ຫລາຍກິດຈະກຳເພີ່ມສະເໜ່ສຳລັບແມ່ຍິງ

- advert banner 728 90 728x90 - ຫລາຍກິດຈະກຳເພີ່ມສະເໜ່ສຳລັບແມ່ຍິງ

– ຮຽນເພີ່ມເຕີມຫາຄວາມຮູ້ໃໝ່ໆ : ການພັດທະນາຕົນເອງດຶງດູດໃຈຜູ້ຊາຍໄດ້ບໍ່ໜ້ອຍ ພຽງແຕ່ລົງທະບຽນຮຽນຫລັກສູດຕ່າງໆທີ່ມີປະໂຫຍດສຳລັບໂຕເອງ ເຊັ່ນ : ຮຽນພາສາ, ຮຽນເຮັດອາຫານ, ຮຽນຫລິ້ນດົນຕີ, ຮຽນຫຍິບເຄື່ອງ ໃຊ້ເວລາວ່າງເຮັດກິດຈະກຳເພີ່ມພູນຄວາມຮູ້ຄວາມສາມາດໃຫ້ຕົນເອງ ຈະເຮັດໃຫ້ຄວາມສຸກຂອງທ່ານຫລາຍຂຶ້ນຕື່ມອີກ.

- new3 - ຫລາຍກິດຈະກຳເພີ່ມສະເໜ່ສຳລັບແມ່ຍິງ

– ອອກກຳລັງກາຍ : ຢ່າງໜ້ອຍມື້ລະ 30 ນາທີ ເພື່ອເພີ່ມຄວາມສົດຊື່ນໃຫ້ກັບໂຕເອງ ຮ່າງກາຍທີ່ແຂງແຮງເຮັດໃຫ້ຜູ້ຊາຍທີ່ ຢູ່ໃກ້ຮູ້ສຶກແຂງແຮງໄປນຳ, ອອກກຳລັງກາຍຢ່າງຕໍ່ເນື່ອງເປັນປະຈຳ ຍັງເຮັດໃຫ້ທ່ານຮູບຮ່າງງາມ.

– ຮັກຄອບຄົວ : ເບິ່ງແຍງຄົນໃກ້ຊິດ, ພໍ່ແມ່ອ້າຍເອື້ອຍນ້ອງ  ເພື່ອນມິດສະຫາຍ ແລະ ສັດລ້ຽງໃນເຮືອນແມ່ນສິ່ງສຳຄັນໃນຊີວິດທີ່ຈະສະທ້ອນອອກມາໃຫ້ຜູ້ຊາຍທີ່ຢູ່ອ້ອມໆໂຕທ່ານເຫັນຄວາມອ່ອນໂຍນ ແລະ ຄວາມສຳນຶກໃນການເປັນຄົນດີຂອງທ່ານ ເຖິງວ່າທ່ານຈະບໍ່ເຄີຍຊວນເຂົາເຂົ້າວັດເລີຍກໍຕາມ, ຮັກຄອບຄົວເປັນການຕື່ມສະເໜ່ ແລະ ສົ່ງຜົນດີໃຫ້ກັບທ່ານ.

– ເຮັດຄືກັບນາງເອກຮູບເງົາ : ເສີຍໆເວລາທີ່ມີໂຕຮ້າຍ (ໝາຍເຖິງແມ່ຍິງຄົນອື່ນ) ເຂົ້າມາຫຍຸ້ງກ່ຽວໃນຊີວິດ ຫລື ເຂົ້າມາເກາະແກະຜູ້ຊາຍທີ່ທ່ານຄົບຫາຢູ່ ເພາະການບໍ່ໂວຍວາຍຈະເຮັດໃຫ້ຜູ້ຊາຍເຫັນຄຸນຄ່າຂອງທ່ານຫລາຍຂຶ້ນ, ແຕ່ແນວໃດກໍຕາມ ການຈະຫລິ້ນບົດບາດເສີຍໄດ້ ກ່ອນໜ້ານີ້ທ່ານຈະຕ້ອງຫລິ້ນບົດບາດນາງເອກທີ່ແສນດີ, ຮຽບຮ້ອຍ, ເວົ້າດີ, ເຮັດດີມາກ່ອນນຳ ການເຮັດຄືນາງເອກຮູບເງົາກໍມີສະເໜ່ມາແຕ່ບູຮານ.

– ໃຊ້ຈ່າຍຢ່າງຮອບຄອບ : ທ້ອນເງິນ ແລະ ໃຊ້ຈ່າຍໂດຍການຄິດພິຈາລະນາຢ່າງຮອບຄອບ ສະແດງເຖິງວຸດທິພາວະທີ່ເພີ່ມຂຶ້ນໃນການເປັນຜູ້ໃຫຍ່ທີ່ມີຄວາມຄິດຮອບຄອບຂຶ້ນຂອງທ່ານໃຫ້ຜູ້ຊາຍເຫັນ ໃຊ້ຊີວິດໃຫ້ສຸກສະບາຍຂຶ້ນໂດຍການປະຢັດ,  ຫລຸດຄ່າໃຊ້ຈ່າຍທີ່ບໍ່ຈຳເປັນລົງແດ່, ທ້ອນເງິນໄວ້ພັກຜ່ອນ ແລະ ອອກໄປທ່ຽວກັບເຂົາດີກ່ວາການໃຊ້ຈ່າຍເງິນຢ່າງຮອບຄອບແມ່ນສະເໜ່ທີ່ສ້າງຄວາມຮູ້ສືກດີໃຫ້ກັບຜູ້ຊາຍຢາກຢູ່ໃກ້ ຫລື ຄົບຫາກັບທ່ານໄປດົນໆ.

– ເອົາໃຈໃສ່ເລື່ອງການແຕ່ງໜ້າ ແລະ ແຕ່ງໂຕ : ການແຕ່ງໜ້າ ແລະ ການແຕ່ງໂຕໃຫ້ເໝາະສົມກັບຮູບຮ່າງ ແລະ ບຸກຄະລິກຂອງຕົນກໍແມ່ນໜຶ່ງໃນການເພີ່ມສະເໜ່ໃຫ້ກັບແມ່ຍິງໄດ້, ແຕ່ທັງນີ້ກໍບໍ່ຄວນແຕ່ງໜ້າໜາເກີນໄປ ແລະ ຄວນເອົາໃຈໃສ່ເລື່ອງເຄື່ອງນຸ່ງຄວນປັບປ່ຽນໃຫ້ທັນສະໄໝຂຶ້ນ, ແຕ່ກໍຍັງຮັກສາຄວາມສຸພາບໄວ້.

error: Content is protected !!