃນທີ່ສຸດ ແນວໃດກໍຕາມເປັນທີ່ເຊື່ອກັນວ່າ ໂຣນັລໂດ ບໍ່ພໍໃຈທີ່ຕົ້ນສັງກັດຫວັງດຶງ ເອັມບັບເປ ມາຊ່ວຍເກມບຸກທາງຝັ່ງຊ້າຍແທນທີ່ລາວ.
2.  ເລື່ອງ ຣິລ ມາດຣິດ ຕົກເປັນຂ່າວວ່າມີ ເນມາ ເປັນເປົ້າຫມາຍສຳຄັນໃນການ ສີມທີມ ຫລັງຈາກທີ່ດາວເຕະ ຄົນບຣາຊິລມີບັນຫາກັບຫມູ່ ຮ່ວມທີມ ແລະ ຜູ້ຈັດການທີມ ປາຣີ ແຊັງແຊັກແມັງ ໃນທີ່ສຸດ ແນວໃດກໍຕາມເປັນທີ່ເຊື່ອກັນ ວ່າ ໂຣນັລໂດ ບໍ່ພໍໃຈທີ່ຕົ້ນສັງກັດຈະ ເອົາ ເນມາ ມາແທນທີ່ລາວ.
3. ເລື່ອງ ລາຍຮັບ :​ ໂຣນັລໂດ ເປັນຫນຶ່ງໃນນັກເຕະທີ່ໄດ້ຄ່າ ເມື່ອຍຫລາຍທີ່ສຸດຂອງທີມ ໂດຍໄດ້ຮັບຢູ່ທີ່ 365,000 ປອນ/ອາ ທິດ ແຕ່ກໍຍັງຫນ້ອຍກວ່າ ລີໂອ ເນລ ເມສຊີ ໄດ້ຮັບຢູ່ກັບ ບາເຊ ໂລນາ ແລະ ເນມາ ໄດ້ຮັບຢູ່ກັບ ປາຣິສ ແຊັງແຊັກແມັງ  ແລະ ເຖິງວ່າ ຣິລ ມາດຣິດ ຈະພະຍາຍາມຫາຂໍ້ສະເຫນີໃຫມ່ໆມາໂນ້ມນ້າວໃຈໃຫ້ ໂຣນັລໂດ ຕໍ່ສັນຍາສະບັບໃຫມ່ ແຕ່ລາວກໍຍັງລັງເລ ຖ້າຫາກຄ່າເມື່ອຍໃນສັນຍານັ້ນບໍ່ເທົ່າກັບ ເມສຊີ ແລະ ເນມາ.